ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ໂດຍ: ປອງໄຕ ຈະເລີນສຸກ
ຖືເປັນຄວາມໂຊກດີທີ່ສຸດຄັ້ງໜຶ່ງໃນຊີວິດ ທີ່ຜູ້ຂຽນໄດ້ມີໂອກາດໄປເຮັດວຽກແລະຢ້ຽມຢາມນະຄອນເຄີ້ຣາມາຢີ ຕັ້ງຢູ່ທິດຕາເວັນຕົກສຽງເໜືອຂອງເຂດປົກຄອງຕົນເອງອຸຍເກີຊິ່ນຈ່ຽງຈີນເມື່ອບໍ່ດົນມານີ້, ເຮັດໃຫ້ເກີດພາບປະ ທັບໃຈກັບມົນສະເໜ່ຫຼາຍຢ່າງທີ່ໄດ້ພົບເຫັນແລະຍາກຈະຫຼົງລືມໄດ້. ການເດີນທາງດ້ວຍເຮືອບິນຈາກນະຄອນຫຼວງປັກກິ່ງໄປນະຄອນເຄີ້ຣາມາຢີແມ່ນໃຊ້ເວລາຫຼາຍຊົ່ວໂມງສົມຄວນ. ໂດຍເຮືອບິນຂອງສາຍການບິນ China Southern Airlines ຖ້ຽວບິນ CZ 6912 ໄດ້ພາຜູ້ຂຽນບິນລັດຟ້າຈາກສະໜາມບິນສາກົນຕ້າຊິງຢູ່ນະຄອນ ຫຼວງປັກກິ່ງໃນເວລາ 14 ໂມງໄປຍັງນະຄອນອູຣູມກີ້ ໃຊ້ເວລາປະມານ 4 ຊົ່ວໂມງປາຍຈຶ່ງຮອດສະໜາມບິນຂອງນະຄອນອູຣູມກີ້, ຈາກນັ້ນຕ້ອງໄດ້ຕໍ່ເຮືອບິນຈາກນະຄອນອູຣູມກີ້ເດີນທາງໄປຍັງນະຄອນເຄີ້ຣາມາຢີໃຊ້ເວລາປະມານ 1 ຊົ່ວ ໂມງຈຶ່ງຮອດຈຸດໝາຍປາຍທາງ. ພໍແຕ່ຢວ່າງຂາລົງຈາກເຮືອບິນໄປຢຽບແຜ່ນດິນເຄີ້ຣາມາຢີກ້າວທຳອິດໃນເວລາ 20 ໂມງ 35 ນາທີ ສິ່ງທີ່ເຮັດໃຫ້ຜູ້ຂຽນຕື່ນເຕັ້ນແລະເກີດພາບປະທັບໃຈເປັນສິ່ງທຳອິດນັ້ນແມ່ນເລື່ອງຂອງເວລາ ເພາະວ່າຢູ່ນະຄອນແຫ່ງນີ້ເຖິງ ວ່າຈະຮອດເວລາ 20 ຫຼື 21 ໂມງແລ້ວແຕ່ຍັງບໍ່ທັນຄ່ຳ ຕາເວັນຍັງບໍ່ທັນຕົກດິນເທື່ອ, ຜ່ານຈາກການສອບຖາມຂໍ້ມູນເບື້ອງຕົ້ນນຳຄົນທ້ອງຖິ່ນຈຶ່ງຮູ້ວ່າ: ທຸກໆມື້ຕາເວັນຢູ່ເຄີ້ຣາມາຢີຈະຕົກດິນໃນເວລາ 22 ໂມງເຄິ່ງ ແລະ ຈະຂຶ້ນໃໝ່ໃນເວລາ 6 ໂມງເຄິ່ງ. ສະຫຼຸບແລ້ວຕອນກາງເວັນຢູ່ນະຄອນແຫ່ງນີ້ຈະແກ່ຍາວເຖິງ 16 ຊົ່ວໂມງຫຼາຍກວ່າຕອນກາງຄືນທີ່ມີພຽງແຕ່ 8 ຊົ່ວໂມງເທົ່ານັ້ນ. ສ່ວນອີກພາບໜຶ່ງທີ່ເຮັດໃຫ້ຜູ້ຂຽນມີຄວາມປະທັບໃຈແລະຮູ້ໄດ້ວ່າທ່າແຮງທາງດ້ານເສດຖະ ກິດຂອງນະຄອນແຫ່ງນີ້ແມ່ນຫຍັງ? ນັ້ນກໍຄືໄລຍະທີ່ຂີ່ລົດຈາກສະໜາມບິນເຂົ້າໄປຫາຕົວເມືອງເຄີ້ຣາມາຢີ ບໍ່ວ່າຢູ່ບ່ອນໃດ ພວກເຮົາຈະໄດ້ພົບເຫັນພາບ ເຄື່ອງຈັກຂຸດເຈາະນ້ຳມັນຂະໜາດນ້ອຍຈຳນວນຫຼວງຫຼາຍຕັ້ງຢັ່ງຢາຍຢູ່ພື້ນທີ່ຕ່າງໆຕາມສອງຟາກເສັ້ນທາງ, ສະນັ້ນຈຶ່ງເຮັດໃຫ້ນະຄອນເຄິ້ຣາມາຢິ, ໄດ້ຮັບສົມຍານາມວ່າ:ເປັນນະຄອນແຫ່ງນ້ຳມັນ ແລະ ພູນ້ຳມັນດຳ, ເປັນຖານການຜະລິດນ້ຳມັນເຊື້ອໄຟທີ່ສຳຄັນຂອງຈີນ, ເປັນນະຄອນອຸດສາຫະກຳໃໝ່ຂອງເຂດຊິ່ນຈ່ຽງ, ທັງເປັນສູນ ລວມຂອງອຸດສາຫະກຳຜະລິດນ້ຳມັນເຊື້ອໄຟຂອງໂລກ.
ຄໍາວ່າເຄິ້ຣາມາຢິມີຄວາມໝາຍວ່າ “ນໍ້າມັນສີດໍາ” ເປັນພາ ສາຂອງຊົນເຜົ່າອຸຍເກີ. ນະ ຄອນເຄິ້ຣາມາຢິໄດ້ຄົ້ນພົບບໍ່ນ້ຳມັນຂະໜາດໃຫຍ່ແຫ່ງທຳອິດພາຍຫຼັງການສ້າງຕັ້ງສາທາ ລະນະລັດປະຊາຊົນຈີນ ແລະ ໄດ້ສ້າງຕັ້ງນະຄອນຂຶ້ນໃນປີ 1958 ຖືເປັນນະຄອນທີ່ສ້າງຂຶ້ນຢູ່ເຂດທະລາຊາຍ. ໃນປີ 2002 ຜ່ານມາ, ປະລິມານການຜະລິດນ້ຳມັນດິບຂອງເຄິ້ຣາມາຢິແມ່ນໄດ້ຫຼາຍກວ່າ 10 ລ້ານໂຕນ, ກາຍເປັນບໍ່ນ້ຳມັນຂະໜາດໃຫຍ່ແຫ່ງທຳອິດຢູ່ພາກຕາເວັນຕົກຂອງຈີນທີ່ມີປະລິມານການຜະລິດຫຼາຍກວ່າ 10 ລ້ານໂຕນ.
ນອກຈາກມີບໍ່ນ້ຳມັນທີ່ເປັນທ່າແຮງຕົ້ນຕໍດ້ານເສດຖະ ກິດແລ້ວ, ນະຄອນເຄິ້ຣາມາຢິຍັງມີສະຖານທີ່ທ່ອງທ່ຽວທາງທຳມະຊາດແລະວັດທະນະທຳຫຼາຍແຫ່ງທີ່ນັກທ່ອງທ່ຽວໃຫ້ຄວາມສົນໃຈ, ໜຶ່ງໃນນັ້ນແມ່ນເມືອງແຫ່ງຜີສາດຕັ້ງຢູ່ເມືອງອຸເອິເຫິ, ມີເນື້ອທີ່ທັງໝົດ 260 ກິໂລຕາແມັດ, ເປັນແຫຼ່ງທ່ອງທ່ຽວລະດັບ 5A ຂອງຈີນ. ເວລາມີກະແສລົມ ແຮງພັດຜ່ານສະຖານທີ່ທ່ອງທ່ຽວທີ່ທຳມະ ຊາດສ້າງຂຶ້ນແຫ່ງນີ້ຈະເກີດມີສຽງດັງແປກໆຄ້າຍຄືສຽງຜີສາດຮ້ອງ, ສະນັ້ນຈຶ່ງໄດ້ຊື່ວ່າ:ເມືອງແຫ່ງຜີສາດ. ເວລາທ່ານເຂົ້າໄປໃນເມືອງແຫ່ງຜີສາດແລ້ວຈະໄດ້ເຫັນວິວທິວ ທັດທຳມະຊາດ “ທໍລະນີສາດຢາຕັ່ງ” ຫຼື Yardang Landform ເຊິ່ງເປັນທໍລະນີສາດທີ່ເກີດຈາກໂນນດິນຖືກກະແສລົມພັດຜ່ານ ແລະ ນໍ້າເຊາະເຈື່ອນເປັນເວລາດົນນານ ແລ້ວກາຍເປັນຮູບຕ່າງໆທີ່ແປກປະຫຼາດຕາມຈິນຕະນາ ການຂອງນັກທ່ອງທ່ຽວແຕ່ລະຄົນ ແລະ ກາຍເປັນ “ໜຶ່ງໃນ 50 ສະຖານທີ່ ທີ່ນັກທ່ອງທ່ຽວບໍ່ຄວນພາດເມື່ອໄປທ່ຽວຢູ່ປະເທດຈີນ”. ນອກຈາກເມືອງແຫ່ງຜີສາດແລ້ວ, ຍັງມີຮ່ອມເຫວຕຸຊານຈືຕັ້ງຢູ່ເມືອງຕຸຊານຈືເປັນສະຖານທີ່ທ່ອງທ່ຽວທາງທຳມະຊາດອີກແຫ່ງໜຶ່ງທີ່ໄດ້ຮັບຄວາມນິຍົມຫຼາຍ ຕັ້ງຢູ່ຫ່າງຈາກເທສະບານນະຄອນເຄີ້ຣາມາຢີປະມານ 28 ກິໂລແມັດ ເຊິ່ງມີເສັ້ນທາງໄປເຖິງຮ່ອມເຫວແຫ່ງນີ້ສະດວກສະບາຍຫຼາຍ. ເມື່ອມາທ່ຽວຮ່ອມເຫວຕຸຊານຈືທ່ານຈະໄດ້ສະຜັດກັບກິດຈະກໍາຫຼາຍຢ່າງ ເຊັ່ນ:ຍ່າງຂ້າມຂົວແກ້ວທ້າທາຍຄວາມສູງ, ຂີ່ສະລິ້ງ, ຍ່າງຜ່ານຂັ້ນໃດຫ່າງທ້າທາຍຄວາມກ້າ ແລະ ອີກຫຼາກຫຼາຍກິດຈະກໍາ ທີ່ເປັນທາງເລືອກໃຫ້ນັກທ່ອງທ່ຽວສາມາດເລືອກຫຼີ້ນໄດ້ຕາມໃຈມັກ. ສະຖານ ທີ່ທ່ອງທ່ຽວແບບນີ້ແມ່ນເໝາະສົມສຳຫລັບຜູ້ທີ່ມັກການທ່ອງທ່ຽວແບບພະຈົນໄພທ້າທ້າຍຄວາມກ້າ ເຊິ່ງຮ່ອມເຫວຕຸຊານຈືເປັນສະຖານທີ່ທ່ອງທ່ຽວທຳມະຊາດທີ່ມີຊື່ສຽງລະດັບ 4A ຂອງຈີນ. ນອກຈາກນີ້ຍັງມີແຫຼ່ງທ່ອງທ່ຽວອີກຫຼາຍແຫ່ງທີ່ສວຍງາມແລະມີມົນສະ ເໜ່ລໍຖ້າທ່ານໄປສຳຜັດຢູ່ນະຄອນແຫ່ງນີ້. ອີງຕາມສະຖິຕິປີ 2022 ຜ່ານມາ, ນະຄອນເຄິ້ຣາມາຢິມີແຫຼ່ງທ່ອງທ່ຽວລະ ດັບ A ເຖິງ 20 ແຫ່ງໃນນັ້ນລະດັບ 5 A ມີໜຶ່ງແຫ່ງ.
ຈາກການຂຸດຄົ້ນທ່າແຮງບົ່ມຊ້ອນທາງທຳມະຊາດມາຮັບໃຊ້ສັງຄົມເຮັດໃຫ້ການພັດທະນາເສດຖະກິດ-ສັງຄົມຂອງນະຄອນເຄີ້ຣາມາຢີມີບາດກ້າວຂະຫຍາຍຕົວຢ່າງຕໍ່ເນື່ອງ, ໜັ້ນທ່ຽງແລະມີຄວາມຍືນຍົງ, ຊີວິດການເປັນຢູ່ຂອງປະຊາຊົນບັນດາເຜົ່າໄດ້ຮັບການປັບປຸງແລະຍົກສູງຂຶ້ນຢ່າງຈະແຈ້ງ. ປີ 2011 ນະຄອນເຄິ້ຣາມາຢິໄດ້ຮັບນາມມະ ຍົດເປັນ “ນະຄອນສີວິໄລແຫ່ງຊາດ”. ປີ 2017 ນະຄອນເຄິ້ລາມາຢິຖືກຈັດເຂົ້າເປັນອັບດັບທີ 14 ຈາກການຈັດອັນດັບດັດຊະນີຄວາມອີ່ມໜໍາສໍາລານຮອບດ້ານຂອງນະຄອນຢູ່ຈີນ. ປັດຈຸບັນ ນະຄອນເຄິ້ຣາມາຢິປະກອບມີ 4 ເມືອງ, ມີເນື້ອທີ່ທັງໝົດ 7.733 ກິໂລຕາແມັດ, ມີພົນລະເມືອງ 487.000 ຄົນ, ໃນນັ້ນພົນລະເມືອງທີ່ອາໄສຢູ່ໃນຕົວເມືອງມີເຖິງ 482.000 ຄົນ. ສ່ວນລວມຍອດມູນຄ່າຜະລິດຕະ ພັນພາຍໃນ ຫຼື GDP ຂອງນະຄອນເຄິ້ລາມາຢິໃນປີ 2022 ຜ່ານມາແມ່ນບັນລຸເຖິງ 118,81 ຕື້ຢວນ.
ຈາກການພົບເຫັນຄວາມສວຍງາມຂອງສະຖານທີ່ຕ່າງໆໂດຍສະເພາະສະຖານທີ່ທ່ອງທ່ຽວບວກກັບກິລິຍາມາລະ ຍາດແລະຮອຍຍີ້ມຂອງຊາວເຄີຣາມາຢີທີ່ມອບໃຫ້ແກ່ຜູ້ຄົນກໍຄືນັກທ່ອງທ່ຽວທີ່ໄປຢ້ຽມຢາມນັ້ນ ລ້ວນແຕ່ເປັນປະສົບການທີ່ໄດ້ຮັບຈາກການຮຽນຮູ້ສິ່ງຕ່າງໆຢູ່ອ້ອມຂ້າງແລະກາຍເປັນຄວາມຄວາມຊົງຈຳທີ່ດີ ພ້ອມທັງເຮັດໃຫ້ເກີດພາບປະທັບໃຈຫຼາຍຢ່າງທີ່ສຳຜັດໄດ້ຢູ່ນະຄອນແຫ່ງນີ້. ຫັວງວ່າຜູ້ຂຽນຄົງຈະມີໂອກາດໄດ້ຫວນ ກັບຄືນມາສຳ ຜັດກັບມົນສະເໜ່ແຫ່ງຄວາມສວຍງາມຂອງທຳມະຊາດ ແລະ ວິຖີການດຳລົງຊີວິດແບບລຽບງ່າຍຂອງຜູ້ຄົນຢູ່ນະ ຄອນແຫ່ງນີ້ ທີ່ມີຄວາມສາມັກຄີຮັກແພງຊ່ວຍເຫຼືອເຊິ່ງກັນແລະກັນຄືຄົນໃນຄອບຄົວດຽວກັນ ແລະ ເຕັມໄປດ້ວຍຄວາມມີຊີວິດຊີວາຈາກສີສັນທາງວັດທະນະທຳທີ່ຫຼາກຫຼາຍຢູ່ນະຄອນເຄີຣາມາຢີ ທີ່ຕື່ນຈາກຫຼັບໄຫຼແຫ່ງນີ້ອີກ ໃນອະນາຄົດ.

May be an image of oil refinery

May be an image of 1 person and text


Fatal error: Uncaught ErrorException: md5_file(/home/lnrorg/public_html/wp-content/litespeed/css/98fbaef4ac190f294e4c92dfd9bccf9b.css.tmp): Failed to open stream: No such file or directory in /home/lnrorg/public_html/wp-content/plugins/litespeed-cache/src/optimizer.cls.php:130 Stack trace: #0 [internal function]: litespeed_exception_handler(2, 'md5_file(/home/...', '/home/lnrorg/pu...', 130) #1 /home/lnrorg/public_html/wp-content/plugins/litespeed-cache/src/optimizer.cls.php(130): md5_file('/home/lnrorg/pu...') #2 /home/lnrorg/public_html/wp-content/plugins/litespeed-cache/src/optimize.cls.php(837): LiteSpeed\Optimizer->serve('https://lnr.org...', 'css', true, Array) #3 /home/lnrorg/public_html/wp-content/plugins/litespeed-cache/src/optimize.cls.php(330): LiteSpeed\Optimize->_build_hash_url(Array) #4 /home/lnrorg/public_html/wp-content/plugins/litespeed-cache/src/optimize.cls.php(264): LiteSpeed\Optimize->_optimize() #5 /home/lnrorg/public_html/wp-includes/class-wp-hook.php(324): LiteSpeed\Optimize->finalize('<!DOCTYPE html>...') #6 /home/lnrorg/public_html/wp-includes/plugin.php(205): WP_Hook->apply_filters('<!DOCTYPE html>...', Array) #7 /home/lnrorg/public_html/wp-content/plugins/litespeed-cache/src/core.cls.php(477): apply_filters('litespeed_buffe...', '<!DOCTYPE html>...') #8 [internal function]: LiteSpeed\Core->send_headers_force('<!DOCTYPE html>...', 9) #9 /home/lnrorg/public_html/wp-includes/functions.php(5373): ob_end_flush() #10 /home/lnrorg/public_html/wp-includes/class-wp-hook.php(324): wp_ob_end_flush_all('') #11 /home/lnrorg/public_html/wp-includes/class-wp-hook.php(348): WP_Hook->apply_filters(NULL, Array) #12 /home/lnrorg/public_html/wp-includes/plugin.php(517): WP_Hook->do_action(Array) #13 /home/lnrorg/public_html/wp-includes/load.php(1260): do_action('shutdown') #14 [internal function]: shutdown_action_hook() #15 {main} thrown in /home/lnrorg/public_html/wp-content/plugins/litespeed-cache/src/optimizer.cls.php on line 130