ໃນວັນທ 6 ສິງຫາ 2024 ນີ້ ພະແນກໂຍທາທິການ ແລະ ຂົນສົ່ງນະຄອນຫຼວງວຽງຈັນຮ່ວມກັບຄະນະຈັດສັນນະຄອນຫຼວງ ແລະ ເມືອງ, ຫ້ອງການໂຍທາທິການ ແລະ ຂົນສົ່ງ, ອຸດສະຫະກໍາການຄ້າ, ຊັບສິນ, ຖະແຫຼງຂ່າວ ວັດທະນະທາ ແລະ ທ່ອງທ່ຽວ, ເຈົ້້າໜ້າທີ່່ກຸ່ມ, ໄຟຟ້າ ແລະ ເຈົ້າໜ້າທີ່ຕໍາຫລວດຈະລາຈອນ ເມືອງໄຊທານີ ນໍາໂດຍ ທ່ານ ປອ. ສົມໃຈຫວັງ ເດດອຸດົມ ຮອງຫົວໜ້າພະແນກໂຍທາທິການ ແລະ ຂົນສົ່ງ ນະຄອນຫຼວງວຽງຈັນ ພ້ອມດ້ວຍ ຄະນະ ລົງເຄື່ອນໄຫວຈັດຕັ້ງປະຕິບັດໃນການຮື້ຖອນ ເທີບ-ເຫງີບ ແລະ ປ້າຍໂຄສະນາຕ່າງໆ ຢູ່ເສັ້ນຖະໜົນ ໄກສອນ ພົມວິຫານນັບແຕ່ 4 ແຍກໄຟອໍານາດບ້ານໂພນສະອາດ ຫາ ເຂດວົງ ວຽນດອນໜນ.
ໂອກາດນີ້ ທ່ານ ປອ. ສົມໃຈ ຫວັງເດດອຸດມ ຮອງຫວໜົ້າພະແນກ ໂຍທາທິການ ແລະ ຂນສົ່ງນະຄອນຫຼວງວຽງຈັນ ໃຫ້ສໍາພາດວ່າ: ການລົງເຄື່ອນໄຫວຕັດປ້າຍ ຍົກຍ້າຍປ້າຍ ຮື້ຖອນປ້າຍ ແລະ ເທີບ-ເຫງີບ ໃນຄັ້ງນີ້ແມ່ນປະຕິບັດຕາມຂໍ້ຕົກລົງຂອງເຈົ້າຄອງນະຄອນຫຼວງວຽງຈັນ ສະບັບເລກທີ່ 444/ຈນວ ວ່າ: ດ້ວຍການຈັດຕັ້ງ ແລະ ການເຄື່ອນໄຫວຂອງ ພະແນກໂຍທາທິການ ແລະ ຂນສົ່ງ ນະຄອນຫຼວງວຽງຈັນ, ກໍ່ຄືຂໍ້ຕົກລົງຂອງເຈົ້າຄອງນະຄອນຫຼວງວຽງຈັນ ສະບັບເລກທ 1184/ຈນວ,ວ່າ: ດ້ວຍການຈັດສັນຄວາມບໍ່ເປັນລະບຽບຮຽບຮ້ອຍໃນຕົວເມືອງ ແລະ ຊານເມືອງໃຫ້ມຄວາມສວຍສົດງົດງາມ ແລະ ທັງອີງຕາມການແຈ້ງການຂອງເຈົ້າຄອງນະຄອນຫຼວງວຽງຈັນ, ສະບັບເລກທ 04 /ຈນວ ວ່າ: ດ້ວຍການຈັດຕັ້ງ ແລະ ມາດຕະການວຽກງານຈັດສັນຄວາມບໍ່ເປັນລະບຽບຮຽບຮ້ອຍໃນຕົວເມືອງ ພ້ອມທັງກະກຽມໃຫ້ແກ່ການເປັນເຈົ້າ ພາບຈັດກອງປະຊຸມສຸດຍອດອາຊຽນ ແລະ ກອງປະຊຸມປິ່ນອ້ອມອື່ນໆ ທົ່ວ ສປປ ລາວ ເຮົາຈະເປັນເຈົ້າພາບຈັດຂຶ້ນໃນທ້າຍປີ 2024 ນີ້,ສໍາລັບເທີບ-ເຫງີບ ແລະ ປ້າຍທີ່ຖືກຮື້ຖອນໃນຄັ້ງນີ້ ມີທັງໝົດ 300 ກວ່າລາຍການ, ໃນນີ້ເທີບ-ເຫງີບ ມີຈໍານວນ 97 ລາຍການ ແລະ ປ້າຍໂຄສະ ນາຕ່າງໆ ມີຈໍານວນ 204 ປ້າຍ, ເຊິ່ງສ່ວນໃຫຍ່ແມ່ນບໍ່ໄດ້ຮັບອະນຸຍາດຈາກພາກສ່ວນທີ່ກ່ຽວ ຂ້ອງ
ຮອງຫົວໜ້າພະແນກ ໂຍທາທິການ ແລະ ຂົນສົ່ງ ນະຄອນຫຼວງວຽງຈັນ ໃຫ້ຮູ້ຕື່ມວ່າ: ສໍາລັບແຜນ ຫຼື ເປົ້າໝາຍໃນການຈັດຕັ້ງປະຕິບັດວຽກງານຮື້ຖອນເທີບ-ເຫງີບ ແລະ ປ້າຍໂຄສະນາຂອງພະແນກໂຍທາທິການ ແລະ ຂົນສົ່ງ ນະຄອນຫຼວງວຽງຈັນ ໂດຍເເນໃສ່ 9 ເມືອງຂອງນະຄອນຫຼວງວຽງຈັນ, ເຊິ່ງໄລຍະທໍາອິດແມ່ນໄດ້ເລີ່ມເຄື່ອນໄຫວຮື້ຖອນໃນຂອບເຂດ 7 ຕົວເມືອງໃນ ຄື : ເມືອງຈັນທະບູລີ, ໄຊເສດຖາ, ສີໂຄດຕະບອງ, ສີສັດຕະນາກ, ໄຊທານີ ແລະ ເມືອງຫາຍຊາຍຟອງຄາດວ່າ ຈະສູ້ຊົນຈັດຕັ້ງປະຕິບັດໃຫ້ສໍາເລັດຕາມແຜນການທີ່ວາງໄວ. ພ້ອມທັງຮຽກຮ້ອງມາຍັງການຈັດຕັ້ງທຸກພາກສ່ວນ ທັງພາກລັດ ແລະ ເອກະຊົນນັກທຸລະກິດ ຜູ້ປະກອບການ, ພໍ່ຄ້າຊາວຂາຍ ພໍ່ແມ່ປະຊາຊົນທີ່ຢູ່ຕາມແຄມທາງຈົ່ງໃຫ້ການຮ່ວມມືແກ່ຄະນະຈັດສັນຄວາມບໍ່ເປັນຮຽບຮ້ອຍຂັ້ນນະຄອນຫຼວງວຽງຈັນ ແລະ ເມືອງ ພ້ອມທັງອົງການປົກຄອງບ້ານທີ່ກ່ຽວຂ້ອງ ເພື່ອພ້ອມກັນຈັດຕັ້ງປະຕິບັດວຽກງານດັ່ງກ່າວໃຫ້ມີໝາກຜົນສໍາເລັດ, ເເນໃສ່ສ້າງໃຫ້ຕົວເມືອງພວກເຮົາມີຄວາມເປັນລະບຽບຮຽບຮ້ອຍ, ສວຍງາມ ແລະ ສ້າງນະຄອນຫຼວງວຽງຈັນໃຫ້ກາຍເປັນຕົວເມືອງທີ່ໜ້າຢູ່, ຍືນຍົງ ແລະ ກ້າວໄປສູ່ການສ້າງນະຄອນຫຼວງວຽງຈັນເປັນຕົວເມືອງອັດສະລິຍະໃນອະນາຄົດ.%
ຂຽນໂດຍ: ບຸນຍັງ ພຸດສະຫວັດ
ພາບ: ກະຕ່າຍ ມາກໂນຊາ
