ກອງປະຊຸມສະຫຼຸບ ວຽກງານການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ປີ 2021-2022 ທົ່ວແຂວງຫຼວງພະບາງ ໄດ້ຈັດຂຶ້ນໃນທ້າຍເດືອນພະຈິກ 2022 ນີ້ ທີ່ສະໂມສອນໃຫຍ່ ເມືອງງອຍ ໂດຍເປັນປະທານຂອງ ທ່ານ ບຸນເລື່ອມ ມະນີວົງ ຮອງເຈົ້າແຂວງຫຼວງພະບາງ, ມີພາກສ່ວນກ່ຽວຂ້ອງຂອງແຂວງ, ເມືອງ ແລະນະຄອນຫຼວງພະບາງເຂົ້າຮ່ວມ. ວາລະກອງປະຊຸມກອງປະຊຸມໄດ້ມີການຜ່ານບົດສະຫຼຸບ ການຈັດຕັ້ງຜັນຂະຫຍາຍວາລະແຫ່ງຊາດ ວ່າດ້ວຍການແກ້ໄຂບັນ ຫາຢາເສບຕິດ ແຕ່ເດືອນ ກັນຍາປີ 2021 ຫາ ເດືອນຕຸລາປີ 2022 ແລະທິດທາງແຜນການ 6 ເດືອນ ຕົ້ນປີ 2023, ຜ່ານການຈັດຕັ້ງປະຕິບັດ ໜ້າທີ່ຂອງກໍາລັງວິຊາສະເພາະ ສາມາດມ້າງກຸ່ມແກ້ງເຄື່ອຄ່າຍຄ້າຂາຍຢາເສບຕິດລາຍໃຫຍ່, ລາຍກາງ ແລະລາຍຍ່ອຍໄດ້ ທັງຫມົດ 248 ລາຍ, ກັກຕົວຜູ້ຖືກຫາ 386 ຄົນ, ຍິງ 40 ຄົນ, ໃນນີ້ ມີຄົນຕ່າງປະເທດ 7 ຄົນ, ຢຶດຢາບ້າ 4.070.131 ເມັດ ຫຼື 407.013,1 ກຼາມ, ຢາບ້າເມັດສີຂຽວ 900 ກຼາມ, ເຮໂລອິນ 458,9 ກຼາມ, ຝຸ່ນສີຂາວຄ້າຍຄືເຮໂຣອີນ 385,4 ກິໂລກຼາມ, ຢາໄອສ໌ 1.384,1 ກຼາມ, ສີ່ງຄ້າຍຄືຢາ ໄອສ໌ 263,3 ກິໂລກຼາມ, ນໍ້າຕົ້ມໃບກະທ່ອມ 13 ຂວດ, ສີ່ງຄ້າຍຄືໂຄເຄນ 1.822,6 ກິໂລກຼາມ, ຢາອີ ເມັດສີຂຽວ, ເມັດສີສົ້ນ ແລະເມັດສີຟ້າ 85,7 ກຼາມ, ຢາຝິ່ນ 3.651,4 ກຼາມ, ຝຸ່ນສີເທົ່າຄ້າຍຄື ມອກຝິ່ນ 207 ກຼາມ, ຝຸ່ນສິສົ້ນ 200 ກຼາມ, ຝຸ່ນຢາບ້າສີແດງ 142,5 ກຼາມ, ຝຸ່ນສີໃບຕອງອ່ອນ 114,3 ກຼາມ; ລົດໃຫຍ່ 18 ຄັນ, ລົດຈັກ 72 ຄັນ; ໂທລະສັບມືຖື 300 ຫນ່ວຍ; ປືນກັກບີນ 02 ກະບອກ ພ້ອມແມັກ 02 ເມັກ ແລະ ລູກກະສູນ 40 ລູກ, ປືນເບີ 01 ກະບອກພ້ອມລູກກະສູນ 07 ລູກ, ປືນສັ້ນ 04 ກະບອກ, ລະເບີດ 01 ໜ່ວຍ ແລະອາຍັດເຮືອນ 03 ຫຼັງ, ທີ່ດິນ 06 ຕອນ, ໄດ້ສຶກສາອົບຮົມປ່ອຍຕົວພາກສ່ວນເສບຢາເສບຕິດ ແລ້ວມອບໃຫ້ຜູ້ປົກຄອງ ແລະອົງການປົກຄອງບ້ານທີ່ກ່ຽວຂ້ອງ ສືບຕໍ່ສຶກສາອົບຮົມ 05 ລາຍ, ຜູ້ຖືກຫາ 12 ຄົນ, ໄດ້ເກັບກຳ ແລະຂື້ນບັນຊີເປົ້າໝາຍຜູ້ເສບຢາເສບຕິດ ໃນທົ່ວແຂວງ 10.584 ຄົນ, ຍິງ 296 ຄົນ; ໃນນັ້ນ ມີຜູ້ເສບຢາບ້າ 10.160 ຄົນ, ຍິງ 212 ຄົນ, ຜູ້ເສບຝິ່ນ 424 ຄົນ, ຍິງ 84 ຄົນ ແລະໄດ້ທໍາລາຍສວນຝິ່ນທັງໝົດ 137,89 ເຮັກຕາ, ໄດ້ປະສານສົມກັບອົງການປົກຄອງເມືອງ, ກໍາລັງ ປກຊ-ປກສ ຂັ້ນເມືອງ, ອົງການປົກຄອງບ້ານ ແລະພາກສ່ວນກ່ຽວ ຂ້ອງ ສຳຫຼວດພື້ນທີ່ລັກລອບປູກຝິ່ນຄືນໃໝ່ ພົບເຫັນພື້ນທີ່ລັກລອບປູກຝິ່ນຢູ່ເມືອງໂພນທອງ ແລະເມືອງນໍ້າບາກ ກວມເອົາ 27 ບ້ານ, ຈຳນວນ 385 ຄອບຄົວ ມີ 20 ຕອນ ເນື້ອທີ່ 198,14 ເຮັກຕາ ໂດຍມອບໃຫ້ອົງການປົກຄອງທ້ອງຖິ່ນ, ກຳລັງ ປກຊ-ປກສ ເມືອງສືບຕໍ່ກວດກາຕິດຕາມ ແລະທໍາລາຍ ໄປພ້ອມກັນກໍ່ໄດ້ສຶກສາອົບຮົມກ່າວເຕືອນປະຊາຊົນບັນດາເຜົ່າ ທີ່ລັກລອບປູກຝິ່ນຢູ່ໃນບ້ານເປົ້າໝາຍ ບໍ່ໃຫ້ກັບຄືນມາປູກຝິ່ນອີກ.
ຂ່າວ: ຮອຍໂທ ເພັດ ບຸນແສງ ປກສ ເມືອງງອຍ
Loading...