ໃນຕອນບ່າຍ ວັນທີ 21 ມັງ ກອນ 2021 ນີ້ ຢູ່ຫ້ອງວ່າການ ກະຊວງປ້ອງກັນປະ ເທດ, ສະ ຫາຍ ພົນໂທ ປອ ທອງລອຍ ສີລິ ວົງ ກໍາມະການສູນກາງພັກ ຮອງລັດຖະ ມົນຕີກະຊວງປ້ອງກັນປະເທດ ຫົວໜ້າກົມໃຫຍ່ການເມືອງກອງທັບ ໄດ້ຕ້ອນຮັບການເຂົ້າອວຍພອນຈາກກະ ຊວງຖະແຫຼງຂ່າວ ວັດທະນາທຳ ແລະ ທ່ອງທ່ຽວ ນໍາໂດຍ ທ່ານ ວັນສີ ກົວມົວ ກໍາມະການສໍາຮອງສູນກາງພັກ ຮອງລັດຖະມົນຕີ ກະຊວງຖະແຫຼງຂ່າວ ວັດທະນະທໍາ ແລະ ທ່ອງທ່ຽວ ພ້ອມດ້ວຍຄະນະ.
ໂອກາດນີ້, ສະຫາຍ ພົນໂທ ທອງລອຍ ສີລິວົງ ໄດ້ກ່າວສະແດງຄວາມຂອບໃຈຕໍ່ທ່ານ ຮອງລັດຖະມົນຕີ ກະຊວງຖະແຫຼງຂ່າວ ວັດທະນະທໍາ ແລະ ທ່ອງທ່ຽວ ທີ່ເຫັນໄດ້ຄວາມສໍາຄັນຂອງກອງທັບປະຊາຊົນລາວ ຄົບຮອບ 72 ປີ ແລະ ໄດ້ນໍາເອົາກະຕ່າດອກໄມ້ພ້ອມດ້ວຍຄໍາອວຍພອນໄຊອັນປະເສີດມາອວຍພອນໃນຄັ້ງນີ້ ເປັນການຮັດແໜ້ນ ຄວາມສາມັກຄີ ແລະ ສືບຕໍ່ສ້າງ ສາຍພົວພັນອັນດີລະ ຫວ່າງກະຊວງປ້ອງກັນປະເທດ ກັບກະຊວງຖະແຫຼງຂ່າວວັດທະນາທໍາ ແລະ ທ່ອງທ່ຽວ ໃຫ້ນັບມື້ເຕີບໃຫຍ່ເຂັ້ມແຂງຍິ່ງໆຂຶ້ນ.
ໃນໂອກາດດຽວກັນນີ້, ສະຫາຍ ພົນຕີ ຄໍາສີ ວົງຄໍາຊາວ ຫົວໜ້າ ຫ້ອງວ່າການກະຊວງປ້ອງກັນປະເທດ ໄດ້ຕ້ອນຮັບການ ເຂົ້າອວຍພອນຈາກຫ້ອງວ່າການ ກະຊວງ ປກສ ນໍາໂດຍສະຫາຍ ພົນຈັດຕະວາ ສົມວັນ ສາຍລ້ອງພາຄະ ນະປະຈໍາພັກກະຊວງ ຫົວໜ້າຫ້ອງວ່າການກະຊວງ ປກສ ພ້ອມດ້ວຍຄະນະ.
ໂດຍ: ຄຳປ໋ອກ
Loading...