ການຮຽນຂອງເດັກຢູ່ເມືອງຜົ້ງສາລີ ແຂວງຜົ້ງສາລີ ຫລຸດລົງຢ່າງຈະແຈ້ງ ພາຍຫລັງອົງການອາຫານໂລກ ຫລືWFP ປະຈໍາລາວ ໄດ້ໃຫ້ການສະໜັບສະໜູນ ແລະຈັດຕັ້ງປະຕິ ບັດໂຄງການອາຫານທ່ຽງໃນໂຮງຮຽນນັບແຕ່ປີ 2002 ເປັນຕົ້ນມາ.
ທ່ານ ນາງ ສາວຈັນ ລອດສຸລີ ຫົວໜ້າຫ້ອງການສຶກສາທິການ ແລະ ກິລາ ເມືອງຜົ້ງສາລີ ໃຫ້ສໍາພາດວ່າ: ເມືອງຜົ້ງສາລີ ມີໂຮງຮຽນອະນຸບານ ແລະ ຊັ້ນປະຖົມທັງໝົດ 60 ແຫ່ງ ໃນນັ້ນມີ 49 ແຫ່ງທີ່ໄດ້ຖືກຈັດຕັ້ງໂຄງການສົ່ງເສີ່ມອາຫານທ່ຽງໃນໂຮງຮຽນ ໃນນີ້ມີໂຮງຮຽນອະນຸບານ 2 ແຫ່ງ ແລະ ປະຖົມສົມບູນ 47 ແຫ່ງ ປັດຈຸບັນໂຄງການນີ້ ໄດ້ມອບໃຫ້ລັດຖະບານ ສືບຕໍ່ຈັດຕັ້ງປະຕິບັດ ເພື່ອໃຫ້ມີຄວາມຍືນຍົງ ໂດຍການມີສ່ວນຮ່ວມຂອງປະຊາຊົນ ກໍ່ຄືອໍານາດການປົກຄອງບ້ານ ແລະ ຜູ້ປົກຄອງຂອງນັກຮຽນ ມາຮອດປັດຈຸບັນອົງການອາຫານໂລກ ໄດ້ມອບໂອນໂຄງການໃຫ້ແກ່ລັດຖະບານສືບຕໍ່ຈັດຕັ້ງປະຕິບັດ ເພື່ອຮັບປະກັນຄວາມຍືນຍົງ.
ທ່ານ ນາງ ສາວຈັນ ລອດສຸລີ ໃຫ້ຮູ້ຕື່ມວ່າ: ສໍາລັບສົກຮຽນ 2022-2023 ນີ້ມີນັກຮຽນໄດ້ຮັບອາ ຫານທ່ຽງໃນໂຮງຮຽນທັງໝົດ 3.100 ກວ່າຄົນ, ຍິງ 1.542 ຄົນ ໃນນີ້ຊັ້ນປະຖົມ 2.275 ຄົນ, ຍິງ 1.085 ຄົນ, ຊັ້ນອະນຸບານ 830 ກວ່າຄົນ ຍິງ 457 ຄົນ. ໂຄງການສົ່ງເສີມອານທ່ຽງໃນໂຮງຮຽນເປັນໂຄງການໜຶ່ງທີ່ປະກອບສ່ວນສຳຄັນເຂົ້າໃນການບັນລຸເປົ້າໝາຍການສຶກສາເພື່ອທຸກຄົນ, ເດັກມາ ແລະ ຢູ່ໂຮງຮຽນ ມີສຸຂະພາບແຂງແຮງ ແລະ ມີພາວະໂພຊະນາການທີ່ດີ; ທັງເປັນການປັບປຸງໂຕຊີ້ວັດການສຶກສາຊັ້ນປະຖົມ; ສົ່ງເສີມການມີສ່ວນຮ່ວມຂອງຫລາຍຂະແໜງການ ເພື່ອຮັບປະກັນໃຫ້ວຽກອາ ຫານທ່ຽງມີຄວາມຢືນຢົງ; ທັງເປັນການຄໍ້າປະກັນສະບຽງອາຫານ; ເສີມສ້າງຄວາມອາດສາມາດໃນການບໍລິຫານໂຮງຮຽນ, ເຊື່ອມສານຫລັກໂພສະນາການເຂົ້າໃນການຮຽນ- ການສອນໃຫ້ນັບມື້ດີຂື້ນ.
