ການສົ່ງເສີມບົດບາດວັດທະນະທໍາ ແລະ ສິລະປະໃນອາຊຽນ ໃຫ້ກວມລວມ ແລະ ຍືນຍົງ ແມ່ນບູລິມະສິດສໍາຄັນໜຶ່ງທີ່ນອນຢູ່ໃນການເພີ່ມທະວີການເຊື່ອມຈອດ ເຊິ່ງແມ່ນສ່ວນໜຶ່ງຂອງຄໍາຂວັນໃນໂອກາດທີ່ ສປປ ລາວ ເປັນປະທານອາຊຽນ 2024 ເພື່ອຊຸກຍູ້ສົ່ງເສີມອາຊຽນຮ່ວມກັນຈັດຕັ້ງປະຕິບັດໃຫ້ດີຂຶ້ນກວ່າຢ່າງຕໍ່ເນື່ອງ.
ວັດທະນະທໍາ ແລະ ສິລະປະ: ສົ່ງເສີມບົດບາດວັດທະນະທໍາ ແລະ ສິລະປະໃນອາຊຽນ ໃຫ້ກວມລວມ ແລະ ຍືນຍົງ: ບູລິມະສິດນີ້ແມ່ນແນໃສ່ ສົ່ງເສີມບົດບາດວຽກງານວັດທະນະທໍາ ແລະ ສິລະປະໃນພາກພື້ນອາຊຽນ ເພື່ອສ້າງຄວາມອາດສາມາດຂອງຊັບພະຍາກອນມະນຸດ ແລະ ເພີ່ມທະວີກິດຈະກຳ ແລະ ໂຄງການ ທາງດ້ານວັດທະນະທຳ ແລະ ສິລະປະ ໃນການພັດທະນາ ວິສາຫະກິດຂະໜາດນ້ອຍ ແລະ ຂະໜາດກາງດ້ານວັດທະນະທໍາ ໄປຄຽງຄູ່ກັບການຈະ ເລີນເຕີບໂຕສີຂຽວ ແລະ ການພັດທະນາແບບຍືນຍົງ.
ບັນດາຫນ້າວຽກ ທີ່ຈະສະໜັບສະໜູນ ບູລິມະສິດດັ່ງກ່າວມີ: ຖະແຫຼງການ ວ່າດ້ວຍການສົ່ງເສີມວິສາຫະກິດຂະໜາດນ້ອຍ ແລະ ຂະໜາດກາງກ່ຽວກັບວັດທະນະທໍາ ຄຽງຄູ່ກັບການເຕີບໂຕສີຂຽວ ແລະ ການພັດທະນາແບບຍືນຍົງ; ໂຄງການສະ ແດງສີລະປະອາຊຽນ ທີ່ນະຄອນຫຼວງວຽງຈັນ, ສັບປະດາຮູບເງົາອາຊຽນ ທີ່ ນະຄອນ ຫຼວງວຽງຈັນ; ການສະແດງສິລະປະທີ່ດີເດັ່ນ 2024: “ອາຊຽນເປັນເວທີໜຶ່ງດຽວ”; ໂຄງການແລກປ່ຽນຊາວຫນຸ່ມ ອາຊຽນ-ຍີ່ປຸ່ນ ກ່ຽວກັບຜະລິດຕະພັນ ທາງດ້ານສິນລະປະທີ່ມີຫົວຄິດປະດິດສ້າງ; ເທດສະການດົນຕີອາຊຽນ-ສ.ເກົາຫຼີ 2024; ໂຄງການແລກປ່ຽນນັກສຶກ ສາສິລະປະດົນຕີອາຊຽນ; ຈັດສໍາມະນາກ່ຽວກັບເຈ້ຍປໍສາ ເພື່ອເຮັດໃຫ້ອາຊຽນປາສະຈາກພາດສະຕິກ; ຈັດຂະບວນ ລົດໄຟເຜີຍແຜ່ມໍລະດົກວັດທະນະທຳຕາມແລວເສັ້ນທາງລົດໄຟ-ເພີ່ມທະວີການເຊື່ອມຈອດ ໃນທ່າມກາງຄວາມຫຼາກຫຼາຍທາງດ້ານວັດທະນະທຳ.
