ໃນວັນທີ 05 ສິງຫາ 2024 ທີ່ ໂຮງແຮມ ແກຣນ ວຽງຈັນ, ນະຄອນຫຼວງວຽງຈັນ ໄດ້ຈັດພິທີເຊັນບົດບັນທຶກຄວາມເຂົ້າໃຈລະຫວ່າງ ກະຊວງຍຸຕິທຳ ແລະ ອົງການມິດ ຕະພາບເມັນໂນນາຍ ປະຈຳ ສປປ ລາວ ພາຍໃຕ້ “ໂຄງການສ້າງຄວາມເຂັ້ມແຂງໃຫ້ແກ່ວຽກງານແກ້ໄຂຂໍ້ຂັດແຍ່ງຂັ້ນບ້ານ” ໂດຍການເປັນປະທານຮ່ວມຂອງທ່ານ ເກດສະໜາ ພົມມະຈັນ, ຮອງລັດຖະມົນຕີ ກະຊວງຍຸຕິທຳ ແລະ ທ່ານ ນາງ ແຄວລີ ເຊັງຄຸນສ (Kelly shenk Koontz), ຜູ້ຕາງ ໜ້າອົງການມິດຕະພາບເມັນໂນນາຍ ປະຈຳ ສປປ ລາວ, ມີບັນດາກົມທີ່ກ່ຽວຂ້ອງຂອງກະຊວງຍຸຕິທຳ, ຫ້ອງວ່າການປົກຄອງແຂວງ, ພະແນກການຕ່າງປະເທດ, ພະແນກຍຸຕິທຳແຂວງຫົວພັນ ແລະ ຄະນະຮັບ ຜິດຊອບ ເຂົ້າຮ່ວມ.
ພິທີເຊັນບົດບັນທຶກຄວາມເຂົ້າໃຈສະບັບນີ້ຕາງໜ້າເຊັນໂດຍ ທ່ານ ຄຳພອນ ສີປະເສີດ, ຫົວໜ້າກົມຮ່ວມມືສາກົນ ແລະ ທ່ານ ນາງ ແຄວລີ ເຊັງຄຸນສ (Kelly shenk Koontz), ຜູ້ຕາງໜ້າອົງການມິດຕະພາບເມັນໂນນາຍ ປະຈຳ ສປປ ລາວ ເປັນການຕົກລົງການຮ່ວມມື ເພື່ອເພີ່ມຂີດຄວາມຮູ້, ຄວາມສາມາດ ໃຫ້ແກ່ປະຊາ ຊົນ ແລະ ໜ່ວຍໄກ່ເກ່ຍຂໍ້ຂັດແຍ່ງຂັ້ນບ້ານ ກ່ຽວກັບກົດໝາຍ, ສາມາດນຳໃຊ້ປົກປ້ອງສິດ ແລະ ຜົນປະໂຫຍດຂອງປະຊາຊົນເອງ.
ໃນຕອນທ້າຍພິທີ ທ່ານ ເກດສະໜາ ພົມມະຈັນ, ຮອງລັດຖະມົນຕີ ກະຊວງຍຸຕິທໍາ ມີຄຳເຫັນຊີ້ນຳ ໃຫ້ຄະນະທີ່ຮັບຜິດຊອບໂຄງການດັ່ງກ່າວ ຈົ່ງພ້ອມໃຈກັນຈັດຕັ້ງປະຕິບັດໂຄງການຕາມແຜນການທີ່ວາງໄວ້ໃຫ້ສຳເລັດ ແລະ ໃຫ້ໄດ້ຮັບປະສິດທິພາບ ແລະ ປະສິດທິຜົນ.
ໂຄງການດັ່ງກ່າວໄດ້ຮັບການສະໜັບສະໜູນ ໂດຍກອງທຶນພັດທະນາສັງຄົມ ປະ ເທດຍີ່ປຸ່ນ (JSDF) ຜ່ານທະນາຄານໂລກ ແລະ ອົງການເພື່ອການພັດທະນາ ແລະ ການຮ່ວມມື ປະເທດສະວິດ (SDC) ອົງການ MCC ແລະ ອົງການເຂົ້າຈີ່ໂລກ.
ຂ່າວຈາກ: ກົມຮ່ວມມືສາກົນ
