ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ເຊັນບົດບັນທຶກ ຂໍ້ຕົກລົງສົ່ງເສີມການຮ່ວມມື ລະຫວ່າງ ສະຖາບັນການຕ່າງປະເທດ ຂອງລາວ ແລະ ມູນນິທິອາຊີ ປະຈໍາ ສປປ ລາວ

ໃນວັນທີ 17 ມິຖຸນາ 2020, ທີ່ ສູນການຮ່ວມມືສາກົນ ແລະ ຝຶກອົບຮົມ ICTC ໄດ້ມີພິທີເຊັນບົດບັນທຶກຂໍ້ຕົກລົງ Memorandum of Agreement (MoA) ຮ່ວມກັນ ລະຫວ່າງ ສະຖາບັນການຕ່າງປະເທດ ແລະ ມູນນິທິອາຊີ ປະຈໍາ ສປປ ລາວ. ໃຫ້ກຽດເຂົ້າຮ່ວມເປັນສັກຂີພິຍານ ໂດຍ ຄະນະກົມ, ຄະນະພະແນກ ຈາກສະຖາບັນການຕ່າງປະເທດ ຜູ້ຕ່າງໜ້າຈາກກົມອົງການຈັດຕັ້ງສາກົນ ກະຊວງການຕ່າງປະເທດ ຕະຫລອດຮອດພະນັກງານຈາກ ມູນນິທິ ອາຊີ ປະຈຳ ສປປ ລາວ ກໍ່ເຂົ້າຮ່ວມຢ່າງພ້ອມພຽງ. ພິທີລົງນາມຕາງໜ້າ ຝ່າຍລາວ ທ່ານ ໄມ ໄຊຍະວົງສ໌, ຫົວໜ້າສະຖາບັນການຕ່າງປະເທດ ແລະ ຝ່າຍ ມູນນິທິອາຊີ ທ່ານ Todd Wassel, ຜູ້ຕາງໜ້າມູນນິທິອາຊີ ປະຈໍາ ສປປ ລາວ.

ການເຊັນບົດບັນທຶກຂໍ້ຕົກລົງຄັ້ງນີ້ ຈະເປັນເອກະສານສຳຄັນ ແລະ ເປັນສິ່ງຢັ້ງຢືນການສົ່ງເສີມການຮ່ວມມື ລະຫວ່າງ ສະຖາບັນການຕ່າງປະເທດ, ກະຊວງການຕ່າງປະເທດ ແລະ ມູນນິທິອາຊີ ປະຈໍາ ສປປ ລາວ ໂດຍສະພາະ ມູນນິທິອາຊີ ຈະໃຫ້ການສະໜັບສະໜູນທຶນ ຈຳນວນ 68,315 ໂດລາສະຫະລັດ ໃຫ້ກັບ ສະຖາບັນການຕ່າງປະເທດ ໃນການຈັດຕັ້ງປະຕິບັດວຽກງານຕ່າງໆຕາມພາລະບົດບາດ ເປັນຕົ້ນ: ສະໜັບສະໜູນການຈັດ ຊຸດຝຶກອົບຮົມວຽກງານການທູດ ແລະ ການຕ່າງປະເທດ, ສະໜອງປື້ມ ແລະ ອຸປະກອນຕ່າງໆ, ສະໜັບສະໜູນການເດີນທາງໄປເຂົ້າຮ່ວມກອງປະຊຸມທັງພາຍໃນ ແລະ ພາກພື້ນ ໃນຫົວຂໍ້ຕ່າງໆທີ່ກ່ຽວຂ້ອງກັບຍຸດທະສາດ, ຊຶ່ງບົດບັນທຶກຂໍ້ຕົກລົງດັ່ງກ່າວ ແມ່ນມີກຳນົດໄລຍະໃນການຈັດຕັ້ງປະຕິບັດ 3 ປີ, ແຕ່ປີ 2020-2022.

 

ຂ່າວ;ພາບ: ກົມຂ່າວກະຊວງການຕ່າງປະເທດ