ເຈົ້າພາບ ມະຫາວິທະຍາໄລແຫ່ງຊາດ ຫຼື ມຊ ຍາດໄດ້ 3 ຫຼຽນຄຳ, 1 ຫຼຽນເງິນ ແລະ 1 ຫຼຽນທອງ ຄອງເຈົ້າຫຼຽນຄຳ ການແຂ່ງຂັນກິລາກະຕໍ້ ງານມະຫະກຳກິລາມະຫາວິທະຍາໄລລາວ ຄັ້ງທີ 2, ສ່ວນຮອງເຈົ້າຫຼຽນຄຳ ເປັນຂອງທີມນັກສຶກສາ ວິທະຍາຄານກອງທັບ (ວຄທ) ຍາດໄດ້ 2 ຫຼຽນຄຳ ແລະ 1 ຫຼຽນເງິນ ຈາກ 6 ພາກສ່ວນເຂົ້າຮ່ວມ.
ສໍາລັບການແຂ່ງຂັນກິລາກະຕໍ້ ຊຶ່ງໄດ້ດຳເນີນການແຂ່ງຂັນລະຫວ່າງວັນທີ 3-9 ພຶດສະພາ 2024 ມີການຊີງໄຊ 5 ຫຼຽນຄໍາ ຈາກລາຍການທີມດ່ຽວຍິງ-ຊາຍ, ຄູ່ຍິງ-ຊາຍ ແລະ ທີມຊຸດຄູ່ຊາຍ ການແຂ່ງຂັນ ໃນວັນທີ 9 ພຶດສະພາ ຜ່ານມາ ມື້ສຸດທ້າຍນີ້ ມີການຊີງ 2 ຫຼຽນຄໍາ ຄູ່ຍິງ-ຄູ່ຊາຍ.
ປະເພດຄູ່ຍິງ ມີ 3 ພາກສ່ວນເຂົ້າຮ່ວມຄື: ມະຫາວິທະຍາໄລແຫ່ງຊາດ ຫຼື ມຊ ເຈົ້າ ພາບ, ສະຖາບັນກິລາ-ກາຍະກໍາ (ສບກ) ແລະ ສະຖາບັນການທະນາຄານ, ຄູ່ຊີງຫຼຽນຄຳ ມຊ ເຈົ້າພາບ ຊະນະ ສບກ 2-1 ເຊັດ ກໍຄື 17-15, 11-15, 15-12 ສົ່ງຜົນໃຫ້ ມຊ ໄດ້ຫຼຽນຄໍາ ຄ້ອງຄຳ ສ່ວນ ສບກ ໄດ້ຫຼຽນເງິນ ແລະ ຫຼຽນທອງ ເປັນຂອງສະຖາບັນການທະນາຄານ.
ປະເພດຄູ່ຊາຍ ມີ 6 ພາກສ່ວນເຂົ້າຮ່ວມ ກຸ່ມ A ປະກອບມີ: ວິທະຍາຄານສັນຕິບານປະຊາຊົນ ຫຼື ວສປ, ວຄທ, ສະຖາບັນຍຸຕິທໍາແຫ່ງຊາດ (ສຍຊ) ແລະ ກຸ່ມ B ມີ ມຊ, ມະຫາວິທະຍາໄລສະຫວັນນະເຂດ (ມຂ ແລະ ສບກ ຄູ່ຊີງຫຼຽນຄຳ ວຄທ ສາມາດເອົາຊະນະ ສຍຊ 2-0 ເຊັດ ດ້ວຍຄະແນນ 15-10, 15-12 ຄະແນນ ໄດ້ຫຼຽນຄໍາ ສ່ວນ ສຍຊ ໄດ້ຫຼຽນເງິນ ແລະ ຫຼຽນທອງຮ່ວມ ສບກ ແລະ ມຊ.
ຜົນການແຂ່ງຂັນປະເພດທີມດ່ຽວຍິງ ຫຼຽນຄໍາ ເປັນຂອງ ມຊ ເຈົ້າພາບ, ຫຼຽນເງິນ ສະຖາບັນກິລາ-ກາຍະກໍາ, ຫຼຽນທອງ ສະຖາບັນການທະນາຄານ; ທີມດ່ຽວຊາຍ ຫຼຽນຄໍາ ມຊ ເຈົ້າພາບ, ຫຼຽນເງິນ ວິທະຍາຄານກອງທັບ, ຫຼຽນທອງຮ່ວມ ສະຖາບັນກິລາ-ກາຍະກໍາ ແລະ ສະຖາບັນຍຸຕິທໍາແຫ່ງຊາດ; ສ່ວນທີມຊຸດຄູ່ຊາຍ ຫຼຽນຄໍາ ວິທະຍາຄານກອງທັບ, ຫຼຽນເງິນ ມຊ ເຈົ້າພາບ, ຫຼຽນທອງຮ່ວມ ມະຫາວິທະຍາໄລສະຫວັນນະເຂດ ແລະ ສະຖາບັນຍຸຕິທໍາແຫ່ງຊາດ.
ສະຫຼຸບອັນດັບຫຼຽນກິລາກະຕໍ້ ທີ 1 ມຊ ເຈົ້າພາບ ຍາດໄດ້ 3 ຫຼຽນຄໍາ, 1 ຫຼຽນເງິນ, 1 ຫຼຽນທອງ, ທີ 2 ວິທະຍາຄານກອງທັບ ຍາດໄດ້ 2 ຫຼຽນຄໍາ, 1 ຫຼຽນເງິນ, ທີ 3 ສະຖາບັນກິລາ-ກາຍະກໍາ ຍາດໄດ້ 2 ຫຼຽນເງິນ, 2 ຫຼຽນທອງ, ທີ 4 ສະຖາບັນຍຸຕິທໍາແຫ່ງຊາດ ຍາດໄດ້ 2 ຫຼຽນເງິນ, 1 ຫຼຽນທອງ, ທີ 5 ສະຖາບັນການທະນາຄານ ຍາດໄດ້ 2 ຫຼຽນທອງ ແລະ ທີ 6 ມະຫາວິທະຍາໄລສະຫວັນນະເຂດ ຍາດໄດ້ 1 ຫຼຽນທອງ.
(ສູນຂ່າວ ກມລ2)
