ໃນວັນທີ 8 ມິຖຸນາ 2022 ນີ້ ທ່ານ ໄຊຊະນະ ສີສະຫວັດ ຮອງເຈົ້າເມືອງລະຄອນເພັງ ຜູ້ຊີ້ ນໍາວຽກວັດທະນະທໍາ- ສັງຄົມຂັ້ນເມືອງ ພ້ອມດ້ວຍພະນັກງານຫຼັກແຫຼ່ງນໍາພາ- ຊ່ວຍບ້ານ ແລະທີມງານປຸກລະດົມວຽກງານ ຊຈສ ຫ້ອງສາທາລະນະສຸກເມືອງ ໄດ້ເຄື່ອນໄຫວຊຸກຍູ້ຕິດຕາມການຈັດຕັ້ງປະຕິບັດວຽກງານຊຸມຊົນເປັນເຈົ້າການດ້ານສຸຂະ ອະນາໄມ (ຊຈສ) ທີ່ບ້ານດ່ອນຂັ່ງ ໂດຍມີການຈັດຕັ້ງ ແລະພໍ່ແມ່ປະຊາຊົນພາຍໃນບ້ານດອນຂັ່ງເຂົ້າຮ່ວມ.
ເຊິ່ງໃນການເຄື່ອນໄຫວ ທ່ານ ຮອງເຈົ້າເມືອງລະຄອນເພັງ ໄດ້ຮັບຟັງການລາຍງານກ່ຽວການຊຸກຍູ້-ນໍາພາກໍ່ສ້າງວິດຖ່າຍ ຈາກເຂລາໜ່ວຍພັກ-ນາຍບ້ານ, ພ້ອມທັງໄດ້ໂອ້ ລົມຊຸກຍູ້ປຸກລະດົມຄອບຄົວ ທີ່ຍັງບໍ່ມີວິດຖ່າຍໃຫ້ຕັດສິນໃຈລົງມືກໍ່ສ້າງວິດຖ່າຍ ເພື່ອເຮັດໃຫ້ອັດຊົມໃຊ້ວິດຖ່າຍພາຍ ໃນບ້ານດອນຂັ່ງກວມເອົາ 100% ແລະໃນໂອກາດລົງເຄືອນໄຫວຄັ້ງນີ້້ ທ່ານຮອງເຈົ້າເມືອງລະຄອນເພັງ ພ້ອມຄະຍັງໄດ້ ລົງສໍາຫຼວດຕິດຕາມ ເບິ່ງການກໍ່ສ້າງ ຕົວຈິງໃນແຕ່ລະຫຼັງຄາເຮືອນຕື່ມອີກ.
ຕາມຂໍ້ມູນລາຍງານ ຂອງຄະນະຮັບຜິດຊອບ ຊຈສ ຫ້ອງການສາທາລະນະສຸກເມືອງ ມາຮອດປັດຈຸບັນບ້ານດອນຂັ່ງ ມີຈໍານວຫຼັງຄາເຮືອນທັງໝົດ 105 ຫຼັງຄາ, ຫຼັງຄາເຮືອນມີວິດຖ່າຍ 49 ຫຼັງຄາ, ກໍາລັງມືກໍ່ສ້າງວິດຖ່າຍ 18 ຫຼັງຄາ ແລະບໍ່ມີວິດຖ່າຍ 38 ຫຼັງຄາເຮືອນ ແລະປັດຈຸບັນບ້ານດອນຂັ່ງ ມີຜົນປະເມີນດ້ານວິຊາການກິດຈະກໍາ 4 ດາວສຸຂະອະນາໄມຄື: ການກໍ່ສ້າງ ແລະນໍາໃຊ້ວິດຖ່າຍປະຕິບັດໄດ້ 53,33% ຄາດໝາຍ 100%; ການອະນາໄມຮ່າງກາຍ ແລະລ້າງມືໃສ່ສະບູປະຕິບັດໄດ້ 78% ຄາດໝາຍ 80-100%; ການອະນາໄມນໍ້າດື່ມ-ນໍ້າໃຊ້ປະຕິບັດໄດ້ 92,38% ຄາດໝາຍ 80-100% ແລະການອະ ນາໄມສິ່ງແວດລ້ອມປະຕິບັດໄດ້ 65,15% ຄາດໝາຍ 80-100%.
Cr: ສື່ມວນຊົນລະຄອນເພັງ
