ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ພິທີເປີດປີທ່ອງທ່ຽວລາວ 2024 ທີ່ແຂວງ​ຄຳ​ມ່ວນ ຈັດຂຶ້ນໃນຕອນແລງວັນທີ 3 ກຸມພານີ້ຢູ່ເທດສະບານເມືອງທ່າແຂກ ໂດຍການໃຫ້ກຽດເຂົ້າຮ່ວມຂອງ ທ່ານ ບຸນ​ທອງ ​ຈິດ​ມະ​ນີ, ຮອງ​ປະ​ທານ​ປະ​ເທດ​.
ທ່ານ ແກ້ວອຸດອນ ບຸນສິງຂອນ, ຮອງເຈົ້າແຂວງຄໍາມ່ວນ ລາຍງານໃຫ້ຮູ້ວ່າ: ແຂວງຄໍາມ່ວນ ໄດ້ຮັບຮອງກິດຈະກຳທີ່ຕິດພັນກັບ 3 ຍອດຍິ່ງທີ່ເປັນທ່າແຮງທາງດ້ານການທ່ອງທ່ຽວໃນໂອ ກາດປີທ່ອງທ່ຽວລາວ 2024 , ປະກອບມີ: ຈໍານວນ 27 ກິດຈະ ກຳ ໃນນັ້ນ: 1 ກິດຈະກຳ ລະດັບຊາດ ເປັນສິ່ງຍອດຍິ່ງທາງ ດ້ານວັດທະນະທໍາ ຄື: ບຸນນະມັດສະການພະທາດສີໂຄດຕະບອງ, ມີ 2 ກິດຈະກຳລະດັບແຂວງ ຄື: ບຸນລະນຶກເຫດການ 21 ມີນາ 1946 ເປັນວັນເສຍອົງຄະແຫ່ງຊາດ ທີ່ເປັນສິ່ງຍອດຍິ່ງທາງດ້ານປະຫວັດສາດ ແລະ ວົງຈອນທ່ອງທ່ຽວເດີລຸບ (The Loop) ທີ່ເປັນສິ່ງຍອດຍິ່ງທາງດ້ານທຳມະຊາດ. ນອກນັ້ນກໍ່ຍັງມີກິດ ຈະກຳລະດັບເມືອງ ອີກຈໍານວນ 24 ກິດຈະກຳ.
ໃນພິທີເປີດງານຄັ້ງນີ້ ໄດ້ຈັດກິດຈະກຳທີ່ຫຼາກຫຼາຍ ເຊັ່ນ: ການປະກວດສິນລະປະຂອງນ້ອງນ້ອຍເຍົາວະຊົນ ແລະ ການຈັດແຂ່ງ ຂັນກິລາບານເຕະ-ບານສົ່ງ-ແລ່ນລານ ຂອງເຍົາວະຊົນ ແລະ ເຂົ້າ ຮ່ວມໃນງານມື້ນີ້ໄດ້ມີ ກ້ອນກຳລັງຕົວແທນຂອງ 9 ເຜົ່າ ທີ່ດຳລົງຊີວິດຢູ່ແຂວງຄຳມ່ວນ, ມີກອງສິນລະປະບັນດາເມືອງ, ສູນວັດທະ ນະທຳແຂວງ, ສິນລະປະສະຫະພັນແມ່ຍິງບ້ານທ່າແຂກເໜືອ ລວມທັງໝົດຫຼາຍກວ່າ 1.000 ຄົນ.
ນອກຈາກນີ້ ຍັງມີງານຕະຫຼາດນັດວາງສະແດງຈໍາໜ່າຍສິນ ຄ້າ ແລະ ເທສະການອາຫານ ມີຜູ້ປະກອບການພາກລັດ ແລະ ເອກະຊົນເຂົ້າຮ່ວມ 75 ຮ້ານ, ໃນນັ້ນ ມີຜູ້ປະກອບການຢູ່ພາຍໃນເທດສະບານແຂວງ ຈຳນວນ 25 ຮ້ານ, ສິນ ຄ້າມາຈາກ 10 ເມືອງ 30 ຮ້ານ ແລະ ເທສະການອາຫານ 20 ຮ້ານ.
ປັດຈຸບັນທົ່ວ ແຂວງຄຳມ່ວນ ມີການສຳຫລວດແຫຼ່ງທ່ອງ ທ່ຽວແລ້ວ 210 ແຫ່ງ. ໃນນັ້ນ: ແຫຼ່ງທ່ອງທ່ຽວທຳມະ ຊາດ 145 ແຫ່ງ, ວັດທະນະທຳ 33 ແຫ່ງ ແລະ ປະຫວັດສາດ 32 ແຫ່ງ. ມີສະຖານທີ່ທ່ອງທ່ຽວທີ່ ໄດ້ເປີດບໍລິການແລ້ວ 87 ແຫ່ງ ເປັນຕົ້ນ: ພະທາດສີໂຄດຕະບອງ, ພະທາດຕຸມພະວັງ, ຖ້ຳພະໜອງປາຜາ, ຖ້ຳນາງແອນ, ຖ້ຳພະຈັນ, ຖໍ້າກອງລໍ, ຂຸນກອງ ແລງ, ພູຜາມ່ານ, ທ່າຝຣັ່ງວັງສີຄາມ, ກຳແພງໃຫຍ່ ພູຄັນນາ, ຖໍ້ານໍ້າລອດເຊບັ້ງໄຟ, ຕາດຊຽງລື ແລະ ສະຖານທີ່ທ່ອງທ່ຽວອື່ນໆ.
ສໍາລັບແຂວງຄໍາມ່ວນ ມີຄໍາຂວັນຄື: “ພະທາດສີໂຄດຕະບອງງາມສະຫງ່າ, ລໍາຜະຫຍາມະຫາໄຊ, ກໍາແພງໃຫຍ່ພູຄັນນາ, ຜາຫີນໜາມໜໍ່, ບໍ່ໄຟຟ້ານໍ້າເທີນ 2, ກອງລໍ-ນາຕານນໍ້າລອດຖໍ້າ ວິລະກໍາ 21 ມີນາ”.
Cr: ຂ່າວອອນລາຍ, ວສລ
May be an image of 3 people, lighting, crowd and text