(ຂ່າວຕ່າງປະເທດ). ຫວ່າງມໍ່ໆມານີ້, ປະ ເທດຕາເວັນຕົກຈຳ ນວນໜຶ່ງໄດ້ມີທ່າທີຢັບຢັ້ງຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ຂອງຈີນນັບມື້ນັບຈະແຈ້ງ, ໃນກອງປະ ຊຸມລັດຖະມົນຕີກະ ຊວງການຕ່າງປະ ເທດກຸ່ມ 7 ປະເທດທີ່ຈັດຂຶ້ນໃນຫວ່າງມໍ່ໆມານີ້ ທີ່ໃຊ້ເວລາປະມານ 90 ນາທີ ເພື່ອປຶກສາຫາລືອັນທີ່ເອີ້ນວ່າ: ຈີນເຮັດແນວໃດ, ເພື່ອຜ່ານຈາກ “ໜຶ່ງແລວໜຶ່ງເສັ້ນ ທາງ” ຫຼືເພີ່ມຄວາມບັງ ຄັບນາບຂູ່ດ້ານເສດຖະກິດ ເພື່ອບັນ ລຸຜົນປະໂຫຍດແຫ່ງຊາດຕົນ; ວັນທີ 8 ເດືອນນີ້, ສະ ຫະພາບເອີຣົບ ແລະ ອິນ ເດຍໄດ້ປະກາດແຜນການ “ການພົວພັນຄູ່ຮ່ວມທີ່ມີລັກສະນະເຊື່ອມໂຍງ” ແບບສັງລວມສະບັບໜຶ່ງ ເພື່ອສະໜັບສະໜູນອິນເດຍ ແລະ ປະເທດທີ 3 ແລະພາກພື້ນຕ່າງໆ ລວມທັງອາຟຣິກາ, ອາຊີກາງ ແລະ ອິນໂດອາຊີປາຊີຟິກໃຫ້ດຳເນີນການເຊື່ອມຈອດກັນຢ່າງຄ່ອງແຄ້ວແລະຕໍ່ ເນື່ອງ; ວັນທີ 10 ເດືອນນີ້, ສະຫະພາບເອີຣົບແລະກາ ຊັກສະຖານໄດ້ຈັດກອງປະຊຸມຄະນະກຳ ມະການການຮ່ວມມືສະຫະພາບເອີຣົບ- ກາຊັກສະຖານຄັ້ງທີ 18, ສະຫະພາບເອີຣົບຢາກຂະຫຍາຍ “ການພົວພັນຄູ່ຮ່ວມທີ່ມີລັກສະນະເຊື່ອມໂຍງ” ກັບກາຊັກສະຖານຕື່ມອີກ.
ເປັນທີ່ຈະແຈ້ງແລ້ວວ່າ, ໜຶ່ງໃນຈຸດປະສົງຂອງນະໂຍບາຍດັ່ງກ່າວກໍແມ່ນຢາກເພີ່ມທະວີການລົງທຶນໃນດ້ານພື້ນຖານໂຄງລ່າງ ເພື່ອຢັບຢັ້ງຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ຂອງຈີນ. ຄວາມຄິດແລະການເຄື່ອນໄຫວແບບນີ້ຂອງປະເທດຕາເວັນຕົກ, ຢ່າງໜ້ອຍໄດ້ສ່ອງແສງໃຫ້ເຫັນບັນຫາດັ່ງຕໍ່ໄປນີ້:
ໜຶ່ງ: “ໜຶ່ງແລວໜຶ່ງເສັ້ນທາງ” ໄດ້ເລີ່ມຈາກຂໍ້ລິເລີ່ມກາຍເປັນການເຄື່ອນໄຫວຕົວຈິງຢ່າງບໍ່ຢຸດຢັ້ງ, ນີ້ໄດ້ເຮັດໃຫ້ປະເທດຕາເວັນຕົກອິດສາຕາຮ້ອນຂຶ້ນມາໂລດ. ປະເທດຕາເວັນຕົກໄດ້ເວົ້າຕິດປາກວ່າ: “ຕ້ອງປະຕິບັດຕາມລະບຽບສາກົນບົນພື້ນຖານກະຕິກາ”, ແຕ່ນັ້ນຈະເປັນກະຕິກາຂອງໃຜ, ເປັນລະບຽບການຂອງໃຜ? ແນ່ນອນແລ້ວ, ຕ້ອງເປັນຂອງໂລກຕາ ເວັນຕົກ. ປັດຈຸບັນ, ມີ 140 ກວ່າປະເທດໄດ້ເຂົ້າຮ່ວມການສ້າງ “ໜຶ່ງແລວໜຶ່ງເສັ້ນທາງ” ກັບຈີນ, ໂລກຕາເວັນຕົກເປັນຫ່ວງວ່າຈີນຈະເປັນຜູ້ນຳກະຕິກາສາກົນ, ຫຼັງຈາກນັ້ນ, ຕົນຈະບໍ່ສາມາດເປັນຜູ້ນຳລະບຽບສາກົນອີກ, ນີ້ຈິ່ງແມ່ນບັນຫາທີ່ໂລກຕາເວັນຕົກໃຫ້ຄວາມສຳຄັນ.
ສອງ: ຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ໄດ້ສຸມໃສ່ການກໍ່ສ້າງພື້ນຖານໂຄງລ່າງ ແລະ ການເຊື່ອມຈອດກັນ. ປັດຈຸບັນ, ປະເທດຕາເວັນຕົກກໍຢາກກໍ່ສ້າງພື້ນຖານໂຄງລ່າງ, ກໍຢາກເພີ່ມທະວີການເຊື່ອມຈອດເຊັ່ນກັນ. ພວກເຮົາຂໍສະແດງຄວາມຊົມເຊີຍຕໍ່ເລື່ອງນີ້. ແຕ່ວ່າ: ການກໍ່ສ້າງພື້ນຖານໂຄງລ່າງໃນປະເທດຕາເວັນຕົກເອງເປັນພຽງແຕ່ແຕ້ມຮູບເຂົ້າໜົມໄວ້ເບິ່ງເພື່ອແກ້ຫິວຊື່ໆ, ເຂົາເຈົ້າຈະຊ່ວຍປະ ເທດພວມພັດທະນາກໍ່ສ້າງພື້ນຖານໂຄງລ່າງໄດ້ແນວໃດ? ບັນຫາວັກຊີນໂຄວິດ-19 ບໍ່ພຽງແຕ່ໄດ້ເຮັດໃຫ້ຄວາມເຫັນແກ່ຕົວຂອງປະເທດຕາເວັນຕົກຖືກເປີດ ເຜີຍຢ່າງພົ້ນເດັ່ນຂຶ້ນເທົ່ານັ້ນ, ບັນຫາກຳລັງການຜະລິດທີ່ບໍ່ພຽງພໍຂອງປະເທດຕາເວັນຕົກຍິ່ງພົ້ນເດັ່ນຂຶ້ນເຊັ່ນກັນ.
ໃນເວລາທ່ານສີຈິ້ນຜິງ ປະທານປະເທດຈີນກ່າວຄຳປາໄສຜ່ານທາງວິດີໂອໃນພິທີໄຂກອງປະຊຸມເວທີປຶກສາຫາລືອາຊີໂປອາວປະຈຳປີ 2021, ທ່ານຊີ້ໃຫ້ເຫັນວ່າ: “ໜຶ່ງແລວໜຶ່ງເສັ້ນທາງ” ແມ່ນເສັ້ນທາງການພັດທະນາທີ່ກວ້າງຂວາງຂອງຄົນທັງຫຼາຍ, ຫາກບໍ່ແມ່ນເສັ້ນທາງຄັບແຄບຂອງຝ່າຍໃດຝ່າຍໜຶ່ງເທົ່ານັ້ນ. ປະເທດທີ່ມີຄວາມສົນໃຈລ້ວນແຕ່ສາມາດເຂົ້າຮ່ວມໄດ້ທັງໝົດ, ມີສ່ວນຮ່ວມ, ມີການຮ່ວມມືກັນ ແລະ ໄດ້ຮັບຜົນປະໂຫຍດຮ່ວມກັນ. ແຕ່ອາເມຣິກາພັດດຳເນີນນະໂຍບາຍແບບວົງແຄບ, ສ່ວນສະຫະພາບເອີຣົບນັ້ນໄດ້ປະຕິບັດການໂດຍໃຊ້ມາດຕະຖານສູງຢ່າງດຽວ, ສິ່ງເຫຼົ່ານີ້ລ້ວນແຕ່ບໍ່ສອດ ຄ່ອງກັບສະພາບຄວາມເປັນຈິງແຫ່ງຊາດຂອງປະເທດພວມພັດທະນາ, ທັງບໍ່ເຄົາ ລົບປະເທດພວມພັດທະນາ. ສ່ວນຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ບໍ່ໄດ້ມີເງື່ອນໄຂໃນທາງການເມືອງ ແລະ ບໍ່ແຊກແຊງວຽກງານພາຍໃນຂອງປະເທດອື່ນໃນເວລາຮ່ວມມືກັນ, ນະໂຍບາຍແບບນີ້ຈິ່ງຈະມີຜົນດີຕໍ່ປະເທດພວມພັດທະນາຫຼາຍກວ່າ.
“ໜຶ່ງແລວໜຶ່ງເສັ້ນທາງ” ເປັນແນວໃດ, ຄວາມຈິງໄດ້ພິສູດໃຫ້ເຫັນວ່າ, ປະຊາຊົນລາວກໍມີສິດປະກອບຄຳເຫັນ. ວັນທີ 20 ທັນວາປີ 2020, ພາຍໃຕ້ຂອບ “ໜຶ່ງແລວໜຶ່ງເສັ້ນທາງ”, ທາງດ່ວນນະຄອນຫຼວງວຽງຈັນຫາດ່ານບໍ່ຫານ-ບໍ່ເຕັນຕອນນະ ຄອນຫຼວງວຽງຈັນຫາວັງວຽງໄດ້ສ້າງສຳ ເລັດກ່ອນເວລາກຳນົດ 13 ເດືອນ, ໄດ້ສິ້ນສຸດປະຫວັດສາດທີ່ປະເທດລາວບໍ່ມີທາງດ່ວນ. ພາຍຫຼັງໂຄງການດັ່ງກ່າວສ້າງສຳເລັດແລ້ວ, ປະເທດລາວກໍສາມາດເຊື່ອມໂຍງເຂົ້າກັບເຄືອຂ່າຍເຊື່ອມຈອດກັນຂອງພາກພື້ນດ້ວຍໂສມໜ້າທ່າທາງໃໝ່ ແລະ ມີຄວາມໝາຍສຳຄັນຕໍ່ການພັດທະນາເສດຖະກິດສັງຄົມຂອງປະ ເທດລາວ. ສ່ວນທາງລົດໄຟລາວ-ຈີນທີ່ພວມກໍ່ສ້າງໃນປັດຈຸບັນ ແມ່ນ “ໂຄງການສັນຍະລັກພາຍໃຕ້ຂໍ້ລິເລີ່ມໜຶ່ງແລວໜຶ່ງເສັ້ນທາງ”, ພາຍຫຼັງສ້າງສຳເລັດແລ້ວ, ການໄປມາຫາສູ່ກັນ ແລະ ການຄ້າລະ ຫວ່າງສອງປະເທດຈະແໜ້ນແຟ້ນກວ່າເກົ່າ ເຊິ່ງຈະສ້າງເງື່ອນໄຂທີ່ດີຫຼາຍຢ່າງໃຫ້ແກ່ການຮ່ວມມືດ້ານເສດຖະກິດການຄ້າ, ການລົງທຶນ, ການທ່ອງທ່ຽວລະຫວ່າງສອງປະເທດ ແລະ ການເຊື່ອມຈອດກັນຂອງພາກພື້ນ.
ເພື່ອຮັບມືກັບ “ອິດທິພົນທາງເສດຖະກິດຂອງຈີນ”, ປະເທດຕາເວັນຕົກໄດ້ສະເໜີ ແຜນການປ່ຽນແທນ “ໜຶ່ງແລວໜຶ່ງເສັ້ນ ທາງ” ອອກມາ. ພວກເຮົາຫວັງຢ່າງຈິງໃຈວ່າ: ນີ້ຈະບໍ່ແມ່ນເລ່ຫຼ່ຽມຂອງນັກການເມືອງຕາເວັນຕົກເທົ່ານັ້ນ, ທັງບໍ່ແມ່ນການຕໍ່ຕ້ານເພື່ອການຂັດຂວາງ, ຫາກແມ່ນການເຮັດແທ້ທຳຈິງ ເພື່ອກໍ່ສ້າງພື້ນຖານໂຄງລ່າງໃຫ້ກັບບັນດາປະທເດໃນໂລກ.
May be an image of map and text
Loading...