ວັນທີ 12 ມີນາ 2024 ນີ້. ໄດ້ຈັດພິທີເຊັນສັນຍາສົ່ງເສີມປະ ຊາຊົນປູກມັນຕົ້ນ ເປັນສິນຄ້າຢູເມືອງວຽງພູຄາ ລະຫວ່າງ ອົງ ການປົກຄອງເມືອງວຽງພູຄາ ຕາງໜ້າເຊັນໂດຍ ທ່ານ ສິງທອງ ຕັນສາລິຄຸນ ຫົວໜ້າຫ້ອງການແຜນການ ແລະ ການລົງທຶນເມືອງ ແລະ ທ່ານ ກົງຊື່ດົງ ປະທານບໍລິສັດ ລາວຈຸເບົາແຢນປຸງ ແຕ່ງທາດແປ້ງ ຈໍາກັດຜູ້ດຽວ.
ທ່ານ ທອງວັນ ອໍລະດົມ ຮອງຫົວໜ້າຫ້ອງການແຜນການ ແລະ ການລົງທຶນ ໄດ້ໃຫ້ຮູ້ວ່າ: ບໍລິສັດລາວຈຸເບົາແຢນ ປຸງແຕ່ງທາດແປ້ງ ຈໍາກັດຜູ້ດຽວ ຕັ້ງຢູ່ບ້ານໂຮມ ເມືອງລອງ ແຂວງຫລວງນໍ້າທາ ເປັນຜູ້ລົງທຶນໂດຍກົງທັງໝົດ 100% ລວມມູນ ຄ່າແນວພັນ, ພັນທະອາກອນຕ່າງໆ ແລະ ຄ່າບໍລິຫານວິຊາການ ລວມມູນຄ່າການລົງທຶນທັງໝົດ 5,3 ຕື້ກວ່າກີບ ໂດຍຈະລົງຊຸກຍູ້ຕິດຕາມ, ສົ່ງເສີມປູກມັນຕົ້ນຢູ່ບັນດາບ້ານ ພາຍໃນເມືອງວຽງພູຄາ ເຊິ່ງຮູບແບບການລົງທຶນ ແມ່ນ 2+3 (ປະຊາຊົນ: ທີ່ດິນ, ແຮງງານ. ສ່ວນບໍລິສັດ: ທຶນ, ແນວພັນ-ຝຸ່ນປຸຍ ເຕັກ ນິກ, ການຕະຫລາດ).
ສໍາລັບແນວພັນທາງບໍລິສັດໃຫ້ປູກລ້າ ໂດຍບໍ່ເກັບຄ່າແນວພັນຄືນ. ສ່ວນປຸຍ ຫລື ຢາປາບສັດຕູພືດບາງຊະນິດ ທີ່ປະຊາ ຊົນປູກຕ້ອງການນໍາໃຊ້ ທາງບໍລິສັດຈະສະໜອງໃຫ້ກ່ອນ ພາຍ ຫລັງໄດ້ຂາຍຜົນຜະລິດແລ້ວ ບໍລິສັດຈະເກັບຕົ້ນທຶນຕາມລາຄ່າທີ່ຊື້ກ່ອນ.
ສ່ວນການເກັບຊື້ ແມ່ນຈະເກັບຊື້ມັນຕົ້ນດິບ ຂຸດອອກມາແລ້ວຂາຍ ໂດຍບໍ່ຕ້ອງລ້າງນໍ້າ, ການເກັບຊື້ແມ່ນຢູ່ສາງຂອງບໍລິ ສັດ ຢູ່ເມືອງວຽງພູຄາ ລາຄາຄໍ້າປະກັນຕໍ່າສຸດບໍ່ໃຫ້ຫລຸດ 1.100 ກີບຕໍ່ກິໂລ ໂດຍບໍແຍກເກດ, ແຕ່ການເກັບຊື້ຕົວຈິງໃນແຕ່ລະປີ ບໍລິສັດຈະເກັບຊື້ຕາມທ້ອງຕະຫລາດ ພາຍໃນປະເທດລາວ ຫລື ໄປສົ່ງຮອດໂຮງງານປຸງແຕ່ງຂອງບໍລິສັດ ຢູ່ເມືອງລອງ ໃນລາຄາ 1.600 ກີບ ຕໍ່ກິໂລ.
Cr: ຄໍາປິງ
