ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ເປີດກອງປະຊຸມໃຫຍ່ສະພາການຄ້າ ແລະ ອຸດສາຫະກໍາແຫ່ງຊາດລາວ ຄັ້ງທີ VIII

ກອງປະຊຸມໃຫຍ່ສະພາການຄ້າ ແລະ ອຸດສາຫະກໍາແຫ່ງຊາດລາວ ຄັ້ງທີ VIII ຈັດຂຶ້ນໃນວັນທີ 25 ກັນຍານ 2020 ທີ່ຫໍປະຊຸມແຫ່ງຊາດ, ນະຄອນຫລວງວຽງຈັນ ໂດຍການເປັນປະທານຮ່ວມຂອງ ທ່ານ ນາງ ເຂັມມະນີ ພົນເສນາ, ລັດຖະມົນຕີກະຊວງອຸດສາຫະກໍາ ແລະ ການຄ້າ, ທ່ານ ອຸເດດ ສຸວັນນະວົງ, ປະທານສະພາການຄ້າ ແລະ ອຸດສາຫະກໍາແຫ່ງຊາດລາວ, ທ່ານ ສຽວສະຫວາດ ສະແຫວງສຶກສາ, ປະທານກິດຕິມະສັກສະພາການຄ້າ ແລະ ອຸດສາຫະກໍາແຫ່ງຊາດ ແລະ ທ່ານ ສູນທອນ ພົມມະຈັກ, ປະທານທີ່ປຶກສາສະພາການຄ້າ ແລະ ອຸດສາຫະກໍາແຫ່ງຊາດລາວ.
ກອງປະຊຸມໄດ້ສະຫລຸບຄືນຜົນງານການເຄື່ອນໄຫວວຽກງານຂອງສະພາການຄ້າ ແລະ ອຸດສາຫະກໍາແຫ່ງຊາດລາວ ແຕ່ປີ 2017-2019, ສະຫລຸບວຽກງານການເງິນ, ວາງທິດທາງແຜນການ ເຄື່ອນໄຫວວຽກງານ 3 ປີ, ນັບແຕ່ປີ 2021-2023, ປ່ອຍບັດເລືອກຕັ້ງເອົາຄະນະບໍລິຫານງານສະພາການຄ້າ ແລະ ອຸດສາຫະກໍາແຫ່ງຊາດລາວ ຊຸດທີ VIII, ຮັບຟັງແຜນຍຸດທະສາດການພັດທະນາພາກທຸລະກິດ 2021-2025 ລວມມີ 6 ເສົາຄໍ້າ ຄື:
– ເສົາຄໍ້າທີ 1: ການພົບປະລະຫວ່າງລັດ-ທຸລະກິດ ເພື່ອປັບ
ປຸງແວດລ້ອມການດໍາເນີນທຸລະກິດ ໂດຍການຈັດຕັ້ປະ
ຕິບັດກອງປະຊຸມລາວ
– ເສົາຄໍ້າທີ2: ການພັດທະນາສົ່ງເສີມທຸລະກິດຂະໜາດ
ນ້ອຍ ແລະ ຂະໜາດກາງໂດຍຜ່ານສູນບໍລິການ.
– ເສົາຄໍ້າທີ 3: ການສົ່ງເສີມຕະຫລາດຜະລິດຕະພັນລາວ.
– ເສົາຄໍ້າທີ 4: ການເຊື່ອມໂຍງເສດຖະກິດພາກພື້ນ ແລະ
ການສົ່ງເສີມການລົງທຶນທີ່ຍືນຍົງ.
– ເສົາຄໍ້າທີ 5: ການພັດທະນາຜູ້ປະກອບການ ແລະ ກິດຈະ
ກໍາຜູ້ໃຊ້ແຮງງານ
– ເສົາຄໍ້າທີ 6: ຂໍ້ມູນຂ່າວສານ, ການພົວພັນມວນຊົນ ແລະ
ການບໍລິການໃຫ້ແກ່ສະມາຊິກ.
ນອກຈາກນີ້ ກອງປະຊຸມຄັ້ງນີ້ ຍັງໄດ້ມີພິທີຍ້ອງຍໍໃຫ້ແກ່ຜູ້ທີ່ມີຜົນງານດີເດັ່ນໃນການຈັດຕັ້ງປະຕິບັດວຽກງານຂອງສະພາການຄ້າ ແລະ ອຸດສາຫະກໍາແຫ່ງຊຊາດ ຕະຫລອດໄລຍະ 3 ປີ ຜ່ານມາ ແລະ ຈະໄດ້ຮັບຟັງການໂອ້ລົມຈາກ ທ່ານ ທອງລຸນ ສີສຸລິດ, ນາຍົກລັດຖະມົນຕີ ແລະ ຈະມີພິທີເປີດສູນບໍລິການອາຊີວະສຶກສາຄວບຄູ່ມ ຕື່ມອີກ.
ຂ່າວ: ບຸນຕຽງ ຈັນທະວົງ
ພາບ: ຈ້ອນ ສິມມາລາວົງ