ໃນວັນທີ 23 ກໍລະກົດ 2021 ທີ່ຫ້ອງວ່າການແຂວງຈໍາປາສັກ, ທ່ານ ວິໄລວົງ ບຸດດາຄຳ ເຈົ້າແຂວງຈຳປາສັກ ໄດ້ຕ້ອນຮັບ ທ່ານ ພຸດທະໄຊ ສີວິໄລ ຮອງຜູ້ວ່າການ ທະນາຄານແຫ່ງ ສປປ ລາວ, ພ້ອມຄະນະ ໃນໂອກາດມາເຄື່ອນໄຫວວຽກງານ ຢູ່ແຂວງຈຳປາສັກ.
ທ່ານ ພຸດທະໄຊ ສີວິໄລ ຮອງຜູ້ວ່າການ ທຫລ ໄດ້ກ່າວຈຸດປະສົງຂອງການມາເຄື່ອນໄຫວວຽກງານໃນເທື່ອນີ້ ໃຫ້ທ່ານເຈົ້າແຂວງຈຳປາສັກ ໄດ້ຮັບຊາບ, ພ້ອມນີ້ກໍ່ໄດ້ນຳພາ ບັນດາທະນາຄານທຸລະກິດ ທີ່ດຳເນີນທຸລະກິດ ຢູ່ແຂວງຈຳປາສັກ, ໂດຍສະເພາະ ແມ່ນ ທະນາຄານພັດທະນາລາວ ໄດ້ ມອບເງິນເພື່ອປະກອບສ່ວນເຂົ້າໃນວຽກງານປ້ອງກັນສະກັດກັ້ນ, ຄວບ ຄຸມ ແລະ ແກ້ໄຂ ການລະ ບາດຂອງພະຍາດCOVID-19 ຢູ່ ແຂວງຈໍາປາສັກ ຈໍານວນ 250.000.000 ກີບ ແລະ ໃຫ້ກຽດກ່າວຮັບໂດຍ ທ່ານ ທ່ານ ວິໄລວົງ ບຸດດາຄຳ ເຈົ້າແຂວງຈຳປາສັກ, ໂດຍມີ ທ່ານ ພຸດທະໄຊ ສີ ວິໄລ ຮອງຜູ້ວ່າການ ທະນາຄານແຫ່ງ ສປປ ລາວ, ພ້ອມດ້ວຍຄະນະ ເຂົ້າຮ່ວມເປັນສັກຂີພິຍານ.
ໂອກາດນີ້, ທ່ານ ວິໄລວົງ ບຸດດາຄຳ ເຈົ້າແຂວງຈຳປາສັກ ໄດ້ສະແດງການຕ້ອນຮັບ ທ່ານ ຮອງຜູ້ວ່າການ ທະນາຄານແຫ່ງ ສປປ ລາວ, ພ້ອມດ້ວຍຄະນະ ທີ່ມາເຄື່ອນໄຫວວຽກງານ ຢູ່ແຂວງຈຳປາສັກ ເທື່ອນີ້, ແລະ ສະແດງຄວາມຊົມເຊີຍ ທະນາຄານແຫ່ງ ສປປ ລາວ ທີ່ ຜ່ານມາ ໄດ້ມີການເຄື່ອນໄຫວ, ການຄຸ້ມຄອງ ແລະ ການຕິດຕາມ ກວດກາທະນາຄານທຸລະກິດ ໃຫ້ດຳເນີນຢ່າງມີປະສິດທິພາບ, ໝັ້ນຄົງ ແລະ ແນໃສ່ຮັບປະກັນໃຫ້ທະນາຄານທຸລະກິດ ມີຄວາມເຕີບໃຫຍ່ເຂັ້ມແຂງ ແລະ ສາມາດເຊື່ອມໂຍງກັບສາກົນ, ປະກອບສ່ວນເຂົ້າໃນການຮັກສາສະຖຽນລະພາບຂອງລະບົບສະຖາບັນການເງິນ-ເງິນຕາ ແລະ ການພັດທະນາ ເສດຖະກິດ-ສັງຄົມ ຢູ່ ແຂວງຈຳປາສັກ.
ພ້ອມກັນນັ້ນ, ກໍໄດ້ສະແດງຄວາມຂອບ ໃຈ ທ່ານຫົວໜ້າ ທະນາຄານພັດທະນາລາວ ທີ່ໄດ້ມອບເງິນໃຫ້ອົງການປົກຄອງແຂວງ ເພື່ອເປັນປະກອບສ່ວນເຂົ້າໃນວຽກງານປ້ອງກັນສະກັດກັ້ນ, ຄວບຄຸມ ແລະ ແກ້ໄຂ ການລະບາດຂອງພະ ຍາດ COVID-19 ຢູ່ ແຂວງຈໍາປາສັກ ຕື່ມອີກ.
ຂ່າວ-ຮູບ: ທັດຊະນະ
Loading...