ໃນຕອນເຊົ້າວັນທີ 23 ມັງກອນ 2024 ສະຫາຍ ກິແກ້ວ ໄຂຄໍາພິທູນ ກໍາມະການກົມການເມືອງສູນກາງພັກ, ຮອງນາຍົກລັດຖະມົນຕີ, ຜູ້ຊີ້ນຳວຽກງານຂົງເຂດການປົກຄອງ ແລະ ວັດທະນະທຳ-ສັງຄົມ ໄດ້ໃຫ້ກຽດເຂົ້າຮ່ວມພິທີໂຮມຊຸມນຸມສະເຫຼີມສະຫຼອງວັນສ້າງຕັ້ງກອງທັບປະ ຊາຊົນລາວ ຄົບຮອບ 75 ປີ (20/1/1949 – 20/1/2024) ຢູ່ກອງພົນທະຫານຮາບທີ 1, ເມືອງວັງວຽງ, ແຂວງວຽງຈັນ; ມີການນໍາກະຊວງປ້ອງກັນປະເທດ, ການນໍາກະຊວງ -ອົງການ ແລະ ແຂວງວຽງຈັນ, ພ້ອມດ້ວຍນາຍ ແລະ ກອງພົນທີ 1 ຕະຫຼອດຮອດພະນັກງານປະຕິວັດອາວຸໂສບໍານານ, ວິລະຊົນແຫ່ງຊາດ, ນັກຮົບແຂ່ງຂັນ, ຫຼານນ້ອຍເຍົາວະຊົນ ແລະ ມວນຊົນຊາວເມືອງວັງວຽງ ໃຫ້ການຕ້ອນຮັບ ແລະ ເຂົ້າຮ່ວມພິທີ.
ໃນພິທີ, ສະຫາຍ ພົນຈັດຕະວາ ອຸ່ນຈັນ ແດງວັນສົມ, ຫົວໜ້າການທະຫານກອງພົນທີ 1 ໄດ້ຜ່ານຄໍາສັ່ງປະຈໍາວັນ ຂອງສະຫາຍ ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ ແລະ ກ່າວຄໍາປາໄສ ເຊິ່ງສະຫາຍໄດ້ຍົກໃຫ້ເຫັນ ປະຫວັດການກຳເນີດ ແລະ ເຕີບໃຫຍ່ຂະຫຍາຍຕົວ ລວມທັງ ຜົນງານ, ທາດແທ້ ແລະ ມູນເຊື້ອອັນດີງາມ ຂອງກອງທັບປະຊາຊົນລາວ ທັງໃນໄລຍະຕໍ່ສູ້ກູ້ຊາດ ໃນເມື່ອກ່ອນ ກໍ່ຄືໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ໃນໄລຍະໃໝ່. ພ້ອມກັນນັ້ນ ກໍ່ໄດ້ສະເໜີໃຫ້ຮູ້ ກ່ຽວກັບການກຳເນີດ ແລະ ເຕີບໃຫຍ່ຂະຫຍາຍຕົວ ຂອງກອງພົນທະຫານຮາບທີ 1 ລວມທັງ ສະພາບລວມ, ໜ້າທີ່, ຄວາມຮັບຜິດຊາບ ແລະ ຜົນງານອັນພົ້ນເດັ່ນ ຂອງກອງພົນທະຫານຮາບທີ 1 ນັບແຕ່ມື້ສ້າງຕັ້ງກອງພົນດັ່ງກ່າວ ໃນວັນທີ 12 ກຸມພາ 1985 ເປັນຕົ້ນມາ.
ໃນໂອກາດດັ່ງກ່າວ, ສະຫາຍ ຮອງນາຍົກລັດຖະມົນຕີ ກໍ່ໄດ້ມີຄຳເຫັນໂອ້ລົມ ຕໍ່ນາຍ ແລະ ພົນທະຫານ ໂດຍໄດ້ກ່າວສະແດງຄວາມຍ້ອງຍໍຊົມເຊີຍ ຕໍ່ຜົນງານ ແລະ ມູນເຊື້ອປະຕິວັດ ຂອງກອງທັບປະຊາຊົນລາວຕະຫຼອດໄລຍະເວລາ 75 ປີທີ່ຜ່ານມາ; ຍົກໃຫ້ເຫັນບັນດາຜົນງານ ແລະ ໄຊຊະນະອັນເປັນປະຫວັດສາດຂອງກອງທັບປະຊາຊົນລາວ, ລວມທັງ ສາເຫດທີ່ພາໃຫ້ກອງທັບ ສາມາດຕີເອົາຊະນະສັດຕູທຸກໂຕ ແລະ ບົດຮຽນທີ່ຖອດຖອນໄດ້ ໃນແຕ່ລະໄລຍະ. ອັນສຳຄັນ, ສະຫາຍ ໄດ້ເນັ້ນໜັກໃຫ້ຄະ ນະພັກ-ຄະນະບັນຊາ, ພະນັກງານ-ນັກຮົບທົ່ວກອງພົນທີ 1 ຈົ່ງເຊີດຊູສະຕິລະວັງຕົວ, ມີສະຕິໃນການປົກປັກຮັກສາແນວ ທາງນະໂຍບາຍຂອງພັກ-ລັດ, ປົກປັກຮັກສາໝາກຜົນຂອງການປະຕິວັດ, ປົກປັກຮັກສາລະບອບໃໝ່ ປະຊາທິປະໄຕ ປະຊາຊົນ ໄວ້ໃຫ້ໝັ້ນຄົງ; ເພີ່ມທະວີວຽກງານກໍ່ສ້າງຮາກຖານການເມືອງ ຕິດພັນກັບການພັດທະນາຊົນນະບົດຮອບດ້ານ ຕາມທິດ 3 ສ້າງ ເຊິ່ງກົມກອງຕັ້ງທັບຢູ່ບ່ອນໃດ ຕ້ອງເຮັດວຽກງານກໍ່ສ້າງຮາກຖານຢູ່ບ່ອນນັ້ນໃຫ້ດີ; ຕ້ອງປັບປຸງແບບແຜນວິທີເຮັດວຽກຢ່າງມີວິທະ ຍາສາດ, ແທດຕົວຈິງ, ໂປ່ງໃສ, ມີການແບ່ງງານ ແລະ ມອບຄວາມຮັບຜິດຊອບຢ່າງຈະແຈ້ງ; ສືບຕໍ່ປົກປັກຮັກສາ ແລະ ເສີມຂະຫຍາຍມູນເຊື້ອອັນດີງາມຂອງຕົນ, ຕັ້ງໜ້າປັບປຸງກຳລັງໃນທຸກດ້ານໃຫ້ໜັກແໜ້ນເຂັ້ມແຂງ; ຕ້ອງມີແຜນການ ແລະ ປະຕິບັດລະບອບຫັດແອບ ເພື່ອຍົກສູງຄວາມສາມາດທາງດ້ານສິລະປະຍຸດ- ຍຸດທະວິທີ ແລະ ລະດັບວິຊາສະເພາະໃຫ້ສູງຂຶ້ນ ທັງຍົກສູງສະຕິການຈັດຕັ້ງລະ ບຽບວິໄນ ໃຫ້ເຂັ້ມງວດ; ສຸມທຸກຄວາມສາມາດ ໃນການສ້າງພະລາທິການກັບທີ່ ຕາມທິດເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ຢ່າງຮອບດ້ານ; ປະຕິບັດແນວທາງການຕ່າງປະເທດ ສັນຕິພາບ, ເອກະລາດ, ມິດ ຕະພາບ ແລະ ຮ່ວມມືກັບປະເທດຕ່າງໆ ໂດຍເພີ່ມທະວີການຮ່ວມມືຮອບດ້ານກັບກອງທັບ ເພື່ອນມິດຍຸດທະສາດ ແລະ ການຮ່ວມມືກັບບັນດາປະເທດສັງຄົມ ນິຍົມອ້າຍນ້ອງ, ຍາດແຍ່ງການຊ່ວຍເຫຼືອຈາກສາກົນ ເພື່ອປັບປຸງກໍ່ສ້າງກອງທັບພວກເຮົາ ໃຫ້ກ້າວໜ້າສູ່ຄຸນນະພາບໃໝ່.
ຫຼັງຈາກນັ້ນ, ສະຫາຍ ຮອງນາຍົກລັດຖະມົນຕີ ພ້ອມດ້ວຍຄະນະ ໄດ້ສືບຕໍ່ເຄື່ອນໄຫວຢ້ຽມຢາມ ນາຍ ແລະ ພົນທະຫານ ງໍ 631; ໄດ້ມອບເຄື່ອງອຸປະ ໂພກ-ບໍລິໂພກ, ອຸປະກອນ-ເຄື່ອງກິລາ ແລະ ງົບປະມານຈໍານວນໜື່ງ ໃຫ້ແກ່ກອງພົນທະຫານຮາບທີ 1 ເພື່ອນໍາໃຊ້ເຂົ້າໃນການພັດທະນາກົມກອງ ໃຫ້ມີຄວາມໜັກແໜ້ນເຂັ້ມແຂງຂຶ້ນເລື້ອຍໆ ຕື່ມອີກ.
ຂ່າວ ແລະ ພາບ: ກົມປະຊາສຳພັນ ຫສນຍ.
