ຮອງປະທານສະພາປະຊົນແຂວງຄຳມ່ວນພ້ອມຄະນະລົງເຄື່ອນໄຫວຊຸກຍູ້ ແລະ ຕິດຕາມສະພາບນ້ຳຖ້ວມຢູ່ເມືອງນາກາຍ.

ໃນຕອນເຊົ້າຂອງວັນທີ 14 ສີງຫາ 2023 ທີ່ຫ້ອງປະຊຸມນໍ້າເທີນ2 ທ່ານບົວພັນ ແສງຈັັນ ກໍາມະການພັກແຂວງ ຮອງປະທານສະພາປະຊາຊົນແຂວງ ຄຳມ່ວນ ພ້ອມຄະນະໄດ້ລົງເຄື່ອນໄຫວຊຸກຍູ້ ແລະ ຕິດຕາມ ສະພາບນ້ຳຖ້ວມຢູ່ເມືອງນາກາຍ ໂດຍເປັນກຽດເຂົ້າຮ່ວມຂອງ ທ່ານ ນາງບົວກາ ແກ້ວມະນີ ກຳມະການພັກແຂວງ ເລຂາພັກເມືອງເຈົ້າເມືອງໆນາກາຍພ້ອຄະນະປະຈຳພັກເມືອງ, ກຳມະການພັກເມືອງ, ຫົວຫນ້າຫ້ອງການ ຕະຫລອດຮອດຫົວຫນ້າແລະຮອງກອງເລຂາຄະນະຄຸ້ມຄອງໄພພິບັດຂັ້ນເມືອງເຂົ້າຮ່ວມ.

ໃນກອງປະຊຸມທ່ານ ນາງບົວກາ ແກ້ວມະນີ ເຈົ້າເມືອງໆ ນາກາຍ ໄດ້ລາຍງານສະພາບຜົນກະທົບຈາກໄພນໍ້ຳຖ້ວມເມືອງນາກາຍໃຫ້ຮູ້ວ່າມີຜົນກະທົບທັງໝົດ 4 ຄຸ້ມບ້ານ (ຄຸ້ມນາຕານ, ຄຸ້ມໂພນຄໍາ, ຄຸ້ມທ່າຂັນແກ້ວ ແລະ ຄຸ້ມໂພນບົກ) ລວມທັງໝົດ ມີ 191 ຫຼັງຄາ, ມີ 286 ຄອບຄົວ, ຈໍານວນພົນ 948 ຄົນ,ຍິງ 500 ຄົນ ຜ່ານການເກັບກໍາຂໍ້ມູນໃນເບື້ອງຕົ້ນ ໃນແຕ່ລະຄຸ້ມບ້ານມີຜົນເສຍຫາ ຄຸ້ມນາຕານ ມີ 66 ຫຼັງຄາ, 103 ຄອບຄົວ, ຜົນເສຍຫາຍ: ເລົ້າເຂົ້າ 58 ຫຼັງ, ລົດໃຫຍ່ 8 ຄັນ, ລົດໄຖນາ 60 ຄັນລົດແທັກເຕີ້ 1 ຄັນ, ລົດຈັກ 100 ຄັນ, ຈັກດູດນໍ້າ 30 ເຄື່ອງ, ໂຮງສີເຂົ້າ 58 ໂຮງ, ຈັກປັ້ນເຂົ້າ 3 ເຄື່ອງເຄື່ອງສຽງ 3 ຊຸດ, ສັດລ້ຽງເສຍຫາຍມີ: ສັດປີກ 2,026 ໂຕ, ງົວ 164 ໂຕ, ຄວາຍ 66 ໂຕ, ໝູ 68 ໂຕ, ແບ້ 12 ໂຕ, ໜອງປາ 22 ໜອງ; ເນື້ອທີ່ນາ ຖືກນໍ້າຖ້ວມ ມີ 68 ຄອບຄົວ, ເນື້ອທີ່ 160,91 ຮຕ, ເສຍຫາຍ 43,54 ຮຕ ແລະ ເນື້ອທີ່ສວນມັນຕົ້ນ 138,8 ຮຕ, ເສຍຫາຍ 41,16 ຮຕ.ຄຸ້ມໂພນຄໍາ ມີ 47 ຫຼັງຄາ, 64 ຄອບຄົວ ຜົນເສຍຫາຍ: ເລົ້າເຂົ້າ 45 ຫຼັງ, ລົດໃຫ່ຍ 2 ຄັນ, ລົດໄຖນາ 46 ຄັນລົດຈັກ 25 ຄັນ, ໂຮງສີເຂົ້າ 47 ເຄື່ອງ, ຈັກປັ້ນເຂົ້າ 2 ເຄື່ອງ, ສັດລ້ຽງເສຍຫາຍ: ສັດປີກ 612 ໂຕ, ງົວ 9 ໂຕຄວາຍ 2 ໂຕ, ໝູ 4 ໂຕ, ໜອງປາ 6 ໜອງ, ຄອບຄົວທີ່ຖືກກະທົບເນື້ອທີ່ນາຖືກນໍ້າຖ້ວມ ມີ 45 ຄອບຄົວ ມີເນື້ອທີ່ 24,52 ຮຕ, ເສຍຫາຍ 7,16 ຮຕ ແລະ ເນື້ອທີ່ສວນມັນຕົ້ນ 37,95 ຮຕ, ເສຍຫາຍ 9 ຮຕ.ຄຸ້ມທ່າຂັນແກ້ວ ມີ 52 ຫຼັງຄາ, 74 ຄອບຄົວ; ສັດລ້ຽງເສຍຫາຍ: ສັດປີກ 620 ໂຕ, ງົວ 6 ໂຕ, ໝູ 7 ໂຕລົດໃຫຍ່ 1 ຄັນ; ເນື້ອທີ່ທໍາການຜະລິດທີ່ຖືກກະທົບໄພນໍ້າຖ້ວມມີ: ເນື້ອທີ່ນາຖືກນໍ້າຖ້ວມມີ 85,48 ຮຕ, ເສຍຫາຍ 25,28 ຮຕ ແລະ ເນື້ອທີ່ສວນມັນຕົ້ນ ມີ 37,36 ຮຕ, ເສຍຫາຍ 10,4 ຮຕ, ຄຸ້ມໂພນບົກ ມີ 26 ຫຼັງຄາເຮືອນ, 45 ຄອບຄົວ ໃນນັ້ນມີ 2 ຄອບຄົວ ທີຖືກກະທົບມີ ເລົ້າເຂົ້າ 2 ຫຼັງ.

ຕອນທ້າຍຂອງກອງປະຊຸມ ທ່ານ ບົວພັນ ແສງຈັນ ກຳມະການພັກແຂວງ ຮອງປະທານສະພາປະຊົນແຂວງຄຳມ່ວນ ໄດ້ມີຄວາມເຫັນດີເປັນເອກະພາບຕໍ່ບົດລາຍງານ ຂອງຄະນະກຳມະການຕ້ານໄພພິບັດຂັ້ນເມືອງ ແລະ ຍ້ອງຍໍຊົມເຊີຍ ການນຳເມືອງ ແລະ ທຸກພາກສ່ວນໄດ້ສຸມຈິດສຸມໃຈໃສ່ຢ່າງເຕັມທີ່ໃນການແກ້ໄຂໄພນໍ້າຖ້ວມຄັ້ງນີ້ ເຮັດວຽກ ບໍມີເສົາທິດ ຕໍ່ກັບສະພາບການປະຈຸບັນຢາກໃຫ້ຜູ້ຮັບຜິດຊອບວຽກງານດັ່ງກ່າວ ເລັ່ງເກັບຂໍ້ມູນຜົນເສຍຫາຍຜົນດ້ານຕ່າງໆ ໃຫ້ສັດເຈນ ແລະ ກວດກາເບີ່ງຄວາມຈຳເປັນຂາດເຂີນສິງໃດໃຫ້ຮີບຮ້ອນສະເໜີຫາແຂວງ ໃນໂອກາດດັ່ງກ່າວທ່ານ ຍັງໄດ້ມອບເຄື່ອງຊ່ວຍເຫລືອໃນການແກ້ໄຂໄພພິບັດໃຫ້ເມືອງນາກາຍ ແລະ ເຄື່ອງຄອມພີວເຕີ້ປະກອບເຂົ້າໃນວຽກສະພາມູນຄ່າ 71.000.000 ກວ່າກີບ.

ພາບ/ຂ່າວ: ຄຳໄໝ ວົງສາຄອນ.