ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ຮູ້ ຫຼື ບໍ່ນໍ້າຂີງມີປະໂຫຍດແບບໃດ

ຂີງ ເປັນສະໝຸນໄພຊະນິດໜື່ງທີ່ຫຼາຍຄົນຮູ້ຈັກກັນດີ ແລະ ຄົນສ່ວນໃຫຍ່ຈະນິຍົມນໍາຂີງມາປະກອບອາຫານ ຫຼື ເຮັດເປັນເຄື່ອງດື່ມ ເຊິ່ງເຄື່ອງດື່ມທີ່ນິຍົມກັນກໍ່ຄື ນໍ້າຂີງ ເຊິ່ງຂີງນັ້ນກໍມີປະໂຫຍດທາງການແພດຫຼາຍບໍ່ວ່າຈະຊ່ວຍບັນເທົາອາການປວດຮາກຈາກອາການເມົາລົດ ເມົາເຮືອ ເພາະວ່າໃນນໍ້າຂີງນັ້ນມີສານຢູ່ 2 ຊະນິດທີ່ຊື່ວ່າ ສານຈິງເຈີຣອດ (Gingerol) ແລະ ສານໂຊກາອອດ(Shogaol) ເຊິ່ງສານ 2 ໂຕນີ້ມີລິດຕໍ່ສະໝອງໃນການຄວບຄຸມອາການປວດຮາກ ແລະ ນໍ້າຂີງເມື່ອດື່ມເຂົ້າໄປມັນຈະຊ່ວຍກະຕຸ້ນການບິດຕົວຂອງກະເພາະອາຫານ ແລະ ລຳໄສ້ອ່ອນເຮັດໃຫ້ ຊ່ວຍເພີ່ມປະສິດທິພາບໃນການຍ່ອຍອາຫານ ການດູດຊືມອາຫານ ຫລຸດອາກາານທ້ອງອືດ ຊ່ວຍຂັບລົມໄດ້

ບໍ່ພຽງເທົ່ານີ້ການດື່ມນໍ້າຂີງສຳລັບບາງຄົນອາດຈະເປັນການເພີ່ມຄວາມຢາກອາຫານໄດ້ອີກດ້ວຍ ສັບພະຄຸນຂອງນໍ້າຂີງຍັງບໍ່ໝົດພຽງເທົ່ານີ້ມັນຍັງຊ່ວຍບັນເທົາອາການປວດຕ່າງໆບໍ່ວ່າຈະເປັນ ໄມເກນ ເຈັບທ້ອງປະຈໍາເດືອນທີ່ເປັນແບບນີ້ກໍ່ເພາະວ່າໃນນໍ້າຂີງມີສານພອດຕາແກລນດິນ (prostaglandin) ເຊິ່ງເປັນສານຮໍໂມນທີຊ່ວຍລະງັບຄວາມເຈັບປວດໄດ້ ແລະ ປະໂຫຍດຂອງມັນຍັງບໍ່ໝົດພຽງເທົ່ານີ້ນໍ້າຂີງຍັງຊ່ວຍ ບັນເທົາອາການປວດເມື່ອຍກ້າມຊີ້ນ ຊ່ວຍຂັບເຫື່ອ ຊ່ວຍໃນການລົດຄໍເລສເຕີຣໍ ຫຼຸດອາການບວມ ແລະ ເຈັບຂອງຜູ້ປ່ວຍ ຂໍ້ອັກເສບ ຣູມາຕ້ອນ ເຊິ່ງວິທີການເຮັດນໍ້າຂີງກໍ່ງ່າຍໆ ໂດຍມີວິທີດັ່ງນີ້ ຂັ້ນຕອນທຳອິດໃຫ້ນຳຂີງມາລ້າງໃຫ້ສະອາດຈາກນັ້ນກໍ່ຊອຍເປັນປ່ຽງ ຫຼື ຈະທຸບກໍ່ໄດ້ ຈາກນັ້ນກໍ່ນຳໄປຕົ້ມໃຫ້ຟົດເມື່ອນໍ້າຟົດແລ້ວກໍ່ຕົ້ມຕໍ່ອີກ 10-15 ນາທີ ໂດຍໃຊ້ໄຟອ່ອນ ແລະ ເມື່ອຄົບແລ້ວກໍ່ນໍານໍ້າຂີງໄປແຍກອອກຈາກກັນ ຫຼື ໃຜທີ່ມັກຫວານ ກໍ່ອາດຈະໃສ່ນໍ້າເຜີ້ງ ຫຼື ນໍ້າຕານລົງໄປກໍ່ໄດ້ເພື່ອເພີ່ມຄວາມຫວານໄດ້ ພຽງເທົ່ານີ້ກໍ່ໄດ້ນໍ້າຂີງມາດື່ມແລ້ວ ເຖິງແມ່ນວ່ານໍ້າຂີງຈະມີປະໂຫຍດຫຼາຍແຕ່ສຳລັບຄົນປ່ວຍບາງຢ່າງກໍ່ຫ້າມດື່ມເຊັ່ນ: ຄົນປ່ວຍທີ່ມີປັນຫາກ່ຽວກັບລະບົບຍ່ອຍອາຫານ ຜູ້ທີ່ເປັນເບົາຫວານ ຫຼື ຜູ້ທີ່ກຳລັງຈະເຂົ້າຮັບການຜ່າຕັດເພາະນໍ້າຂີງຈະໄປເຮັດໃຫ້ເລືອດແຂງຕົວ ແລະ ການດື່ມນໍ້າຂີງກໍ່ຄວນດື່ມຕອນເຊົ້າເພາະວ່າໃນນໍ້າຂີງມີຄາເຟອິນເລັກນ້ອຍ ເມື່ອດື່ມໃນຊ່ວງເຊົ້າຈະຊ່ວຍກະຕຸ້ນໃຫ້ຮ່າງກາຍຕື່ນຕົວ ແລະ ສົດຊື່ນອີກດ້ວຍ.