ເປີດການສອບເສັງ ຄັດເລືອກ ນັກຮຽນເກັ່ງ ທົ່ວເມືອງນ້ຳບາກແຂວງຫລວງພະບາງ

ວັນທີ 5 ມັງກອນ 2023 ຢູ່ໂຮງຮຽນສາມັນກິນນອນຊົນເຜົ່ານ້ຳບາກ ແຂວງຫລວງພະບາງ ໄດ້ຈັດພິທີ ສອບເສັງແຂ່ງຂັນ ຄັດເລືອກນັກຮຽນເກັ່ງຂັ້ນເມືອງ ຊັ້ນປະຖົມສຶກສາ, ມັດທະຍົມຕອນຕົ້ນ ແລະມັດທະຍົມຕອນປາຍ ທົ່ວເມືອງ ໂດຍເປັນປະທານຂອງ ທ່ານ ສົມຫວັງ ພອນຄຳວົງສາ ເຈົ້າເມືອງນ້ຳບາກ, ມີຫົວໜ້າ-ຮອງຫົວໜ້າຫ້ອງການທີ່ກ່ຽວ ຂ້ອງ, ຄະນະອຳນວຍການໂຮງຮຽນ, ພ້ອມດ້ວຍນັກສອບເສັງເຂົ້າຮ່ວມ.

ພິທີໄດ້ຮັບຟັງການລາຍງານກະກຽມ ການສອບເສັງ ແຂ່ງຂັນຄັດເລືອກນັກຮຽນເກັ່ງຂັ້ນເມືອງ ສົກຮຽນ 2022-2023 ເພື່ອເປັນຕົວແທນເຂົ້າຮວ່ມເສັງຢູ່ຂັ້ນເມືອງ, ມີການກະກຽມຄວາມພ້ອມຮອບດ້ານ, ກຳນົດມື້ສອບເສັງຂັ້ນເມືອງ, ອອກບັດຢັ້ງຢືນໃຫ້ນັກຮຽນທີ່ເປັນຕົວແທນຂອງແຕ່ລະໂຮງຮຽນ, ຈາກນັ້ນ ໄດ້ຜ່ານລະບຽບການສອບເສັງ ເຊີ່ງການສອບເສັງ ແບ່ງອອກເປັນ 3 ຂັ້ນ, ມີນັກສອບເສັງທັງໝົດ 99 ນ້ອງ, ຍິງ 47 ນ້ອງ; ໃນນັ້ນ ຊັ້ນປະຖົມສຶກສາ ປໍ5 ມີ 42 ນ້ອງ, ຍິງ 32 ນ້ອງ ຕົວແທນມາຈາກ 11 ກຸ່ມໂຮງຮຽນປະຖົມ, 3 ໂຮງຮຽນພາກເອກະຊົນ ສອບເສັງ 3 ວິຊາຄື: ພາສາລາວ(ຫັດແຕ່ງ), ຄະນິດສາດ ແລະໂລກອອ້ມຕົວ; ຊັ້ນມັດທະຍົມຕອນຕົ້ນ ມໍ4 ມີ 44 ນ້ອງ, ຍິງ 15 ນ້ອງ ຕົວແທນມາຈາກ 12 ໂຮງຮຽນມັດທະຍົມຕອນຕົ້ນ, 1 ໂຮງຮຽນເອກະຊົນ; ຊັ້ນມັດທະຍົມຕອນປາຍ ມໍ7 ມີ 16 ນ້ອງ, ຍິງ 8 ນ້ອງ ຕົວແທນມາຈາກ 5 ໂຮງຮຽນ ສຳລັບມັດທະຍົມຕອນຕົ້ນ ແລະຕອນປາຍ ສອບເສັງ 4 ວິຊາຄື: ພາສາລາວ- ວັນນະຄະດີ, ຄະນິດສາດ, ເຄມີສາດ ແລະຟີຊິກສາດ, ໂອກາດນີ້ ປະທານພິທີໄດ້ເນັ້ນໜັກໃຫ້ຄະນະກຳມະການເຝົ້າຫ້ອງສອບເສັງ ຈົ່ງປະຕິບັດຕາມໜ້າທີ່ມອບໝາຍ ແລະນັກສອບເສັງ ຈົ່ງປະຕິບັດຕາມລະບຽບການສອບເສັງໃຫ້ເຂັ້ມງວດ ທັງພ້ອມກັນຕັ້ງໃຈເຮັດໜ້າທີ່ຂອງຕົນໃຫ້ໄດ້ຮັບຜົນດີ; ຜ່ານການສອບເສັງຊັ້ນປະຖົມ ປໍ5 ທີ່ 1 ວິຊາພາສາລາວ ນາງ ຈຳປາ ຢ່າງ ຈາກໂຮງຮຽນເທບປັນຍາ 1; ທີ່ 1 ວິຊາຄະນິດສາດ ນາງ ວັນນາລີ ພອນຄຳວົງສາ ຈາກໂຮງຮຽນເທບປັນຍາ 2, ທີ່ 1 ວິຊາໂລກອອ້ມຕົວ ທ້າວ ຕູລີ ຈາກ ໂຮງຮຽນເທບປັນຍາ 1; ຊັ້ນມັດທະຍົມຕອນຕົ້ນ ທີ່ 1 ວິຊາຄະນິດສາດ ທ້າວ ເລົ່າ ທໍ່ ຈາກໂຮງຮຽນມັດທະຍົມຕົ້ນຫົວນາ, ທີ່ 1 ວິຊາ ພາສາລາວ-ວັນນະຄະດີ ນາງ ເພັດມະນີ ວັນນະອິີງ ຈາກໂຮງຮຽນມັດທະຍົມຕົ້ນເທບປັນຍາ; ທີ່ 1 ວິຊາຟີຊິກສາດ ນາງ ຈິດຕະກອນ ໄຊຍະວົງ ຈາກໂຮງຮຽນມັດທະຍົມຕົ້ນເທບປັນຍາ; ທີ່ 1 ວິຊາເຄມີສາດ ທ້າວ ເຈັງຮ່າງ ຈາກໂຮງຮຽນມັດທະຍົມຕົ້ນເທບປັນຍາ; ຊັ້ນມັດທະຍົມຕອນປາຍ ທີ່ 1 ວິຊາຄະນິດສາດ ທ້າວ ລີປໍ ຊົ່ງ ຈາກໂຮງຮຽນ ມສ ນ້ຳຖ້ວມ, ທີ່ 1 ວິຊາພາສາລາວ-ວັນນະຄະດີ ນາງ ຕານ໋ອຍ ພາອິນຄົມ ຈາກໂຮງຮຽນ ມສ ນ້ຳບາກ, ອັນດັບ1 ແມ່ນ ວິຊາຟີຊິກສາດ ທ້າວ ມົ້ງເຮີ ເຊັງຕົວ ມາຈາກໂຮງຮຽນ ມສ ນ້ຳຖວ້ມ ແລະ ວິຊາເຄມີສາດ, ທີ່ 1 ແມ່ນ ທ້າວ ໄຊຫຼົງ ເລົ່າເຊ່ຍປໍລີ ຈາກໂຮງຮຽນ ມສນ້ຳຖ້ວມ ເຊີ່ງຈະໄດ້ເປັນຕົວແທນຂອງເມືອງນ້ຳບາກ ໄປຮວ່ມສອບເສັງນັກຮຽນເກັ່ງຂັ້ນແຂວງ ປະຈຳສົກຮຽນ 2022-2023 ໃນຂັ້ນຕໍ່ໄປ.

ຂ່າວ: ພອນສັກ ສິງດາລັກ(ນັກຂ່າວເມືອງນ້ຳບາກ)