ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ເມື່ອບໍ່ດົນມານີ້, ປະເທດອາຟຣິກາໃຕ້ໄດ້ເປີດເຜີຍໃຫ້ຮູ້ວ່າ: ປັດຈຸບັນ, ມີ 20 ກວ່າປະເທດໄດ້ສະແດງເຈດຈຳນົງຂອງຕົນໃນການເຂົ້າເປັນສະມາຊິກຂອງກົນໄກການຮ່ວມມືປະເທດ BRICS. ແຕ່ຕາມການຄາດຄະເນຂອງສຳນັກຂ່າວຣອຍເຕີ, ປະເທດທີ່ກຳລັງຄອງຄອຍເຂົ້າເປັນສະມາຊິກຂອງ BRICS ມີຫຼາຍກວ່າ 40 ປະເທດແລ້ວ. ເປັນຫຍັງຫຼາຍປະເທດຈຶ່ງໄດ້ຮ້ອງຂໍ ຫຼື ມີຄວາມສົນໃຈເຂົ້າເປັນສະມາຊິກຂອງຄອບຄົວປະເທດ BRICS?
ຄົນທັງຫຼາຍຮູ້ດີແລ້ວວ່າ: ໃນຖານະເປັນການຮ່ວມມືແບບໃໝ່, ການຮ່ວມມືຂອງ BRICS ໄດ້ກາຍເປັນກຳລັງທີ່ສຳຄັນໃນການນຳພາ ການຮ່ວມມືໃຕ້-ໃຕ້ ແລະ ຊຸກຍູ້ການບໍລິຫານທົ່ວໂລກ. ໃນດ້ານການເມືອງ, ປະເທດ BRICS ມີຄວາມເຄົາລົບຕໍ່ອະທິປະໄຕ, ຄວາມໝັ້ນຄົງ ແລະ ຜົນປະໂຫຍດດ້ານການພັດທະນາຂອງກັນແລະກັນ, ຄັດຄ້ານການເມືອງແບບມະຫາອຳນາດ, ຕໍ່ຕ້ານແນວຄິດສົງຄາມເຢັນ ແລະ ການເປັນປໍລະປັກກັນລະຫວ່າງກຸ່ມປະເທດ; ໃນດ້ານເສດຖະກິດ, ສິດລົງຄະແນນສຽງຂອງ 5 ປະເທດ BRICS ໃນທະນາຄານໂລກໃນປີ 2022 ແມ່ນ 14,06%, ອັດຕາສ່ວນໃນອົງການກອງທຶນເງິນຕາສາກົນບັນລຸເຖິງ 14,15%; ໃນດ້ານສາທາລະນະສຸກ, ໄດ້ສ້າງຕັ້ງສູນຄົ້ນຄວ້າ ແລະ ຜະລິດວັກຊິນປະເທດ BRICS ແລະ ຮ່ວມກັນສ້າງ “ເສັ້ນປ້ອງກັນ BRICS” ເພື່ອຕ້ານກັບການແພ່ລະບາດຂອງພະຍາດໂຄວິດ-19.
ປັດຈຸບັນ, ປະຊາກອນທັງໝົດຂອງປະເທດ BRICS ມີຫຼາຍກວ່າ 3,2 ຕື້ຄົນແລ້ວ, ກວມເອົາຫຼາຍກວ່າ 40% ຂອງປະຊາກອນທັງໝົດທົ່ວໂລກ, ປະລິມານເສດຖະກິດໄດ້ກວມເອົາເຖິງ 26% ຂອງທົ່ວໂລກ. ໃນປີ 2001 ຫາ ປີ 2022, ອັດຕາສ່ວນຂອງ GDP ປະເທດ BRICS ໃນທົ່ວໂລກໄດ້ເພີ່ມຂຶ້ນຈາກ 8,4% ມາເປັນ 25,8%; ໃນໄລຍະດຽວກັນ, ອັດຕາສ່ວນຂອງກຸ່ມ G7 ໄດ້ຫຼຸດລົງຈາກ 64,6% ມາເປັນ 42,9%. ອີງຕາມຂໍ້ມູນທີ່ເປີດເຜີຍໂດຍອົງການຄົ້ນຄວ້າເສດຖະກິດຂອງອັງກິດໃນເດືອນມີນາປີນີ້ສະແດງໃຫ້ເຫັນວ່າ: ອັດຕາສ່ວນຂອງປະເທດບຣິກສໃນເສດຖະກິດໂລກໄດ້ລື່ນກາຍກຸ່ມ G7 ແລ້ວ.
ພາຍໃຕ້ຄວາມພະຍາຍາມຮ່ວມກັນຂອງປະເທດບຣິກສ, ທະນາຄານພັດທະນາໃໝ່ປະເທດບຣິກສ ກໍຄື “ທະນາຄານບຣິກສ” ໄດ້ສ້າງຕັ້ງຂຶ້ນໃນປີ 2015. ມາຮອດປັດຈຸບັນ, ທະນາຄານພັດທະນາໃໝ່ປະເທດບຣິກສໄດ້ອະນຸຍາດໂຄງການກູ້ຢຶມເກືອບ 100 ໂຄງການ ທີ່ມີມູນຄ່າບັນລຸເຖິງ 35 ຕື້ໂດລາ. ປັດຈຸບັນ, ທະນາຄານດັ່ງກ່າວໄດ້ກາຍເປັນທາງເລືອກແທນທະນາຄານໂລກ ແລະ ອົງການກອງທຶນເງິນຕາສາກົນແລ້ວ.
ຈີນໄດ້ເສີມຂະຫຍາຍບົດບາດອັນສຳຄັນໃນບັນດາປະເທດບຣິກສ ໂດຍສະເພາະແມ່ນຮູບແບບການຮ່ວມມື “ບຣິກສ+” ທີ່ສະເໜີໂດຍຈີນ ແມ່ນມີຈຸດປະສົງໃຫ້ປະເທດກຳລັງພັດທະນາຈຶ່ງໄດ້ຮັບຜົນປະໂຫຍດຈຳນວນຫຼາຍກວ່າເກົ່າ. ຮູບແບບການຮ່ວມມືດັ່ງກ່າວໄດ້ຮັບການຕອບຮັບຢ່າງຕັ້ງໜ້າ ແລະ ມີຜົນດີຕໍ່ການຍົກສູງລັກສະນະຕົວແທນ ແລະ ຖານະບົດບາດຂອງປະເທດບຣິກສ.
ນັກວິເຄາະຊີ້ອອກວ່າ: ປະເທດຈຳນວນໜຶ່ງຢາກເຂົ້າເປັນສະມາຊິກຄອບຄົວປະເທດບຣິກສແມ່ນຍ້ອນສາເຫດຂໍກຸນແຈດັ່ງນີ້: ໜຶ່ງ, ປະເທດບຣິກສມີກຳລັງບົ່ມຊ້ອນດ້ານເສດຖະກິດຢ່າງໃຫຍ່ຫຼວງ, ການເຂົ້າເປັນສະມາຊິກປະເທດບຣິກສສາມາດໄດ້ຮັບໂອກາດທີ່ເຂົ້າສູ່ຕະຫຼາດຈະເລີນໃໝ່ ແລະ ໄດ້ຮັບການລົງທຶນທີ່ຫຼາຍກວ່າເກົ່າ; ສອງ, ການເຂົ້າເປັນສະມາຊິກປະເທດບຣິກສມີຜົນດີຕໍ່ການເພີ່ມຄວາມຫຼາກຫຼາຍຂອງຄູ່ການຄ້າ ແລະ ຫຼຸດການອາໄສດ້ານເສດຖະກິດ ແລະ ສາມ, ການເຂົ້າເປັນສະມາຊິກປະເທດບຣິກສ ສາມາດດຳເນີນການຮ່ວມມືກັບປະເທດອື່ນໃຫ້ຫຼາຍກວ່າເກົ່າໃນດ້ານຄວາມໝັ້ນຄົງທົ່ວໂລກ ແລະ ການພັດທະນາແບບຍືນຍົງ.
ປັດຈຸບັນ, ການຮ່ວມມືລະຫວ່າງປະເທດບຣິກສ ໄດ້ເຂົ້າສູ່ໄລຍະໃໝ່ທີ່ມີການພັດທະນາດ້ວຍຄຸນນະພາບສູງ. ບຸກຄົນໃນສາກົນຈຳນວນບໍ່ໜ້ອຍເຫັນວ່າ: ການຮັບເອົາສະມາຊິກໃໝ່ຈະເພີ່ມພະລັງໃໝ່ໃຫ້ກັບການຮ່ວມມືບຣິກສ ແລະ ຈະຍົກສູງລັກສະນະຕົວແທນ ແລະ ຖານະບົດບາດຂອງປະເທດບຣິກສ, ມີຜົນດີຕໍ່ການເພີ່ມອິດທິພົນໃຫ້ກັບບຣິກສໃນການປະກອບຄຳຄິດຄຳເຫັນຕໍ່ວຽກງານສາກົນ, ຮັກສາຄວາມສະເໝີພາບ ແລະ ຄວາມຍຸຕິທຳສາກົນ, ປະຕິບັດຕາມລັດທິຫຼາຍຝ່າຍ ແລະ ສ້າງຄວາມໝັ້ນທ່ຽງຫຼາຍກວ່າເກົ່າໃຫ້ກັບໂລກທີ່ເຕັມໄປດ້ວຍຄວາມບໍ່ແນ່ນອນ.

Fatal error: Uncaught ErrorException: md5_file(/home/lnrorg/public_html/wp-content/litespeed/css/b692193b1d063d95d63b93f41f0126dd.css.tmp): Failed to open stream: No such file or directory in /home/lnrorg/public_html/wp-content/plugins/litespeed-cache/src/optimizer.cls.php:130 Stack trace: #0 [internal function]: litespeed_exception_handler(2, 'md5_file(/home/...', '/home/lnrorg/pu...', 130) #1 /home/lnrorg/public_html/wp-content/plugins/litespeed-cache/src/optimizer.cls.php(130): md5_file('/home/lnrorg/pu...') #2 /home/lnrorg/public_html/wp-content/plugins/litespeed-cache/src/optimize.cls.php(837): LiteSpeed\Optimizer->serve('https://lnr.org...', 'css', true, Array) #3 /home/lnrorg/public_html/wp-content/plugins/litespeed-cache/src/optimize.cls.php(330): LiteSpeed\Optimize->_build_hash_url(Array) #4 /home/lnrorg/public_html/wp-content/plugins/litespeed-cache/src/optimize.cls.php(264): LiteSpeed\Optimize->_optimize() #5 /home/lnrorg/public_html/wp-includes/class-wp-hook.php(324): LiteSpeed\Optimize->finalize('<!DOCTYPE html>...') #6 /home/lnrorg/public_html/wp-includes/plugin.php(205): WP_Hook->apply_filters('<!DOCTYPE html>...', Array) #7 /home/lnrorg/public_html/wp-content/plugins/litespeed-cache/src/core.cls.php(477): apply_filters('litespeed_buffe...', '<!DOCTYPE html>...') #8 [internal function]: LiteSpeed\Core->send_headers_force('<!DOCTYPE html>...', 9) #9 /home/lnrorg/public_html/wp-includes/functions.php(5373): ob_end_flush() #10 /home/lnrorg/public_html/wp-includes/class-wp-hook.php(324): wp_ob_end_flush_all('') #11 /home/lnrorg/public_html/wp-includes/class-wp-hook.php(348): WP_Hook->apply_filters(NULL, Array) #12 /home/lnrorg/public_html/wp-includes/plugin.php(517): WP_Hook->do_action(Array) #13 /home/lnrorg/public_html/wp-includes/load.php(1260): do_action('shutdown') #14 [internal function]: shutdown_action_hook() #15 {main} thrown in /home/lnrorg/public_html/wp-content/plugins/litespeed-cache/src/optimizer.cls.php on line 130