ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ວັນທີ 4 ກຸມພາ 2024 ທ່ານ ບຸນທອງ ຈິດມະນີ ຮອງປະທານປະເທດແຫ່ງ ສປປ ລາວ ພ້ອມດ້ວຍຄະນະ ໄດ້ເຄື່ອນໄຫວຢ້ຽມຢາມໂຄງການພັດທະນາ ແລະ ປັບປຸງແກ້ໄຂຄວາມ ທຸກຍາກຂອງປະຊາຊົນບ້ານກະບູດ-ຊຽງແຫວນ ເມືອງທ່າແຂກ ທີ່ໄດ້ຮັບການຊ່ວຍເຫຼືອຈາກ ບໍລິສັດ ຊິໂນອາກຣີ ໂປຕາສ ຈໍາກັດ, ໂດຍມີ ທ່ານ ວັນໄຊ ພອງສະຫວັນ ເຈົ້າແຂວງຄຳມ່ວນ ພ້ອມດ້ວຍຄະນະນຳຂອງແຂວງ, ພະແນກການກ່ຽວຂ້ອງຮ່ວມຕິດຕາມ.
ເລີ່ມຕົ້ນດ້ວຍການຢ້ຽມຊົມເຂດໂຄງການທົດລອງລ້ຽງໄກ່ 3 ສາຍພັນ, ການກໍ່ສ້າງບ່ອນລ້ຽງປາ, ຢ້ຽມຊົມ ແລະ ຊື່ສິນຄ້າ ຜົນຜະລິດກະສິກໍາ ແລະ ສິນຄ້າທີ່ຊອກຫາມາໄດ້ຕາມທໍາມະຊາດ ທີ່ພໍ່ແມ່ປະຊາຊົນ ໄດ້ມາວາງຂາຍ ຢູ່ຕະຫຼາດຊຸມຊົນຂອງບ້ານ, ພ້ອມທັງເຄື່ອນໄຫວທ່ຽວຊົມ ເຮືອນຊົນເຜົ່າມະກອງ ໂດຍສະເພາະແມ່ນເບິ່ງການວາງສະແດງ ເຄື່ອງຫັດຖະກໍາ ແລະ ຮູບພາບ ທີ່ຕິດພັນກັບການດໍາລົງຊີວິດຂອງຊົນເຜົ່າມະກອງ, ຈາກນັ້ນກໍ່ສືບເຄື່ອນໄຫວທ່ຽວຊົມໂຄງການປູກຜັກໃນເຮືອນຮົ່ມ ແລະ ການປູກຜັກກາງແຈ້ງ ທີ່ໂຄງການໄດ້ຈັດຕັ້ງປະຕິບັດເພື່ອຊຸກຍູ້ສົ່ງເສີມອາຊີບໃຫ້ພໍ່ແມ່ປະຊາຊົນ ຜູ້ທີ່ຫວ່າງງານ, ໂດຍສະເພາະແມ່ນຄອບຄົວທີ່ທຸກຍາກ ໄດ້ມີວຽກເຮັດງານທໍາ ເພື່ອສ້າງລາຍຮັບໃຫ້ແກ່ການພັດທະນາຊີວິດການເປັນຢູ່.
ໂອກາດນີ້, ຮອງປະທານປະເທດ ຍັງໄດ້ສະແດງຄວາມຍ້ອງຍໍຊົມເຊີຍມາຍັງບໍລິສັດ ຊີໂນ – ອາກຣີໂປຕາສ ຈຳກັດ ໃນນາມນັກລົງທຶນຕ່າງປະເທດ ທີ່ໄດ້ກໍານົດແຜນດໍາເນີນງານໂຄງການ ເພື່ອຊ່ວຍເຫຼືອພັດທະນາ ແລະ ປັບປຸງແກ້ໄຂຄວາມທຸກຍາກຂອງປະຊາຊົນ ບ້ານ ຊຽງແຫວນໃຫ້ມີຊີວິດດີຂຶ້ນ ແລະ ກາຍເປັນບ້ານພັດທະນາຕົວແບບໃນຕໍ່ໜ້າ, ທັງໄດ້ແນະນໍາໃຫ້ການຈັດຕັ້ງບ້ານ ເອົາໃຈໃສ່ໃຫ້ການສະໜັບສະໜູນ ແລະ ມີສ່ວນຮ່ວມ ກັບບໍລິສັດ ເຂົ້າໃນການພັດທະນາ ຊີວິດການເປັນຢູ່ ກໍຄືການພັດທະນາບ້ານຊ່ອງຂອງຕົນເອງ.
ນອກນັ້ນ ທ່ານ ແລະ ຄະນະຍັງໄດ້ເຄື່ອນໄຫວ ເບິ່ງຜົນສໍາເລັດ ກິດຈະການກໍ່້ສ້າງໂຮງຮຽນປະຖົມສົມບູນ ຂອງ ບ້ານກະບູດ-ຊຽງແຫວນ ທີ່ໄດ້ມີການມອບຮັບ ແລະ ເປີດການນໍາໃຊ້ໃນປີຜ່ານມາ.
Cr: khammouane News