ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ເມື່ອບໍ່ດົນມານີ້, ກົມປ່າໄມ້, ກະຊວງກະສິກຳ ແລະ ປ່າໄມ້ ຮ່ວມກັບບໍລິສັດ ເອເຊຍ ຟຣອນເທຍ ຣີຊອດເສດສ ຈໍາກັດຜູ້ດຽວ ໄດ້ຈັດພິທີເຊັນບົດບັນທຶກຄວາມເຂົ້າໃຈ (MOU) ວ່າດ້ວຍການສຶກສາຄວາມເປັນໄປໄດ້ໃນການພັດທະນາໂຄງການຜະລິດເບ້ຍໄມ້, ສົ່ງເສີມປູກໄມ້ ແລະ ຂຸດຄົ້ນໄມ້ແບບຍືນຍົງເປັນສິນຄ້າຮັບໃຊ້ພາຍໃນ ແລະ ສົ່ງອອກ.
ລົງນາມໃນພິທີແມ່ນ ທ່ານ ສົມຫວັງ ພິມມະວົງ ຫົວໜ້າກົມປ່າໄມ້, ທ່ານ ພູມມີ ອິນທິຈັກ ຮອງຫົວໜ້າກົມແຜນການ ແລະ ການຮ່ວມມື, ທ່ານ ຄໍາຕັນ ຄໍາພັນ ຫົວໜ້າບໍລິສັດ ເອເຊຍ ຟຣອນເທຍ ຣີຊອດເສດສ ຈໍາກັດຜູ້ດຽວ ແລະ ທ່ານ ໂຮເວີ້ຍຈຸງ ຜູ້ອໍານວຍການຝ່າຍຕ່າງປະເທດຂອງບໍລິສັດ. ມີບັນດາຫົວໜ້າ, ຮອງຫົວໜ້າຫ້ອງການ,ກົມ, ຫົວໜ້າ, ຮອງຫົວໜ້າພະແນກກະສິກຳ ແລະ ປ່າໄມ້ ແຂວງ ຊຽງຂວາງ, ສະຫວັນນະເຂດ ແລະ ແຂກທີ່ຖືກເຊີນເຂົ້າຮ່ວມເປັນສັກຂີພະຍານ.
ທີ່ມາ: ກະຊວງກະສິກໍາ ແລະ ປ່າໄມ້