ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ວັນທີ10 ກັນຍາ 2022 ຢູ່ອ່າງນໍ້າຫຸມເມືອງນາຊາຍທອງ ນະຄອນຫລວງວຽງ ຈັນ ວິທະຍາຄານພາລາທິການກອງທັບ ກະຊວງປ້ອງກັນປະເທດ ຈັດພິທີເປີດການຝຶກຊ້ອມຮ່ວມກອບກູ້ໄພພິບັດລະ ຫວ່າງ 3 ກອງທັບ ກຳປູເຈຍ, ລາວ, ຫວຽດນາມ ພາຍຫຼັງທີທຸກເຫລົ່າຮົບ 3 ກອງທັບໄດ້ມີການກະກຽມວຽກງານທາງດ້ານແຜ່ນທີ-ແຜນຮ່າງ ຕະຫລອດໄລຍະເວລາ 1 ເດືອນທີ່ຜ່ານມາ, ມີພົນຕີ ແປນ ໂສກຮິດວິເຢຍ ຫົວໜ້າຫ້ອງການເສນາຮ່ວມກອງທັບຮາຊະອານາຈັກກຳປູເຈຍ, ພົນຕີ ຈັນທອງ ສອນຕະອາດ ຮອງລັດ ຖະມົນຕີກະຊວງປ້ອງກັນປະເທດຂອງລາວ, ພັນເອກ ພິເສດ ຟ້າມວັນຍຸ້ງ ຮອງຫົວໜ້າເສນາທິການກອງບັນຊາການທະຫານເຂດ 4 ກອງທັບປະຊາຊົນຫວຽດນາມມີ ຄະນະນຳກະຊວງປ້ອງກັນປະເທດ ທີ່ມາຈາກກົມກອງຕ່າງໆອ້ອມຂ້າງກະຊວງ,ຄະນະນໍາຂອງກໍາລັງທະທານ3ຊາດກໍາປູເຈຍ,ລາວ,ຫວຽດນາມ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ໂອກາດນີ້ ພົນຈັດຕະວາ ສົມພອນ ມິດຕະພອນ ຮອງຫົວໜ້າກົມໃຫຍ່ເສນາ ທິການກອງທັບ, ຮອງຫົວໜ້າຄະນະຊີນຳວຽກງານກອບກູ້ໄພພິບັດຮ່ວມ 3 ກອງ ທັບ ໄດ້ລາຍງານຈຸດປະສົງ ແລະ ຂາດໝາຍໂດຍສັງເຂບໃຫ້ບັນດາຜູ້ເຂົ້າຮ່ວມໃຫ້ຮັບຟັງວ່າ:ເນື້ອໃນຂອງການຝຶກຊ້ອມຂອງ3 ກອງທັບກໍາປູເຈຍ,ລາວ, ຫວຽດ ນາມໃນການກອບກູ້ໄພພິບັດໃນຄັ້ງນີ້ ໄດ້ເເບ່ງອອກເປັນ 2 ພາກຄື :ການຊອກຄົ້ນ- ກອບກູ້ຜູ້ປະສົບໄພທາງນ້ຳ ໂດຍເເບ່ງອອກເປັນ 3ຈຸ,ຈຸທີ່1 ໃຊ້ເຮືອລາດຕະ ເວນຈຳນວນ 6 ລຳ,ເພື່ອຊອກຫາຜູ້ປະສົບໄພທີ່ຕົກຄ້າງຢູ່ຕາມຈຸດຕ່າງໆ ຈຸທີ່2 ຊອກຄົ້ນກອບກູ້ຜູ້ປະສົບໄພທີ່ຈົມຢູ່ໃຕ້ນ້ຳດ້ວຍນັກດຳນ້ຳ,ສ່ວນຈຸທີ່3 ກອບກູ້ ແລະ ຍົກຍ້າຍຜູ້ປະສົບໄພ ຫລື ຜູ້ບາດ ເຈັບ ດ້ວຍເຮືອໄປຫາເຂດທີ່ປອດໄພ, ຫລັງຈາກນັ້ນ ທະຫານອາກາດໄດ້ນຳໃຊ້ເຮືອບີນZ-9 ບີນລາດຕະເວນຊອກຄົ້ນຜູ້ປະສົບໄພຕາມຈຸດຕ່າງໆທີ່ເຮືອບໍ່ສາມາດເຂົ້າເຖິງ, ເຮືອບິນ Mi -17ບິນຢ່ອນນັກກອບກູ້ລົງຊ່ວຍເຫລືອຜູ້ປະສົບໄພທີ່ຢູ່ຈຸດສູງເຂດທຸລະກັນດານ ແລະ ພື້ນທີ່ນໍ້າຖວ້ມທີ່ມີສີ່ງກີດຂວາງ, ຕົ້ນໄມ້ຫັກທັບຖົມ ລວມເຖິງວຽກງານວິຊາສະເພາະປີ່ນອ້ອມຕ່າງໆ.
ໂອກາດດຽວກັນນີ້ ພົນຕີ ຈັນທອງ ສອນຕະອາດ ຮອງລັດຖະມົນຕີກະຊວງປ້ອງກັນປະເທດຫົວຫນ້າຄະນະຊີນຳວຽກງານກອບກູ້ໄພພິບັດຮ່ວມ 3 ກອງທັບ ຕາງຫນ້າ ຄະນະປະທານ ມີຄໍາເຫັນກ່າວເປີດພີທີໃນຄັ້ງນີ້ວ່າ:ການຝຶກຊ້ອມກອບກູ້ໄພພິບັດຮ່ວມກັນ 03 ກອງທັບໃນຄັ້ງນີ້ ຖືວ່າເປັນຄັ້ງທຳອິດ, ເເລະ ສຸດທີ່ມີຄວາມໝາຍສຳຄັນຫລາຍ ເນື່ອງຈາກວ່າ 03 ກອງທັບ ກໍາປູເຈຍ ລາວ ເເລະ ຫວຽດນາມ ຈະໄດ້ຍົກລະດັບຄວາມຮູ້ຄວາມສາມາດ ແລະ ຄວາມຊຳນິຊຳນານ ໃນການກະກຽມຄວາມພ້ອມກອບກູ້ໄພພິບັດໃນທຸກເງື່ອນໄຂ ແລະໃນທຸກສະຖານະການທີ່ອາດຈະເກີດຂຶ້ນ.
ພົນຕີ ຈັນທອງ ສອນຕະອາດມີຄໍາເຫັນຕື່ມວ່າ:ການຈັດພິທີເປີດການຝຶກຊ້ອມຮ່ວມກອບກູ້ໄພພິບັດລະຫວ່າງ 3 ກອງທັບ ກຳປູເຈຍ, ລາວໃນຄັ້ງນີ້ ຍັງເປັນການແລກປ່ຽນບົດຮຽນ, ປະສົບການດ້ານວິຊາສະເພາະ ແລະ ດ້ານວັດທະ ນະທຳ, ຮີດຄອງປະເພນີຮ່ວມກັນ ,ເສີມສ້າງຄວາມສາມັກຄິ, ສາຍພົວພັນມິດຕະພາບ ແລະ ຄວາມເຂົ້າອົກເຂົ້າໃຈເຊິ່ງກັນ ແລະກັນ ໃຫ້ນັບມື້ນັບແໜ້ນແຟ້ນຍິ່ງໆຂຶ້ນ ພ້ອມທັງຮຽກຮ້ອງໃຫ້ທຸກພາກສ່ວນທີ່ເຂົ້າຮ່ວມການຝຶກຊ້ອມຄັ້ງນີ້ ຍົກສູງຄວາມຮັບຜິດຊອບ, ຄວາມເປັນເຈົ້າການປະຕິບັດລະບຽບວິໄນ, ມະຕິຄຳສັ່ງ ແລະແຜນການຝຶກຊ້ອມໃຫ້ເຂັ້ມງວດ, ສິ່ງສຳຄັນເເມ່ນຕ້ອງເພີ່ມທະວີການຮັກສາຄວາມສາມັກຄີເຊິ່ງກັນແລະກັນແລະຮັບປະກັນຄວາມປອດໄພໃນທຸກດ້ານ ນອກຈາກນີ້ ທ່ານຍັງໄດ້ສະເເດງຄວາມຍອງຍໍຕໍ່ຄະນະຮັບພິຊອບລວມທີ່ໄດ້ເອົາໃຈໃສ່ໃນການກະກຽມຄວາມພ້ອມຮອບດ້ານ ແລະ ເນັ້ນໜັກໃຫ້ທຸກເຫລົ່າຮົບ ເວົ້າສະເພາະເເມ່ນກໍາລັງເພື່ອນມິດກໍ່ປູເຈຍ ລາວເເລະຫວຽດນາມ ໃຫ້ເອົາໃສ່ໃນການຝຶກຊ້ອມ ເພື່ອເເນ່ໃສ່ຮັບປະກັນໄດ້ວຽກງານຄວາມປອດໄພ ແລະ ບັນດຸຜົນສຳເລັດ ຢ່າງຮອບດ້ານ.
ຂ່າວ:ເດດອາລຸນ ເເກ້ວວິໄລ
ພາບ:ພັກສະຫວັນ ວັງໄຊຍາ

Fatal error: Uncaught ErrorException: md5_file(/home/lnrorg/public_html/wp-content/litespeed/css/6695d304317304363c535e45d2319e09.css.tmp): Failed to open stream: No such file or directory in /home/lnrorg/public_html/wp-content/plugins/litespeed-cache/src/optimizer.cls.php:130 Stack trace: #0 [internal function]: litespeed_exception_handler(2, 'md5_file(/home/...', '/home/lnrorg/pu...', 130) #1 /home/lnrorg/public_html/wp-content/plugins/litespeed-cache/src/optimizer.cls.php(130): md5_file('/home/lnrorg/pu...') #2 /home/lnrorg/public_html/wp-content/plugins/litespeed-cache/src/optimize.cls.php(837): LiteSpeed\Optimizer->serve('https://lnr.org...', 'css', true, Array) #3 /home/lnrorg/public_html/wp-content/plugins/litespeed-cache/src/optimize.cls.php(330): LiteSpeed\Optimize->_build_hash_url(Array) #4 /home/lnrorg/public_html/wp-content/plugins/litespeed-cache/src/optimize.cls.php(264): LiteSpeed\Optimize->_optimize() #5 /home/lnrorg/public_html/wp-includes/class-wp-hook.php(324): LiteSpeed\Optimize->finalize('<!DOCTYPE html>...') #6 /home/lnrorg/public_html/wp-includes/plugin.php(205): WP_Hook->apply_filters('<!DOCTYPE html>...', Array) #7 /home/lnrorg/public_html/wp-content/plugins/litespeed-cache/src/core.cls.php(477): apply_filters('litespeed_buffe...', '<!DOCTYPE html>...') #8 [internal function]: LiteSpeed\Core->send_headers_force('<!DOCTYPE html>...', 9) #9 /home/lnrorg/public_html/wp-includes/functions.php(5373): ob_end_flush() #10 /home/lnrorg/public_html/wp-includes/class-wp-hook.php(324): wp_ob_end_flush_all('') #11 /home/lnrorg/public_html/wp-includes/class-wp-hook.php(348): WP_Hook->apply_filters(NULL, Array) #12 /home/lnrorg/public_html/wp-includes/plugin.php(517): WP_Hook->do_action(Array) #13 /home/lnrorg/public_html/wp-includes/load.php(1260): do_action('shutdown') #14 [internal function]: shutdown_action_hook() #15 {main} thrown in /home/lnrorg/public_html/wp-content/plugins/litespeed-cache/src/optimizer.cls.php on line 130