ເກາະກູລັງຢູ ນະຄອນເຊ່ຍເໝິນ ແດນສະຫວັນຂອງນັກທ່ອງທ່ຽວ

ເກາະກູລັງຢູ ໃນນະຄອນເຊ່ຍເໝິນ ແຂວງຝູຈ້ຽນ ສປ ຈີນ ມີສະຖາປັດຕະກຳໃນຍຸກສະໄໝຕ່າງໆ ທີ່ແຕກຕ່າງກັນເກືອບ 1000 ອາຄານ ເຊິ່ງອົງການ ການສຶກສາ, ວິທະຍາສາດແລະ ວັດທະນະທຳແຫ່ງສະຫະປະຊາຊາດ ຫລື UNESCO ໄດ້ຂຶ້ນບັນຊີໃຫ້ເປັນມໍລະດົກໂລກ ໃນປີ 2017, ຫລັງຈາກນັ້ນ ທຸກໆປີ ໜ່ວຍງານທີ່ກ່ຽວຂອ້ງຂອງທອ້ງຖິ່ນຈະດຳເນີນການກວດສອບ ແລະ ປະເມີນການອະນຸລັກຮັກສາບູຮານສະຖານ ຕາມແນວທາງປະຕິບັດການຂອງສູນອະນຸລັກມໍລະດົກ ທາງວັດທະນະທຳສາກົນ. ຕາມການລາຍງານຂອງຜູ້ນຳທ່ຽວໃຫ້ຮູ້ວ່າ: ໃນປີ 2021 ເກາະກູລັງຢູ ໄດ້ສຳເລັດການບູລະນະ ແລະ ຕົກແຕ່ງພາຍໃນອາຄານບູຮານຫລາຍກວ່າ 230 ອາຄານ ເຊິ່ງໃນຈຳນວນນີ້ກໍ່ມີອາຄານທີ່ມີຄວາມສຳຄັນທາງມໍລະດົກວັດທະນະທຳຫລາຍແຫ່ງ ເຊັ່ນເຮືອນຂອງຕະກູນຫລຽວ ເຊິ່ງເປັນໜຶ່ງໃນອາຄານທີ່ເກົ່າແກ່ທີ່ສຸດເທິງເກາະແຫ່ງນີ້, ໂຮງລະຄອນຢຽນຜິງ,ໂຮງຮູບເງົາ ໃນຍຸກກອ່ນທົດສະຫວັດທີ່ 90 ພຽງແຫ່ງດຽວໃນທອ້ງຖິ່ນນີ້ ທີ່ສ້າງຂຶ້ນໂດຍຊາວຈີນພົ້ນທະເລ ຫລືຊາວຈີນຕ່າງດ້າວທີ່ອາໄສຢູ່ໃນປະເທດມຽນມາ. ໃນແຕ່ລະມື້ ມີນັກທອ່ງທ່ຽວທັງພາຍໃນ ແລະ ຕ່າງປະເທດມາທ່ຽວເກາະແຫ່ງນີ້ສະເລ່ຍ ມື້ລະ 35.000 ກວ່າຄົນ ເທົ່າກັບ 12 ລ້ານ ກວ່າຄົນ ຕໍ່ປີ ສາມາດສ້າງລາຍຮັບໃຫ້ປະຊາຊົນທອ້ງຖິ່ນໄດ້ຢ່າງຫລວງຫລາຍ. ຜູ້ນຳທ່ຽວເວົ້າໃຫ້ຮູ້ຕື່ມວ່າ ທ່ານໃດໄດ້ມີໂອກາດມານະຄອນເຊ່ຍເໝິນ ຖ້າບໍ່ມາທ່ຽວເກາະກູລັງຢູ ໝາຍຄວາມວ່າທ່ານມາບໍ່ຮອດນະຄອນເຊ່ຍເໝິນ ແຂວງຝູຈ້ຽນ.

ຂ່າວ: ເພັດສະໝອນ ພົງພະໂຍສິດ