ຮັບຮອງ ຫ້ອງການສາທາລະນະສຸກ ເມືອງສົບເບົາ ເປັນກົມກອງແບບຢ່າງດ້ານວັດທະນະທຳ

ເມືອງສົບເບົາ ແຂວງຫົວພັນ ໄດ້ປະກາດຮັບຮອງເອົາຫ້ອງການສາທາລະນະສຸກເມືອງ ເປັນກົມກອງແບບຢ່າງດ້ານວັດທະນະທຳ ໃນວັນທີ 23 ສິງຫາ 2024 ໂດຍການເຂົ້າຮ່ວມຂອງທ່ານ ວັນໄຊ ສຸລິວົງ ຮອງເຈົ້າເມືອງໆສົບເບົາ, ທ່ານ ພູວັນ ເພັດມີໄຊ ຮອງຫົວໜ້າພະແນກ ຖວທ ແຂວງຫົວພັນ ພ້ອມດ້ວຍປະຊາຊົນບ້ານ ແລະ ພະນັກງານຫ້ອງການສາທາລະນະສຸກເມືອງສົບເບົາ ເຂົ້າຮ່ວມ.

ທ່ານ ດຣ. ນາງ ນວນທາ ເພັນສີຊະນະວົງ ຫົວໜ້າຫ້ອງການສາທາລະນະສຸກ ເມືອງສົບເບົາ ໄດ້ລາຍງານວ່າ: ຫ້ອງການສາທາລະນະສຸກ ເມືອງສົບເບົາ ມີພະນັກ ງານ ທັງໝົດ 65 ຄົນ ຍິງ 38 ຄົນ, ພະນັກງານອາສາສະໝັກ 9 ຄົນ ຍິງ 8 ຄົນ ໃນນີ້, ມີພະນັກງານ-ລັດຖະກອນເປັນສະມາຊິກພັກສົມບູນ 43 ສະຫາຍ ຍິງ 27 ສະຫາຍ, ມີ 1 ຮາກຖານພັກ ປະກອບມີ 3 ໜ່ວຍພັກ, ມີໜ່ວຍກຳມະບານ 1 ໜ່ວຍ ມີສະມະຊິກ 50 ສະຫາຍ ຍິງ 30 ສະຫາຍ, ມີໜ່ວຍຊາວໜຸ່ມ 1 ໜ່ວຍ ມີສະມະຊິກ 32 ສະຫາຍ ຍິງ 21 ສະຫາຍ, ມີໜ່ວຍແມ່ຍິງ ມີສະມະຊິກ 30 ສະຫາຍ, ລະດັບວັດທະນະທຳຈົບປະຖົມສຶກສາ 2 ຄົນ, ຍິງ 1 ຄົນ, ມັດທະຍົມຕອນຕົ້ນ 3 ຄົນ ຍິງ 1 ຄົນ, ມັດທະຍົມຕອນປາຍ 60 ຄົນ ຍິງ 36 ຄົນ, ລະດັບວິຊາສະເພາະຈົບຊັ້ນຕົ້ນ 5 ຄົນ ຍິງ 2 ຄົນ, ຊັ້ນກາງ 14 ຄົນ ຍິງ 6 ຄົນ, ຊັ້ນສູງ 35 ຄົນ ຍິງ 23 ຄົນ, ປະລິນຍາຕີ 9 ຄົນ ຍິງ 4 ຄົນ, ປະລິນຍາໂທ 2 ຄົນ ຍິງ 1 ຄົນ, ລະດັບທິດສະດີການເມືອງ-ການປົກຄອງຊັ້ນຕົ້ນ 6 ຄົນ ຍິງ 3 ຄົນ, ຊັ້ນກາງ 5 ຄົນ ຍິງ 4 ຄົນ ພ້ອມນີ້, ມີຄອບຄົວພະນັກງານ-ລັດຖະກອນ ໄດ້ຮັບໃບຢັ້ງຢືນຄອບຄົວວັດທະນະທໍາ 41 ຄອບຄົວເທົ່າກັບ 74,5%, ຍັງບໍ່ໄດ້ຮັບໃບຢັ້ງຢືນຄອບຄົວວັດທະນະທໍາ 14 ຄອບຄົວເທົ່າກັບ 25,5 %, ສາເຫດທີ່ຍັງບໍ່ໄດ້ຮັບໃບຢັ້ງຢືນຄອບຄົວວັດທະນະທຳ ເນື່ອງຈາກເປັນຄອບຄົວສ້າງໃໝ່ ແລະ ຍັງບໍ່ທັນໄດ້ປະເມີນ.

ໃນໄລຍະຜ່ານມາ, ພະນັກງານ-ລັດຖະກອນ ຢູ່ພາຍໃນຫ້ອງການມີຄວາມຕື່ນຕົວສະໝັກໃຈ ພ້ອມກັນສ້າງກົມກອງສໍານັກງານອົງການວັດທະນະທໍາ ຢູ່ພາຍໃນຫ້ອງການ ຢ່າງເປັນຂະບວນຟົດຟຶ້ນ, ພະນັກງານ, ສະມະຊິກພັກ ມີຄວາມຕື່ນຕົວທາງດ້ານການເມືອງ, ເຊື່ອໝັ້ນຕໍ່ການນໍາພາ-ຊີ້ນໍາຂອງພັກ-ລັດ ເປັນເຈົ້າການໃນການປະຕິບັດລະບຽບກົດໝາຍ,​ ມີຄວາມຮັກແພງຊ່ວຍເຫລືອເຊິ່ງກັນ ແລະ ກັນ ທັງເປັນເຈົ້າການເຂົ້າຮ່ວມໃນຂະບວນການຕ່າງໆ, ຫ້າວຫັ້ນຕໍ່ໜ້າທີ່ວຽກງານຮາກຖານພັກ ແລະ ໜ່ວຍພັກໄດ້ຮັບນາມມະຍົດເປັນໜ່ວຍພັກປອດໃສ ເຂັ້ມແຂງ ໜັກແໜ້ນ 3 ປີຕໍ່ເນື່ອງ, ໜ່ວຍຊາວໜຸ່ມໄດ້ຮັບນາມມະຍົດເປັນຊາວໜຸ່ມ 4 ບຸກ, ໜ່ວຍກຳມະບານໄດ້ຮັບນາມມະຍົດເປັນໜ່ວຍກຳມະບານ 5 ເປັນເຈົ້າ 3 ປີຕໍ່ເນື່ອງ ແລະ ໜ່ວຍແມ່ຍິງໄດ້ຮັບນາມມະຍົດເປັນໜ່ວຍແມ່ຍິງ 3 ດີ 3 ປີຕໍ່ເນື່ອງ.

ດ້ານເສດຖະກິດ ແລະ ຊີວິດການເປັນຢູ່ ຂອງຄອບຄົວພະນັກງານ ຢູ່ພາຍໃນຫ້ອງການເຫັນວ່າມີການພັດທະນາດີຂຶ້ນ, ມີຫລາຍຄອບຄົວໄດ້ມີການພັດທະນາ ສາມາດນໍາພາຄອບຄົວອອກຈາກທຸກຍາກກາຍເປັນຄອບຄົວພັດທະນາດີ, ສາມາດຊື້ພາຫະນະຮັບໃຊ້ໄດ້ຫລາຍຄອບຄົວ, ດ້ານວັດທະນະທຳສົງຄົມ ກໍໄດ້ຮັບການ ພັດທະ ນາ, ເດັກນ້ອຍໄດ້ຮັບການສຶກສາຕາມເກນອາຍຸ ແລະ ໄດ້ເຂົ້າເຖິງການບໍລິການດ້ານສາທາລະນະສຸກ, ວັດທະນະທໍາ, ສິລະປະ ແລະ ຮີດຄອງປະເພນີໄດ້ມີການອະນຸລັກ ແລະ ປົກປັກຮັກສາ. ຢູ່ພາຍໃນຫ້ອງການສາມາດສ້າງໜ່ວຍສິລະປະວັນນະຄະດີສະ ຫມັກຫລິ້ນໄດ້ 1 ໜ່ວຍ ສາມາດສະແດງຮັບໃຊ້ໃນວັນບຸນສໍາຄັນຕ່າງໆຂອງຫ້ອງ ການ, ຂອງເມືອງໄດ້ເປັນປົກກະຕິ.

ຂ່າວ-ພາບ: ໄອແກ້ວ