ໃນວັນທີ 24 ພະຈິກ 2021 ນີ້ທ່ານ ເສີດ ແສງສຸລິນ ເຈົ້າເມືອງໆພຽງ ແຂວງໄຊຍະບູລີໄດ້ລົງຕິດຕາມ, ຊຸກຍູ້ການກໍ່ສ້າງເສັ້ນທາງຊອຍເບຕົງບ້ານແສງຈະເລີນ ໂດຍມີບັນການນຳຂອງເມືອງ, ຄະນະຮັບຜິດ ຊອບ, ພະນັກງານຈາກຫ້ອງການໂຍທາທິການ ແລະ ຂົນສົ່ງເມືອງພ້ອມດ້ວຍຄະນະພັກອົງການປົກຄອງບ້ານ ແລະ ປະຊາຊົນບັນດາເຜົ່າພາຍໃນບ້ານດັ່ງກ່າວເຂົ້າຮ່ວມ. ເຊິ່ງການກໍ່ສ້າງເສັ້ນທາງຊອຍເບຕົງບ້ານແສງຈະເລີນໄດ້ເລີມລົງມືກໍ່ສ້າງມາແຕ່ກາງເດືອນ ມີນາ 2021 ເປັນຕົ້ນມາ, ມາຮອດປັດຈຸບັນແມ່ນສຳເລັດແລ້ວ 50 ກວ່າສ່ວນຮ້ອຍເຊິ່ງເປັນເສັ້ນຊອຍເບຕົງທີ 2 ຂອງບ້ານລວມມູນຄ່າໃນການກໍ່ສ້າງທັງໝົດ 40 ກວ່າລ້ານກີບໂດຍໃຊ້ທຶນຂອງປະຊາຊົນພາຍໃນບ້ານ 50 ສ່ວນຮ້ອຍ, ທຶນສົມທົບຂອງເມືອງ 25 ສ່ວນ ແລະ ອີກ 25 ສ່ວນຮ້ອຍແມ່ນໄດ້ລະດົມຈາກນັກທຸລະກິດຜູ້ປະກອບການພາຍໃນບ້ານເຊິ່ງມີຄວາມຍາວທັງໝົດ 140 ກວ່າແມັດ, ກວ້າງ 4,5 ແມັດ ສຳລັບແຮງງານໃນການກໍ່ສ້າງແມ່ນແຮງງານຂອງປະຊາຊົນພາຍໃນບ້ານ ແລະ ຄາດວ່າຈະໃຫ້ສຳເລັດໃນຕົ້ນເດືອນ ທັນວາ 2021 ນີ້ຮ້ອຍສ່ວນຮ້ອຍເພຶ່ອເຮັດໃຫ້ປະຊາຊົນພາຍໃນບ້ານມີຄວາມສະດວກສະບາຍໃນການສັນຈອນໄປມາກໍ່ຄືເຮັດໃຫ້ແຜນພັດທະນາພືນຖານໂຄງລ່າງຂອງບ້ານບັນລຸຕາມຄາດໝາຍທີ່ໄດ້ວາງໄວ້.
ພາບ-ຂ່າວ: ວົງສະຫວັນ ສຸທິໂວຫານ
Loading...