ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຮອດວັນທີ 26 ພຶດສະພານີ້ ທົ່ວໂລກມີຜູ້ຕິດເຊື້ອພະຍາດໂຄວິດ19 ຈໍານວນ 5.581.290 ຄົນ

ຮອດວັນທີ 26 ພຶດສະພານີ້ ທົ່ວໂລກມີຜູ້ຕິດເຊື້ອພະຍາດໂຄວິດ19 ຈໍານວນ 5.581.290 ຄົນ, ເພີ່ມຂຶ້ນ 87.207 ຄົນ, ເສຍຊີວິດ 347.530 ຄົນ.

ອາເມຣິກາຕິດເຊື້ອ 1.705.668 ຄົນ, ເພີ່ມຂຶ້ນ 19.232 ຄົນ, ເສຍຊີວິດ 99.782 ຄົນ.

ເບຼຊິນ ຕິດເຊື້ອ 374.898 ຄົນ, ເພີ່ມຂຶ້ນ11.280 ຄົນ, ເສຍຊີວິດ 23.473 ຄົນ.

ຣັດເຊຍ ຕິດເຊື້ອ 353.427 ຄົນ, ເພີ່ມຂຶ້ນ 8.946 ຄົນ, ເສຍຊີວິດ 3.633 ຄົນ.

ດຣ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ຄະນະສະເພາະກິດໃຫ້ຮູ້ເຖິງ ສະພາບການເຝົ້າລະວັງ COVID-19 ຢູ່ ສປປ ລາວວ່າ:  ຮອດ 17ໂມງ ວັນທີ 25 ພຶດສະພາ 2020 ຈໍານວນຜູ້ເດີນທາງເຂົ້າມລາວ ມີທັງໝົດ 1.934 ຄົນ, ໃນນັ້ນຈຸດຜ່ານດ່ານລາວ-ໄທ ມີ 1,093 ຄົນ, ຈຸດຜ່ານດ່ານລາວ-ຫວຽດ ທັງໝົດ 777 ຄົນ, ຈຳນວນຜູ້ເດີນທາງຜ່ານສະໜາມບິນສາກົນວັດໄຕ 60 ຄົນ ທັງໝົດ ແມ່ນຄົນຈີນ ທີ່ເຂົ້າມາສ້າງທາງລົດໄຟ ລາວ-ຈີນ. ໃນທຸກດ່ານ ແມ່ນໄດ້ກວດວັດອຸນຫະພູມຮ່າງກາຍ ແຕ່ບໍ່ມີຄົນເປັນໄຂ້.

ວຽກງານການເຝົ້າລະວັງ ແລະ ວິເຄາະ: ໃນວັນທີ 25 ພຶດສະພາ 2020, ໄດ້ເກັບຕົວຢ່າງມາກວດທັງໝົດ 60 ຄົນ, ໃນນັ້ນ ມີກໍລະນີສົງໄສ 1 ຄົນ, ຜົນກວດທັງໝົດ ມື້ວານນີ້ ແມ່ນບໍ່ພົບເຊື້ອ (44 ມື້ແລ້ວທີ່ບໍ່ພົບຜູ້ຕິດເຊື້ອໃໝ່).

ສ່ວນການຕິດຕາມຄົນເຈັບທີ່ປີ່ນປົວຢູ່ໂຮງໝໍມິດຕະພາບ ມີ 5 ຄົນ ໄດ້ເກັບຕົວຢ່າງມາກວດຄືນ 3 ຄົນ, ຜົນກວດ ແມ່ນສອງຄົນ ມີຜົນລົບ ແລະຈະເກັບຕົວຢ່າງໄປກວດອີກຄັ້ງໜຶ່ງໃນມື້ອື່ນ ຖ້າເປັນຜົນລົບອີກ ຈະອະນຸຍາດໃຫ້ອອກໄປກັກໂຕຢູ່ເຮືອນ.