ໃນຕອນເຊົ້າຂອງວັນທີ 9 ພຶດສະພາ 2023 ຢູ່ທີ່ສະໂມສອນເມືອງບົວລະພາ ທ່ານ ວັນໄຊ ພອງສະຫວັນ ເຈົ້າແຂວງ ແຂວງຄຳມ່ວນ ພ້ອມດ້ວຍການນຳພາຍໃນແຂວງ ໄດ້ມອບສັງກະສີ 8 ຟຸດ ຈຳນວນ 35 ແຜ່ນ, ເຫລັກຕະປູ ຕອກສັງກະສີ 1 ກິໂລ, ເຫລັກຕະປູ ເບີ 12 ຈໍານວນ 20 ກິໂລ ລວມມູນຄ່າທັງໝົດ 2.975.000 ກີບ ໃຫ້ກັບໂຮງ ຮຽນບ້ານສະອາງ ເມືອງບົວລະພາ ເພື່ອນຳໄປສ້ອມແປງຄືນ ຫລັງຄາໂຮງຮຽນທີ່ເປ້ເພຈາກລົມພາຍຸພັດໃນໄລຍະຜ່ານມາ ເຊິ່ງໃນການມອບ ສັງກະສີໃນຄັ້ງນີ້ ມີ ນາຍບ້ານ ບ້ານສະອາງ ຕາງໜ້າໃຫ້ກັບໂຮງຮຽນບ້ານສະອາງ ພ້ອມດ້ວຍຄະນະກໍ່ສ້າງຮາກຖານການເມືອງ ກຸ່ມບ້ານດັ່ງກ່າວເປັນຜູ້ຮັບ ໂດຍມີບັນດາການນຳແຂວງຄຳມ່ວນ, ການນຳເມືອງບົວລະພາ ແລະ ຂະແໜງການທີ່ກ່ຽວຂ້ອງເຂົ້າຮ່ວມເປັນສັກຂີພະຍານຢ່າງພ້ອມພຽງ.
