ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ອໍານາດການປົກຄອງແຂວງອັດຕະປື ມອບອຸປະກອນການແພດ ໃຫ້ໂຮງໝໍແຂວງເພື່ອປ້ອງກັນພະຍາດໂຄວິດ-19:

ຍ້ອນຄວາມເປັນຫ່ວງເປັນໃຍຕໍ່ສຸຂະພາບຂອງປະຊາຊົນ ຕໍ່ການແຜ່ລະບາດຂອງພະຍາດອັກເສບ ປອດ ຈາກເຊື້ອຈຸລະໂລກສາຍພັນໃໝ່ ຫຼື ໂຄວິດ-19, ຈາກການທີ່ທາງຄະນະນໍາຂັ້ນແຂວງ, ຄະນະສະເພາະກິດຂັ້ນແຂວງ ພ້ອມດ້ວຍພາກສ່ວນທີ່ກ່ຽວຂ້ອງຂັ້ນແຂວງ ໄດ້ ລົງຕິດຕາມ ແລະ ກວດກາເບິ່ງການກະກຽມຄວາມພ້ອມດ້ານຕ່າງໆ ຂອງໂຮງໝໍແຂວງອັດຕະປື ໃນໄລຍະຜ່ານມາ, ເຖິງວ່າໃນປະຈຸບັນແຂວງເຮົາ ຍັງບໍ່ທັນມີ ກໍລະນີຜູ້ຕິດເຊື້ອກໍ່ຕາມ ແຕ່ໂຮງໝໍແຂວງ ກໍ່ແມ່ນຈຸດໜຶ່ງທີ່ມີຄວາມສໍາຄັນ ທີ່ ຕ້ອງໄດ້ກຽມຄວາມພ້ອມໃນທຸກດ້ານເຊັ່ນ: ກຽມພ້ອມດ້ານຕຶກອາຄານເພື່ອຮອງຮັບຄົນເຈັບ , ດ້ານບຸກຄະລາກອນທາງການແພດ ຕະຫຼອດຮອດ ອຸປະກອນການແພດທີ່ຈໍາເປັນ, ເພື່ອຮັບມືກັບພະຍາດນີ້ ຫາກມີການລະບາດພະຍາດ ໂຄວິດ-19 ເກີດຂື້ນ.

ດັ່ງນັ້ນ ໃນຕອນບ່າຍຂອງວັນທີ 22 ເມສາ ຜ່ານມານີ້ ທີ່ ໂຮງໝໍ ແຂວງອັດຕະປື, ຄະນະນໍາຂອງແຂວງອັດຕະປື ຈຶ່ງໄດ້ຈັດຊື້ອຸປະກອນການແພດ ແລະ ນໍາໄປມອບໃຫ້ໂຮງໝໍແຂວງອັດຕະປື. ຕາງໜ້າມອບເຄື່ອງດັ່ງກ່າວ ແມ່ນທ່ານ ໄຊຍະລາດ ຊຸມພົນພັກດີ, ຮອງຫົວໜ້າຫ້ອງວ່າການແຂວງອັດຕະປື, ແລະ ຮັບໂດຍທ່ານ ອິນປັນອິນທິລາດ, ຮອງຫົວໜ້າພະແນກສາທາລະນະສຸກແຂວງ, ໂດຍມີຫົວໜ້າກອງເລຂາຄະນະປ້ອງກັນ ແລະ ຄວບຄຸມພະຍາດໂຄວິດ-19 ແລະ ຮອງອໍານວຍການໂຮງໝໍແຂວງ, ພ້ອມດ້ວຍພະນັກງານແພດໝໍ ເຂົ້າຮ່ວມເປັນສັກຂີພິຍານ. ອຸປະກອນຕ່າງໆທີ່ນໍາມາມອບໃນຄັ້ງນີ້ ປະກອບມີ: ເຄື່ອງຊ່ວຍຫາຍໃຈ ຈໍານວນ 1 ເຄື່ອງ ລວມມູນຄ່າ 390,000,000(ສາມຮ້ອຍ ເກົ້າສິບລ້ານກີບ), ເພື່ອກະກຽມຄວາມພ້ອມໃນການຮັບມື ກັບການແຜ່ລະບາດຂອງພະຍາດ ໂຄວິດ-19.

ຂ່າວ: ນາງ ບຸບຜາ, ພະແນກສາທາລະນະສຸກແຂວງອັດຕະປື