ຮອງນາຍົກລັດຖະມົນຕີ ຕ້ອນຮັບຄະນະຜູ້ແທນ ກະຊວງ ປກສ ຈີນ ເຂົ້າຢ້ຽມຂໍ່ານັບ

ໃນວັນທີ 30 ສິງຫາ 2024 ຢູ່ທີ່ກະຊວງປ້ອງກັນຄວາມ ສະ ຫງົບ ສປປ ລາວ, ທ່ານ ພົນເອກ ວິໄລ ຫຼ້າຄຳຟອງ ຮອງນາຍົກລັດ ຖະມົນຕີ ລັດຖະມົນຕີກະຊວງປ້ອງ ກັນຄວາມສະຫງົບ ໄດ້ຕ້ອນຮັບການເຂົ້າຢ້ຽມຂໍ່ານັບຂອງຄະນະຜູ້ ແທນຈາກກະຊວງ ປ້ອງກັນຄວາມສະຫງົບ ສປ ຈີນ ເຊິ່ງນຳໂດຍ ທ່ານ ລິວ ຈົ່ງອີ້ ຜູ້ຊ່ວຍລັດຖະມົນຕີ ກະຊວງປ້ອງກັນ ຄວາມສະຫງົບຈີນ ໃນໂອກາດທີ່ໄດ້ເດີນທາງມາເຂົ້າຮ່ວມກອງປະ ຊຸມລັດຖະມົນຕີອາ ຊຽນ ວ່າດ້ວຍການຕ້ານອາຊະ ຍາກຳຂ້າມຊາດ ຄັ້ງທີ 18 ແລະ ບັນດາກອງປະຊຸມທີ່ກ່ຽວຂ້ອງ ທີ່ ສປປ ລາວ ເປັນເຈົ້າພາບ ໃນຖານະປະເທດຄູ່ເຈ ລະຈາ ຂອງອາຊຽນ.

ໃນໂອກາດນີ້, ທ່ານ ລິວ ຈົ່ງອີ້ ຜູ້ຊ່ວຍລັດຖະມົນຕີກະຊວງປ້ອງກັນຄວາມສະ ຫງົບຈີນ ກໍໄດ້ແຈ້ງໃຫ້ທ່ານຮອງ ນາຍົກລັດ ຖະມົນຕີ ລັດຖະມົນຕີກະຊວງປ້ອງກັນຄວາມສະຫົບລາວ ໄດ້ຮັບຊາບວ່າ: ຄະນະຜູ້ແທນຈາກກະຊວງປ້ອງກັນ ຄວາມສະ ຫງົບຈີນ ທີ່ເດີນທາງມາ ສປປ ລາວ ໃນຄັ້ງນີ້. ນອກຈາກ ຈະໄດ້ຮັບການ ມອບໝາຍ ໃຫ້ເປັນຄະນະຜູ້ແທນ ທີ່ຮັບຜິດຊອບວຽກງານຕ້ານອາຊະຍາກຳຂ້າມຊາດ ຈາກ ສປ ຈີນ ໃນຖານະທີ່ເປັນປະເທດຄູ່ເຈລະຈາຂອງອາຊຽນ ເພື່ອ ເຂົ້າຮ່ວມກອງປະຊຸມລັດ ຖະມົນຕີອາຊ່ຽນ ວ່າດ້ວຍການຕ້ານອາຊະຍາກຳຂ້າມຊາດ ຄັ້ງທີ 18 ແລະ ກອງປະ ຊຸມທີ່ກ່ຽວ ຂ້ອງ ທີ່ ສປປ ລາວ ເປັນເຈົ້າພາບແລ້ວ; ທ່ານ ລິວ ຈົ່ງອີ້ ພ້ອມຄະນະ ຍັງໄດ້ຮັບເອົາທິດຊີ້ນຳທີ່ສຳຄັນ ຈາກການນຳຂັ້ນສູງ ຂອງກະຊວງປ້ອງກັນຄວາມສະ ຫງົບ ແລະ ລັດຖະບານຈີນ; ເພື່ອນຳມາລາຍງານ ແລະ ຮ່ວມກັບຄະນະຜູ້ ແທນທີ່ກ່ຽວຂ້ອງ ຂອງກະຊວງ ປກສ ລາວ ພ້ອມກັນປືກສາຫາລື ແລະ ຈັດຕັ້ງປະຕິບັດ; ເປັນຕົ້ນແມ່ນການຮ່ວມມືຕ້ານ, ສະກັດກັ້ນ ແລະ ແກ້ໄຂບັນດາອາຊະຍາກຳຂ້າມຊາດ ຂອງກຳລັງປ້ອງກັນຄວາມສະຫງົບ ສອງປະເທດລາວ-ຈີນ ຢ່າງມີປະສິດ ທິພາບ ແລະ ປະສິດທິຜົນ.

ພ້ອມດຽວກັນ ທ່ານ ລິວ ຈົ່ງອີ້ ຍັງໄດ້ສະແດງຄວາມຍິນດີ ຕໍ່ກັບຜົນສຳເລັດຂອງ ສປປ ລາວ ກໍຄືກະຊວງ ປກສ ລາວ ໃນການເປັນເຈົ້າພາບ ແລະ ປະທານກອງປະຊຸມລັດຖະມົນຕີອາຊ່ຽນ ວ່າດ້ວຍການຕ້ານອາຊະຍາກຳຂ້າມຊາດ ຄັ້ງທີ 18 ແລະ ກອງປະຊຸມທີ່ກ່ຽວຂ້ອງໃນຄັ້ງນີ້.

ໃນໂອກາດດຽວກັນນີ້; ທ່ານ ພົນເອກ ວິໄລ ຫຼ້າຄຳຟອງ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນ ຄວາມທສະຫງົບລາວ, ກໍ່ໄດ້ສະແດງຄວາມຕ້ອນຮັບຢ່າງອົບອຸ່ນ ແລະ ຕີລາຄາສູງຕໍ່ຄະນະຜູ້ແທນກະຊວງປ້ອງກັນຄວາມສະ ຫງົບຈີນ ໃນການມາຢ້ຽມຢຽມ ແລະ ເຮັດວຽກຢູ່ ສປປ ລາວ ໃນຄັ້ງນີ້. ພິເສດແມ່ນ ໄດ້ສະແດງຄວາມຊົມເຊີຍຕໍ່ຜົນສຳ ເລັດການຮ່ວມມືລະຫວ່າງກຳລັງປ້ອງກັນຄວາມສະຫງົບລາວ ແລະ ຈີນ ໃນການ ຮ່ວມມືແກ້ໄຂອາຊະຍາກຳຂ້າມຊາດ ໃນໄລຍະຜ່ານມາ ແລະ ມີຄວາມເຊື່ອຫມັ້ນຢ່າງສູງຕໍ່ການພົວພັນຮ່ວມມືໃນຕໍ່ໜ້າ. ເຊິ່ງຈະເປັນການປະ ກອບສ່ວນທີ່ສໍາ ຄັນໃນການຍົກສູງການພົວພັນຮ່ວມມືລະຫວ່າງ ສອງກຳລັງປ້ອງກັນຄວາມສະຫງົບ ລາວ-ຈີນ ໃຫ້ເລິກເຊິ່ງ, ກວ້າງຂວາງ ແລະ ມີໝາກຜົນຍິ່ງໆຂຶ້ນ.

ທີ່ມາ: ຄວາມສະຫງົບລາວ