ວັນທີ 19 ມິຖຸນາ ນີ້, ຢູ່ທີ່ໂຮງຮຽນ ມ.ສ ພູມມະເຈດີ, ທ່ານ ນາງ ຫຼິງທອງ ແສງຕາວັນ ຄະນະປະຈໍາພັກແຂວງ ຮອງເຈົ້າແຂວງ ສະຫວັນນະເຂດ ຊີ້ນໍາວຽກງານວັດທະນະທໍາ-ສັງຄົມແຂວງ, ພ້ອມຄະນະໄດ້ເຄື່ອນໄຫວຕິດຕາມຊຸກຍູ້ກວດກາ ການສອບເສັງຈົບຊັ້ນ ມ.7 ຢູ່ເມືອງໄຊພູທອງ ໂດຍການເປັນກຽດຕ້ອນຮັບຂອງທ່ານ ພົມມາ ສົງວິໄລ ຮອງເຈົ້າເມືອງ ຊີ້ນໍາວຽກງານວັດທະນະທໍາ-ສັງຄົມ. ພ້ອມຄູອາຈານໃຫ້ກຽດຕ້ອນຮັບ.
ການເຄື່ອນໄຫວຄັ້ງນີ້ໄດ້ຮັບຟັງການລາຍງານການກະກຽມຄວາມພ້ອມສະພາບວຽກງານການສຶກສາຢູ່ ມ.ສ ພູມມະເຈດີ ໂດຍສະເພາະທົ່ວເມືອງ ໄຊພູທອງ ມີສູນສອບເສັງ (ມ7) 1 ສູນສອບເສັງ, ທົ່ວເມືອງ ໄຊພູທອງ ມີນັກສອບເສັງທັງໝົດ 174 ຄົນ, ຍິງ83 ຄົນ,ໄດ້ແບ່ງອອກເປັນ 1 ສູນສອບເສັງ ຄື:ສູນສອບເສັງ ມສ ພູມມະເຈດີ ມີ 6 ໂຮງຮຽນມາຮ່ວມສອບເສັງຄື: ມສ ໄຊພູທອງ, ມສ ທ່າໂພ, ມສ ເຮືອນຫີນ, ມສ ພູມມະເຈດີ, ມສ ນາຄໍາ ແລະ ມສ ນາບໍ່, ມີຈໍານວນນັກສອບເສັງຕົວຈິງ 171 ຄົນ 82 ຄົນ, ຂາດສອບ 3 ຄົນ, ຍິງ 1 ຄົນ ມີຫ້ອງສອບເສັງ 8 ຫ້ອງ, ສະເລ່ຍນັກສອບເສັງ 21 ຄົນຕໍ່ຫ້ອງ, ມີກຳມະການຍາມຫ້ອງສອບເສັງ 16 ຄົນ , ມີ 5 ວິຊາຄື: ພາສາລາວ-ວັນນະຄະດີ, ວິທະຍາສາດທຳມະຊາດ, ວິທະຍາສາດສັງ-ຄົມ ແລະ ຄະນິດສາດ.
ໂອກາດນີ້, ທ່ານ ນາງ ຫຼິງທອງ ແສງຕາວັນ ຮອງເຈົ້າແຂວງ ກໍໄດ້ໃຫ້ກຽດໂອ້ລົມຕໍ່ຄະນະນໍາເມືອງ ແລະ ຄະນະອໍານວຍການໂຮງຮຽນ ແລະ ຄະນະກໍາມະການ ວ່າ ການພັດທະນາຊັບພະຍາກອນມະນຸດ ແມ່ນປັດໃຈສຳຄັນກ່ວາໝູ່ ເພື່ອສ້າງຄົນໃຫ້ມີຄວາມຮູ້, ຄວາມສາມາດ ມີຄຸນສົມບັດສິນທຳປະຕິວັດ ມີຫົວຄິດປະດິດສ້າງ ພ້ອມນີ້ການພັດທະນາແບບຍືນຍົງຕ້ອງພັດທະນາເສດຖະກິດສັງ-ຄົມ, ຄວາມໝັ້ນຄົງທາງດ້ານຄວາມສະຫງົບ ແລະ ສິ່ງແວດລ້ອມ, ພັກ-ລັດຍາມໃດກໍໄດ້ເອົາໃຈໃສ່ບັນຫາເຫຼົ່ານີ້ ແລະ ແມ່ນໜ້າທີ່ປວງຊົນລາວທັງຊາດ ແນໃສ່ສືບຕໍ່ຮັກສາມູນເຊື້ອຄວາມສະຫງົບຄວາມໝັ້ນຄົງ, ເອົາໃຈໃສ່ວຽກງານການສຶກສາຮັບປະກັນໃຫ້ໄດ້ 100% ຊຸກຍູ້ບັນດານັກສຶກສາໃຫ້ມາສອບເສັງທັນເວລາ ຕິດຕາມກວດການັກສອບເສັງເພື່ອບໍ່ໃຫ້ເກີດປະກົດການຫຍໍ້ທໍ້ຢູ່ໃນຂົງເຂດດັ່ງກ່າວ.
