ວັນທີ 3 ກຸມພາ 2021 ນີ້, ທ່ານ ຈັນສີ ໂພສີຄຳ ຮອງປະທານຄະນະກຳມະການເລືອກຕັ້ງລະດັບຊາດ, ພ້ອມດ້ວຍ ທ່ານ ຈອມສີ ລັດຕະນະປັນ ຮອງເລຂາພັກແຂວງ, ທ່ານ ສົມລິດ ສີຜາວັນ ສະມາຊິກສະພາແຫ່ງຊາດປະຈຳເຂດເລືອກທີ 5 ແຂວງບໍ່ແກ້ວ ປະທານສະພາປະຊາຊົນແຂວງບໍ່ແກ້ວ ພ້ອມດ້ວຍຄະນະ ລົງເຄື່ອນໄຫວຢ້ຽມຍາມ ແລະ ຊຸກຍູ້ການກະກຽມບັ້ນເລືອກຕັ້ງ ສະມາຊິກສະພາແຫ່ງຊາດ(ສສຊ) ຊຸດທີ IX ແລະ ສະພາປະຊາຊົນແຂວງບໍ່ແກ້ວ (ສສຂ) ຊຸດທີ II ຢູ່ເມືອງຫ້ວຍຊາຍ ແຂວງບໍ່ແກ້ວ.
ທ່ານ ຫົງແກ້ວ ວິໄນວົງ ເຈົ້າເມືອງຫ້ວຍຊາຍ ໄດ້ລາຍງານຫຍໍ້ການຈັດຕັ້ງປະຕິບັດແຜນພັດທະ ນາເສດຖະກິດ-ສັງຄົມ, ມາດຕະການປ້ອງກັນ, ຄອບຄຸມ ແລະ ສະກັດກັ້ນພະຍາດໂຄວິດ-19 ຕິດພັນກັບການກະກຽມຄວາມພ້ອມຮອບດ້ານ ໃຫ້ແກ່ບັ້ນເລືອກຕັ້ງ ສສຊ ຊຸດທີ IX ແລະ ສສຂ ຊຸດທີ II, ໄລຍະຜ່ານມາ ເມືອງຫ້ວຍຊາຍ ໄດ້ສົ່ງເສີມການລ້ຽງສັດແບບເປັນກຸ່ມ, ເປັນຟາມ ໄປຄຽງຄູ່ກັບການປູກພືດເປັນສິນຄ້າຢ່າງເປັນຂະບວນກວ້າງຂວາງ ອັນເປັນເງິື່ອນໄຂໃນການພັດທະນາພື້ນຖານໂຄງລ່າງຂອງເມືອງ, ແກ້ໄຂຊິວິດການເປັນຢູ່ຂອງປະຊາຊົນນັບມື້ດີຂຶ້ນ ຕິດພັນກັບວຽກງານປ້ອງກັນຊາດ-ປ້ອນກັນຄວາມສະ ຫງົບ, ການເຝົ້າລະວັງ, ປ້ອງກັນ, ສະກັດກັ້ນ ການແຜ່ລະບາດຂອງພະຍາດໂຄວິດ 19 ຢ່າງຕັ້ງໜ້າ ເອົາໃຈໃສ່ວຽກງານກະກຽມຄວາມພ້ອມຢ່າງຮອບດ້ານ ເຂົ້າໃສ່ບັ້ນເລືອກຕັ້ງສະມາຊິກສະພາແຫ່ງຊາດ, ສະພາປະຊາຊົນແຂວງບໍ່ແກ້ວ ເຊິ່ງໄດ້ສຳເລັດການແຕ່ງຕັ້ງ ຄະນະກຳມະການ ເລືອກຕັ້ງຂັ້ນເມືອງ, ຄະນະຮັບຜິດຊອບແຕ່ລະໜ່ວຍເລືອກຕັ້ງຂອງເມືອງ ມີ 71 ໜ່ວຍ, ໃນນີ້ມີໜ່ວຍເລືອກຕັ້ງເຄື່ອນທີ່ 4 ໜ່ວຍ, ສອງກຳລັງ ປກຊ-ປກສ 2 ໜ່ວຍ ສາມາດເກັບກຳສະຖິຕິພົນລະເມືອງຜູ້ມີສິດປ່ອນບັດເລືອກຕັ້ງທັງໝົດ 51 ພັນກວ່າຄົນ, ຍິງ 25 ພັນກວ່າຄົນ ແລະ ພວມດຳເນີນໃນບາດກ້າວທີ 3, ບາດກ້າວທີ 4 ຢ່າງຕໍ່ເນື່ອງ.
ໂອກາດນີ້, ທ່ານ ຈັນສີ ໂພສີຄຳ ກໍໄດ້ໃຫ້ທິດຊີ້ນຳຕໍ່ຄະນະພັກ, ພະນັກງານຫລັກແຫລ່ງ, ຄະນະກຳມະການເລືອກຕັ້ງຂັ້ນເມືອງ, ຄະນະຮັບຜິດຊອບໜ່ວຍເລືອກຕັ້ງທຸກພາກສ່ວນ ຕ້ອງກຳແໜ້ນຈຳນວນພົນລະເມືອງຜູ້ມີສິດປ່ອນບັດເລືອກຕັ້ງ, ເອົາໃຈໃສ່ສຶກສາອົບຮົມການເມືອງ-ແນວຄິດ, ແກ້ໄຂບັນຫາປະ ກົດການຫຍໍ້ທໍ້ເປັນສຳຄັນ, ເອົາໃຈໃສ່ປະສານສົມທົບກັບ ຄະນະຮັບຜິດຊອບການເລືອກຕັ້ງຂັ້ນແຂວງ, ຊີ້ ນຳໆພາຢ່າງໃກ້ສິດຕິດແທດຄະນະພັກຮາກຖານ, ອົງການປົກຄອງບ້ານໃຫ້ຖືເປັນວຽກງານໜຶ່ງທີ່ເປັນປາງບຸນໃຫຍ່ໃນວຽກງານການເມືອງ ເປັນເຈົ້າການຕິດຕາມກວດກາຄືນການເກັບກຳສະຖິຕິພົນລະເມືອງ, ພ້ອມນີ້, ທ່ານຍັງຮຽກຮ້ອງໃຫ້ເພີ່ມທະວີສ້າງຄວາມສາມັກຄີປອງດອງຊ່ວຍເຫລືອເຊິ່ງກັນ ແລະ ກັນ, ກຳນົດຈຸດທີ່ຈະໃຫ້ຜູ້ລົງສະໝັກຮັບເລືອກຕັ້ງສະມາຊິກສະພາແຫ່ງຊາດ ແລະ ສະພາປະຊາຊົນແຂວງບໍ່ແກ້ວ ໃຫ້ລະອຽດຈະແຈ້ງ, ຍົກສູງວຽກງານປ້ອງກັນຊາດ-ປ້ອງກັນຄວາມສະຫງົບ, ມາດຕະການຈັດຕັ້ງປະຕິບັດຕົວຈິງ ເຮັດໃຫ້ບັ້ນເລືອກຕັ້ງຄັ້ງນີ້ ດຳເນີນໄປຕາມ 3 ຄາດໝາຍໃຫຍ່ ດ້ວຍຜົນສຳເລັດ 100%
ຂ່າວ: ເມືອງຫ້ວຍຊາຍ
Loading...