ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຮອງເຈົ້າແຂວງ ໄຊຍະບູລີ ພ້ອມດ້ວຍທີມງານ ສາທາລະນະສຸກແຂວງ ໄຊຍະບູລີ ໄດ້ລົງມາເຄື່ອນໄຫວ ແລະ ຕິດຕາມ ການສະກັດກັ້ນ, ຄວບຄຸມ ແລະ ກຽມຄວາມພ້ອມຮອບດ້ານ ເພື່ອຕ້ານພະຍາດໂຄວິດ 19 ຢູ່ເມືອງເງິນ.

ທ່ານ ສີທະນົນໄຊ ທອງເທພາ ຮອງເຈົ້າເມືອງ ເມືອງເງິນ ປະທານສະເພາະກິດ ຕ້ານ ແລະ ສະກັດກັ່ນ ໂຄວິດ 19 ຂັ້ນເມືອງ ໄດ້ລາຍງານການຈັດຕັ້ງປະຕິບັດກ່ຽວກັບມາດຕະການ ແລະ ຄວບຄຸມການຕິດເຊື້ອ ພະຍາດອັກເສບປອດ ຈາກເຊື້ອຈຸລະໂລກສາຍພັນໃໝ່ COVID-19 ຢູ່ເມືອງເງິນ.

ສໍາລັບການເດີນທາງເຂົ້າຂອງພົນລະເມືອງ ຜ່ານດ່ານສາກົນນໍ້າເງິນ ເມືອງເງິນ ແລະ ມາຈາກຕ່າງແຂວງ ແລະຕ່າງປະເທດ, ຄືແຕ່ວັນທີ 26-31 ມີນາ 2020  ມີທັງໝົດ 454 ຄົນ, ຍິງ 73 ຄົນໃນນີ້: ມາແຕ່ປະເທດໄທຈໍານວນ 377 ຄົນ, ຍິງ 53 ຄົນມາຈາກຕ່າງແຂວງພາຍໃນປະເທດຈຳນວນ 77 ຄົນ, ຍິງ 20 ຄົນ,ເມືອງຈິ່ງໄດ້ຕັ້ງ ສູນເພື່ອກັກກັນບໍລິເວນ ພາຍໃນເມືອງເງິນ ມີທັງໝົດ 7 ສູນຄື:

  1. ສູນໂຮງໝໍເມືອງຫຼັງເກົ່າ ມີ 7 ບ້ານເທດສະບານ, ມີຈໍານວນຄົນເຂົ້າກັກກັນໃນສູນ 42 ຄົນ, ຍິງ 11 ຄົນ.(ປະກອບມີ 6 ຈຸດກັກກັນໃນເທດສະບານເມືອງ).
  2. ສູນໂຮງໝໍນ້ອຍຫ້ວຍເຜິ້ງ (ໂຮງຮຽນ ມຕ ດອກເຜິ້ງ), ມີຈໍານວນຄົນເຂົ້າກັກກັນໃນສູນ 26 ຄົນ, ຍິງ 15 ຄົນ
  3. ສູນໂຮງໝໍນ້ອຍບ້ານທອງ(ໂຮງຮຽນປະຖົມບ້ານທອງ ແລະ ຮຮ ປະຖົມນໍ້າທົນ), ມີຈໍານວນຄົນເຂົ້າກັກກັນໃນສູນ 36 ຄົນ, ຍິງ 13 ຄົນ
  4. ສູນໂຮງໝໍນ້ອຍຜາແດງ( ຮຮປະຖົມໂຮມໄຊ ແລະ ຮຮ ປະຖົມບ້າຜາແດງ), ມີຈໍານວນຄົນເຂົ້າກັກກັນໃນສູນ 12 ຄົນ, ຍິງ 07 ຄົນ
  5. ສູນໂຮງໝໍນ້ອຍຫ້ວຍເງີຍ(ໂຮງຮຽນປະຖົມບ້ານປາກແຄນ), ມີຈໍານວນຄົນເຂົ້າກັກກັນໃນສູນ 12 ຄົນ, ຍິງ 08 ຄົນ
  6. ສູນໂຮງໝໍນ້ອຍປາງບົງ, ມີຈໍານວນຄົນເຂົ້າກັກກັນໃນສູນ 11 ຄົນ, ຍິງ 4 ຄົນ
  7. ສູນໂຮງໝໍນ້ອຍນາຍາງຄໍາ, ແມ່ນຍັງບໍ່ມີ

ສັງລວມແລ້ວເມືອງເງິນໃນ 235 ຄົນ, ຍິງ 93 ຄົນ, ເຂົ້າສູນແລ້ວ 147 ຄົນ, ຍິງ 58 ຄົນ; ກັກກັນບໍລິເວນຢູ່ບ້ານ 88  ຄົນ, ຍິງ 35 ຄົນ ແລະ ຈໍານວນຜູ້ເຂົ້າສູນຄົບ 14 ວັນ ມີ 04 ຄົນ,ຍິງ 01 ຄົນ ສໍາລັບບຸກຄົນເຂົ້າສູນຄົບຕາມເວລາທີ່ກໍານົດໄວ້ແລ້ວ ແພດອອກໃບຢັ້ງຢືນດ້ານສຸຂະພາບ ແລະ ໃຫ້ຄໍາແນະນໍາໄປປະຕິບັດຕົວຢູ່ບ້ານເພື່ອຕິດຕາມເຝົ້າລະວັງຕໍ່ໄປ.

ຜ່ານມາມີບຸກຄົນເຂົ້າຕິດຕາມຢູ່ໂຮງໝໍເມືອງ 04 ກໍລະນີ, ສົ່ງຕົວຢ່າງໄປກວດ 02 ກໍລະນີ ຜົນກວດເປັນລົບ 02 ກໍລະນີ, ພວມຕິດຕາມຢູ່ສູນບ້ານ 01 ກໍລະນີ, ຍັງສືບຕໍ່ຕິດຕາມຢູ່ໂຮງໝໍ 01 ກໍລະນີ.

ຕອນທ້າຍທາງທີມງານສາທາລນະສຸກແຂວງ ກໍ່ໄດ້ມອບອຸປະກອນການແພດໃຫ້ທາງຫ້ອງການສາທາລະນະສຸກເມືອງເງິນ ເປັນຕົ້ນ ແມ່ນເຄື່ອງວັດແທກອຸ່ນຫະພູມ ດີຈິຕອນ ຈຳນວນ 5 ເຄື່ອງ ແລະ ເຄື່ອງມືການແພດທີຈຳເປັນ ຈຳນວນ 10 ກວ່າລາຍການ ລວມມູນຄ່າ 8 ລ້ານກວ່າກີບ.

 

ໂດຍ: ອິນແປງ ແຫວນຄຳ