ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ເຈົ້າເມືອງໆປາກລາຍລົງພົບປະ ແລະ ຊຸກຢູ້ວຽກງານຮອບດ້ານຢູ່ກຸ່ມບ້ານພັດທະນາບ້ານມວ່ງ

ວັນທີ13ທັນວາ2019ນີ້ ທ່ານ ສົມຈິດ ຈັນທະວົງ ກໍາມະການພັກແຂວງເລຂາພັກເມືອງເຈົ້າເມືອງປາກລາຍ ພ້ອມດວ້ຍຂະແໜງການຂອງເມືອງ ໄດ້ລົງພົບປະ ແລະ ຊຸກຍູ້ວຽກງານຮອບດ້ານ4ບ້ານໃນເຂດພັດທະນາບ້ານມວ່ງ ເຊິ່ງຈັດຂື້ນທີ່ຫໍປະຊຸມບ້ານໜ່ວງເໜືອ ເມືອງປາກລາຍ ແຂວງໄຊຍະບູລີ ມີຄະນະຊີ້ນໍາເຂດດັ່ງກ່າວ ອໍານາດການປົກຄອງບ້ານ ແລະ ພໍ່ແມ່ປະຊາຊົນເຂົ້າຮ່ວມ. ໃນໂອກາດດັ່ງກ່າວທ່ານ ວານິດສາ ສຸນາເຄນ ກໍາມະການພັກເມືອງ ຫົວໜ້າຫ້ອງການອຸດສາຫະກໍາ ແລະ ການຄ້າເມືອງ ທັງເປັນຄະນະຊີ້ນໍາເຂດພັດບ້ານມວ່ງ ກໍ່ໄດ້ລາຍງານສະພາບການຈັດຕັ້ງປະຕິບັດວຽກງານຮອບດ້ານຂອງບ້ານ ເຊິ່ງເຂດພັດທະນາບ້ານມ່ວງປະກອບມີ4ບ້ານທີ່ຂື້ນກັບ ປະກອບມີ933ຄອບຄົວ ມີຈໍານວນພົນ5.448ຄົນ,ຍິງ2.745ຄົນ ອາຊີບສວ່ນໃຫຍ່ຂອງປະຊາຊົນແມ່ນປູກຝັງ ແລະ ລຽ້ງສັດ ໃນໄລຍະຜ່ານມາອໍານາດການປົກຄອງບ້ານ ແລະ ພໍ່ແມ່ປະຊາຊົນບັນດາເຜົ່າ ໄດ້ຕັ້ງໜ້າປະຕິບັດຕໍ່ແນວທາງນະໂຍບາຍຂອງພັກ-ລັດ ໂດຍນໍາເອົາມະຕິຄໍາສັ່ງຕ່າງໆຂອງພັກ-ລັດແຕ່ລະຂັ້ນ ມາຈັດຕັ້ງຜັນຂະຫຍາຍຢ່າງກວ້າງຂວາງ ເຮັດໃຫ້ບ້ານໃນເຂດດັ່ງກ່າວມີສະຖຽນລະພາບທາງດ້ານການເມືອງມີຄວາມໜັກແໜ້ນ ສັງຄົມມີຄວາມສະຫງົບ ມີຄວາມເປັນລະບຽບຮຽບຮ້ອຍ ພື້ນຖານໂຄງລ່າງເສດຖະກິດ-ສັງຄົມ ໄດ້ມີການຂະຫຍາຍຕົວຢ່າງຕໍ່ເນື່ອງ ເຊິ່ງສະແດງອອກລວມຍອດລາຍຮັບຂອງບ້ານພາຍໃນເຂດເທົ່າກັບ63,959ຕື້ກີບ ສະເລ່ຍໃສ່ຫົວຄົນໜື່ງເທົ່າກັບ11,74ລ້ານກີບຫຼືເທົ່າກັບ1.465ໂດລາຕໍ່ຄົນຕໍ່ປີ ຈາກນັ້ນຕາງໜ້າອໍານາດການປົກຄອງບ້ານ ກໍໄດ້ຜັນປຽ່ນກັນຂື້ນລາຍງານສະພາບການຈັດຕັ້ງປະຕິບັດຂອງບ້ານ ແລະ ຄໍາສະເໜີດ້ານຕ່າງໆຕໍ່ຂະແໜງທີ່ກຽ່ວຂ້ອງຂອງເມືອງ ເພື່ອຫາວິທີການແກ້ໄຂຮ່ວມກັນໃຫ້ບັນລຸຕາມຄາດໝາຍທີ່ວາງໄວ້. ໂອກາດດັ່ງກ່າວທ່ານ ສົມຈິດ ຈັນທະວົງ ເຈົ້າເມືອງປາກລາຍ ກໍ່ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານດ້ານຕ່າງໆທີ່ອໍານາດການປົກຄອງແຕ່ລະບ້ານທີ່ໄດ້ພ້ອມກັນພັດທະນາບ້ານຂອງຕົນໃນໄລຍະຜ່ານມາເຫັນວ່າມີຜົນສໍາເລັດຫຼາຍດ້ານ ແລະ ເໜັ້ນໜັກໃຫ້ເອົາໃຈໃສສືບຕໍ່ແກ້ໄຂບັນຫາປະກົດການຫຍໍ້ທໍ້ດ້ານຕ່າງໆໃຫ້ຫຼຸດໜ້ອຍຖອຍລົງເທື່ອລະກ້າວ ເພື່ອພ້ອມກັນພັດທະນາພື້ນຖານໂຄງລ່າງ ແລະ ພັດທະນາເສດຖະກິດ-ສັງຄົມຂອງບ້ານຕົນໃຫ້ກ້າວຂື້ນຢ່າງບໍ່ຢຸດຍັ້ງ ແລະ ພ້້ອມກັນຫ້າງຫາກະກຽມຂະບວນການວຽກງານຮອບດ້ານເພື່ອຄໍານັບຮັບຕ້ອນ ກອງປະຊຸມໃຫ່ຍຄັ້ງທີ VIII ຂອງອົງຄະນະພັກເມືອງປາກລາຍທີ່ຈະໄຂຂື້ນໃນຕໍ່ໜ້ານີ້ໃຫ້ເປັນຂະບວນການຢ່າງຟົດຟື້ນ.