ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ເປັນຂ່າວດີ ບໍ່ມີຜູ້ຕິດຊື້ອໂຄວິດ-19 ເພີ່ມ

ດ໋ອກເຕີ ຣັດຕະນະໄຊ ເພັດສຸວັນ ຫົວໜ້າກົມ ຄວບຄຸມພະຍາດຕິດຕໍ່ ທັງເປັນ ຄະນະສະເພາະກິດເພື່ອປ້ອງກັນ ຄວບຄຸມ ແລະ ແກ້ໄຂ ພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ COVID-19 ໄດ້ລາຍງານໃນກອງປະຊຸມຖະແຫຼງຂ່າວ ໃນວັນທີ 13 ເມສາ 2020 ວ່າ ບໍ່ມີຜູ້ຕິດເຊື້ອພະຍາດໂຄດວິດເພີີ່່ມ ເຮັດໃຫ້ຈຳນວນຜູ້ຕິດເຊື້ອຈາກພະຍາດໂຄວິດ-19 ໃນປະຈຸບັນຍັງຢູ່ທີ 19 ກໍລະນີ.
ໃນວັນທີ 12 ເມສາ 2020, ໄດ້ມີການເກັບຕົວຢ່າງຈາກກໍລະນີສົງໄສທັງໝົດ 35 ຄົນ, ໃນນັ້ນ ມີຜູ້ສຳຜັດໃກ້ຊິດກັບຜູ້ຕິດເຊື້ອ 17 ຄົນ, ກໍລະນີມີອາການສົງໄສ 18 ຄົນ ເຊິ່ງມີ ແຮງງານລາວ ທີ່ກັບມາແຕ່ໄທ 1 ຄົນ ແລະ ຜົນກວດທັງໝົດ 35 ຄົນ ແມ່ນບໍ່ພົບເຊື້ອ.
ນັບແຕ່ເດືອນມັງກອນ ຮອດ ວັນທີ 12 ເມສາ 2020 ໄດ້ເກັບຕົວຢ່າງມາກວດ ທັງໝົດ ມີ 1.186 ຄົນ, ກວດພົບເຊື້ອທັງໝົດ 19 ຄົນ ແລະ ທັງໝົດ 19 ຄົນ ແມ່ນນອນປິ່ນປົວ – ຕິດຕາມ ຢູ່ໂຮງໝໍ.

ຜ່ານການປິ່ນປົວຢູ່ໂຮງໝໍໄດ້ໄລຍະໜຶ່ງ ເຫັນວ່າ ຜູ້ທີ່ຕິດເຊື້ອພະຍາດໂຄວິດ -19 ຈຳນວນ 1 ຄົນໃນ 19 ຄົນມີອາການດີຂຶ້ນ ຜົນກວດຂັ້ນເບື້ອຕົນ ເປັນລົບ ແລະຍັງຢູ່ໃນ ຂັ້ນຕອນກວດລະອຽດອີກຄັ້ງໜຶ່ງ ຖ້າຜົນອອກມາຍັງເປັນລົບ ກໍ່ສາມາດກັບເມືອເຮືອນໄດ້.