ບໍລິສັດ ເທບວົງສາ ພາວເວີ ຈຳກັດ ປະກອບສ່ວນສໍາຄັນໃນການຊ່ວຍສ້າງວຽກເຮັດງານທໍາໃຫ້ແຮງງານລາວ ທີ່ໄດ້ຮັບຜົນກະທົບຈາກການລະບາດຂອງພະຍາດໂຄວິດ- 19 ທັງຢູ່ພາຍໃນ ແລະ ຕ່າງປະເທດ. ພ້ອມດຽວກັນນີ້ ບໍລິສັດດັ່ງກ່າວ ຍັງໄດ້ປະກອບສ່ວນສໍາຄັນຕໍ່ການຊ່ວຍເຫຼືອສັງຄົມ ກໍຄື ການປະກອບສ່ວນໃນຂະບວນ ການສ້າງສາ ແລະ ພັດທະນາປະເທດຊາດໃຫ້ນັບມື້ດີຂຶ້ນຢ່າງຕໍ່ເນື່ອງ.
ທ່ານ ຄຳປະສິດ ເທບວົງສາ ປະທານບໍລິສັດ ເທບວົງສາ ພາວເວີ ຈຳກັດ, ທັງເປັນຮອງປະທານສະມາຄົມນັກທຸລະກິດໜຸ່ມແຫ່ງຊາດ ໃຫ້ສຳພາດຕໍ່ສື່ມວນຊົນ ເນື່ອງໃນໂອກາດເຂົ້າຮ່ວມກອງປະຊຸມໃຫຍ່ຜູ້ແທນຊາວໜຸ່ມ ທົ່ວປະເທດ ຄັ້ງທີ VIII ທີ່ຈັດຂຶ້ນຢູ່ນະຄອນຫລວງວຽງຈັນ ເມື່ອບໍ່ດົນມານີ້ວ່າ: ຍ້ອນການລະບາດຂອງພະຍາດໂຄວິດ-19 ເຮັດໃຫ້ແຮງງານລາວຢູ່ຕ່າງປະເທດເດີນທາງກັບບ້ານເປັນຈໍານວນຫລວງຫລາຍ, ບໍລິສັດ ເທບວົງສາ ພາວເວີ ຈຳກັດ ແມ່ນເປັນບໍລິສັດໜຶ່ງທີ່ນອກ ຈາກບໍ່ໄດ້ໃຫ້ພະນັກງານ-ກໍາມະກອນຂອງຕົນອອກຈາກວຽກ ຍັງໄດ້ຮັບເອົາແຮງ ງານລາວທີ່ໄດ້ເດີນທາງກັບມາຈາກຕ່າງປະເທດຢູ່ແຂວງສະຫວັນນະເຂດ, ບັນດາແຂວງພາກໃຕ້ ແລະ ພາກເໜືອຈໍານວນຫລາຍຄົນເຂົ້າເຮັດວຽກນໍາ ເຊີ່ງເຫັນວ່າເຂົາເຈົ້າມີສີມືແຮງງານດີຫລາຍຍ້ອນໄດ້ຜ່ານງານຈາກຕ່າງປະເທດມາແລ້ວ ເຮັດໃຫ້ເຂົາເຈົ້າຮູ້ສຶກດີໃຈທີ່ໄດ້ປະກອບສ່ວນເຂົ້າໃນການພັດທະນາປະເທດ ແລະ ໄດ້ເຮັດວຽກຢູ່ໃກ້ບ້ານຂອງຕົນ. ປັດຈຸບັນ ບໍລິສັດ ເທບວົງສາ ພາວເວີ ຈຳກັດ ມີພະນັກ ງານ-ກໍາມະກອນ ທັງໝົດ 100 ກວ່າຄົນ ແລະ ພວມປະກາດຮັບສະໝັກເພີ່ມອີກ 100 ກວ່າຄົນ, ຖ້າຫາກບຸກຄົນໃດສົນໃຈແມ່ນສາມາດໄປພົວພັນຢູ່ຫ້ອງການຂອງບໍລິສັດໄດ້.
ທ່ານ ຄຳປະສິດ ເທບວົງສາ ໃຫ້ຮູ້ຕື່ມວ່າ: ຄຽງຄູ່ກັບການດຳເນີນທຸລະກິດ, ບໍລິ ສັດຂອງຕົນ ຍັງໄດ້ໃຫ້ການຊ່ວຍເຫລືອສັງຄົມຫລາຍສົມຄວນ ໂດຍສະເພາະເມື່ອບໍ່ດົນມານີ້ ໄດ້ສະໜັບສະໜູນກອງທັບລົດຕັງ ມູນຄ່າ 60 ລ້ານກີບ ເພື່ອປະກອບສ່ວນໃນການສະເຫລີມສະຫຼອງສະເຫລີມ ວັນຊາດ ທີ 2 ທັນວາ ຄົບຮອບ 45 ປີ ແລະ ວັນ ຄ້າຍວັນເກີດປະທານໄກສອນ ພົມວິຫານ ຄົບຮອບ 100 ປິ, ລວມເຖີງໄດ້ຊ່ວຍປຸກລະດົມເຄື່ອງຊ່ວຍເຫຼືອ ປະເພດເຄື່ອງນຸ່ງຫົ່ມໄປຊ່ວຍເຫລືອປະຊາຊົນຢູ່ເມືອງທ່າແຕງ, ແຂວງເຊກອງ, ສ່ວນໃນໂອກາດດໍາເນີນກອງປະຊຸມໃຫຍ່ຜູ້ແທນຊາວໜຸ່ມ ທົ່ວປະເທດ ຄັ້ງທີ VIII ບໍລິສັດ ເທບວົງສາ ພາວເວີ ຈຳກັດ ໄດ້ປະກອບສ່ວນເຄື່ອງ ດື່ມກາເຟອາເມຊອນໃຫ້ແກ່ຜູ້ແທນ ກໍຄື ພະນັກງານ ແລະ ເຈົ້າໜ້າທີ່ກ່ຽວຂ້ອງທີ່ຮັບໃຊ້ກອງປະຊຸມຫລາຍກວ່າ 1.000 ຈອກ. ເຊີ່ງຕົນເອງໃນນາມປະທານບໍລິສັດ ແລະ ເປັນຜູ້ແທນສົມບູນເຂົ້າຮ່ວມມີຄວາມດີໃຈ ແລະ ພາກພູມໃຈເປັນພິເສດທີ່ໄດ້ ທີ່ໄດ້ມີສ່ວນຮ່ວມສໍາຄັນໃນກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດຄັ້ງນີ້ ແລະ ຢືນຢັນວ່າ: ບໍລິສັດຂອງຕົນຈະສືບຕໍ່ສະໜັບສະໜູນພັກ-ລັດເມື່ອມີກອງປະຊຸມ ຫລື ກິດຈະກໍາຕ່າງໆ ຕື່ມອີກເມື່ອມີໂອກາດ ເພາະໃນນາມທີ່ເປັນນັກທຸລະກິດໜຸ່ມ ຖືວ່າເປັນນັກຮົບທຸລະກິດຂອງພັກ ແນ່ນອນຕ້ອງໄດ້ອາໃສພັກ-ລັດ ເປັນຜູ້ສະໜັບສະ ໜູນຊຸກຍູ້ເພື່ອເຮັດໃຫ້ທຸລະກິດດຳເນີນໄປດ້ວຍບາດກ້າວທີ່ດີຂຶ້ນ ແລະ ປະກອບສ່ວນສໍາຄັນໃນການພັດທະນາເສດຖະກິດ-ສັງຄົມຂອງຊາດໃຫ້ນັບມື້ນັບຂະຫຍາຍຕົວຂຶ້ນໄປເລື້ອຍໆ.
ສໍາລັບບໍລິສັດ ເທບວົງສາ ພາວເວີ້ ຈໍາກັດ ໄດ້ດໍາເນີນກິດຈະການໃນດ້ານໄອທີ, ອະສັງຫາລິມະຊັບ, ການກໍ່ສ້າງພະລັງງານ ແລະ ບໍ່ແຮ່. ຄຽງຄູ່ກັນນີ້ ປັດຈຸບັນ ບໍລິສັດດັ່ງກ່າວ ພວມລົງທຶນພັດທະນາແຫລ່ງທ່ອງທ່ຽວທາງທໍາມະຊາດ 2 ແຫ່ງ ຄື: ອຸທິຍານພູຜາສຸກຢູ່ເມືອງລະຄອນເພັງ, ແຂວງສາລະວັນ ຊຶ່ງເປັນການລົງທຶນຮ່ວມກັບບໍລິ ສັດ ພີເອັສແອວ ເຊີວິດ ຈຳກັດຜູ້ດຽວ (PSL) ແລະ ການພັດທະ ນາເຂດພູຈວມ ແລະ ນໍ້າຕົກຕາດໄຟໄໝ້ ຢູ່ເມືອງທ່າແຕງ, ແຂວງເຊກອງ ເພື່ອເປັນແຫລ່ງທ່ອງ ທ່ຽວທາງທໍາມະຊາດຄົບວົງຈອນທີ່ມີດ້ານກະສິກໍາປະສົມປະສານ,ທາງດ້ານປະຫວັດ ສາດ ແລະ ທາງດ້ານທ້ອງຖິ່ນຊົນເຜົ່າ, ຄາດວ່າຈະເປີດບໍລິການສັງຄົມພາຍໃນເດືອນ ເມສາ ປີ 2021 ເພື່ອປະກອບສ່ວນຊຸກຍູ້ສົ່ງເສີມ “ລາວທ່ຽວລາວ” ຕາມແນວທາງທີ່ຂັ້ນເທີງວາງອອກ, ທັງເປັນການສ້າງວຽກເຮັດງານທໍາໃຫ້ປະຊາຊົນທີ່ອາໃສຢູ່ເຂດໃກ້ ຄຽງຕື່ມອີກ.
Loading...