ອີງຕາມບົດລາຍງານຂອງຫ້ອງການແຮງງານ ແລະ ສະຫວັດດີການ-ສັງຄົມ ເມືອງຕຸ້ມລານ ໃຫ້ຮູ້ວ່າ: ໃນເວລາ 14:30 ນາທີ, ຂອງວັນທີ 19 ມິຖຸນາ 2024, ມີເດັກນ້ອຍ 3 ຄົນ, ເຊິ່ງເປັນປະຊາຊົນບ້ານດອນຊາດ, ເມືອງຕຸ້ມລານ, ແຂວງສາລະວັນ, ຖືກລະເບີດໂບມບີແຕກໃສ່ຈົນໄດ້ຮັບບາດເຈັບ, ໃນຂະນະທີຜູ້ກ່ຽວກຳລັງຂຸດຈີລໍ ຢູ່ທົ່ງນາ. ເດັກນ້ອຍທີ່ຖືກເຄາະຮ້າຍປະກອບມີ:
1. ທ. ສຸລາວັນ, ອາຍຸ 12 ປີ,
2. ທ. ສອນ, ອາຍຸ 13 ປີ
3. ທ. ວົງໃສ, ອາຍຸ 9 ປີ.
ເດັກນ້ອຍທັງ 3 ຄົນນີ້ແມ່ນປະຊາຊົນຢູ່ບ້ານດອນຊາດ, ເມືອງຕຸ້ມລານ, ແຂວງສາລະວັນ, ປັດຈຸບັນແມ່ນນອນປິ່ນປົວຢູ່ໂຮງໝໍເມືອງຕຸ້ມລານ.
ຂໍ້ມູນ ແລະ ພາບ ໂດຍ: ຫ້ອງການ ຮສສ ເມືອງຕຸ້ມລານ.
