ໃນຕອນເຊົ້າຂອງວັນທີ 14 ສິງຫາ 2022 ນີ້ ທ່ານ ພົງສະຫວັນ ສິດທະວົງ ກໍາມະການສູນກາງພັກ ເລຂາພັກແຂວງ ເຈົ້າແຂວງ ໄຊຍະບູລີ ພ້ອມດ້ວຍຄະນະໄດ້ລົງເຄື່ອນໄຫວ, ກວດກາຜົນກະທົບຈາກໄພພິບັດນໍ້າຖ້ວມຄັ້ງວັນທີ 11 – 12 ສິງຫາ 2022 ທີຜ່ານມາ. ໂດຍໃຫ້ກຽດການຕ້ອນຮັບຂອງທ່ານ ແພງຊ້ອຍ ແພງເມືອງ ກໍາມະການພັກແຂວງ ເລຂາຄະນະບໍລິຫານງານພັກເມືອງເຈົ້າເມືອງໆຄອບພ້ອມດ້ວຍຄະນະ.
ຈາກນັ້ນຄະນະທີມງານກໍ່ໄດ້ລົງກວດກາຢູ່ເຂດບ້ານຖ້ໍາຜາງອຍ. ພ້ອມດຽວກັນນີ້ທ່ານ ເຈົ້າແຂວງກໍ່ໄດ້ຮັບຟັ່ງການລາຍງານຫຍໍ້ຈາກພາກສ່ວນທີ່ກ່ຽວຂ້ອງ ຜົນກະທົບຈາກໄພພິບັດນໍ້າຖ້ວມໃນຄັ້ງນີ້ ໃນທົ່ວເມືອງປະກອບມີຈໍານວນ 8 ບ້ານ ແລະ ໄດ້ຮັບຜົນກະທົບເສຍຫາຍຈໍານວນ 254 ຄອບຄົວ, ສ່ວນຫຼາຍແມ່ນເນື້ອທີການຜະລິດກະສິກໍາ ໂດຍສະເພາະແມ່ນເນື້ອທີ່ນາຈໍານວນ 62,35 ເຮັກຕາ, ເນື້ອທີ ສວ່ນໝາກເດືອຍ 3, 40 ເຮັກຕາ, ສວນມັນຕົ້ນ 4,70 ເຮັກຕາ, ໄຮ່ເຂົ້າ 1,90 ເຮັກຕາ, ອື່ນໆ 0,26 ເຮັກຕາ.
ພ້ອມດຽວກັນນີ້ທ່ານເຈົ້າແຂວງຍັງໃຫ້ທິດຊີ້ນໍາ ຄະນະນໍາຂອງເມືອງ ແລະ ພາກສ່ວນທີຮັບຜິດຊອບຈົ່ງພ້ອມພາກັນປັບປຸງແກ້ໄຂຟື້ນຟູໃຫ້ປະຊາຊົນ ແລະ ຄອບຄົວທີຖືກຜົນກະທົບໃຫ້ຄືນສູ່ສະພາບປົກກະຕິ. ໃນໂອກາດດັ່ງກ່າວ ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີກໍ່ຍັງໄດ້ມອບເງີນສົດຈໍານວນ 30,000,000 ກີບ ເພື່ອເຂົ້າໃຊ້ໃນວຽກງານດັ່ງກ່າວຕາມຄວາມເໝາະສົມ ໂດຍໃຫ້ກຽດກ່າວຮັບຂອງທ່ານ ແພງຊ້ອຍ ແພງເມືອງ ເຈົ້າເມືອງໆຄອບ
ຂ່າວ : ທອງແກ້ວ ພອນມະລີ ,
Loading...