ນັກກິລາດອກປີກໄກ່ ຫລາຍກວ່າ 370 ຄົນ ພາຍໃນ 58 ທີມ ຈາກສະໂມສອນຕ່າງຯ ພາຍໃນນະຄອນຫລວງວຽງຈັນ ແລະ 6 ແຂວງ ຄື: ຜົ້ງສາລີ, ຫລວງພະບາງ, ບໍລິຄໍາໄຊ, ຄໍາມ່ວນ, ສະຫວັນນະເຂດ ແລະ ຈໍາປາສັກ ເຂົ້າຮ່ວມຊີງໄຊໃນກິລາດອກປີກໄກ່ທົ່ວປະເທດ ປະເພດທີມຄັ້ງທີ ll ຊີງຂັນນາຍົກລັດຖະມົນຕີ ຊີງເງິນລາງວັນ, ບວກລາງວັນເປັນປີ້ຍົນ ແລະ ລາງວັນຕື່ມເງິນ ລວມມູນຄ່າທັງໝົດຫລາຍກວ່າ 150 ລ້ານກີບ.
ການແຂ່ງຂັນກິລາຄງນີ້ ຈັດຂຶ້ນສະໂມສອນດອກປີກໄກ່, ບຶງຂະຫຍອງ, ນະຄອນ ຫລວງວຽງຈັນ ໃນລະຫວ່າງວັນທີ 3-6 ທັນວາ 2020 ນີ້. ສ່ວນພິທີເປີດການແຂ່ງ ຂັນຢ່າງເປັນທາງການຈັດຂຶ້ນໃນວັນທີ 4 ທັນວານີ້.
ທ່ານ ບຸນເຫລືອ ສິນໄຊວໍຣະວົງ, ຮອງລັດຖະມົນຕີກະຊວງການເງິນ, ທັງເປັນປະທານສະຫະ ພັນກິລາດອກປີກໄກ່ແຫ່ງຊາດລາວ ໃຫ້ຮູ້ວ່າ: ການຈັດການແຂ່ງຂັນກິລາດອກປີກໄກ່ໃນຄັ້ງນີ້ ເພື່ອສະເຫລີມສະຫລອງ 2 ວັນປະຫວັດສາ ຄື: ວັນສະຖາ ປະນາ ສປປ ລາວ ວັນທີ 2 ທັນວາ ຄົບຮອບ 45 ປີ ແລະ ວັນເກີດປະທານ ໄກສອນ ພົມວິຫານ ວັນທີ 13 ທັນວາ ຄົບຮອບ 100ປີ, ທັງເປັນເວທີສ້າງໂອກາດໃຫ້ນັກກິລາໄດ້ທົດສອບສີມືຂອງຕົນ ແລະ ຄັດເລືອກນັກກິລາດີເດັ່ນເຂົ້າເປັນນັກກິລາທີມຊາດໃນແຕ່ລະຮຸ່ນອາຍຸ, ພ້ອມນີ້ ຍັງເປັນການກຽມຄວາມພ້ອມນັກກິລາດອກປີກໄກ່ເພື່ອເຂົ້າຮ່ວມການແຂ່ງຂັນກິລາແຫ່ງຊາດທີ່ມີແຜນຈະຈັດຂຶ້ນພາຍໃນປີ 2020.
ສຳລັບການແຂ່ງຂັນປະກອບມີ 6 ລາຍ ຄື: ຊາຍທົ່ວໄປ ມີ 18 ທີມ, ຍິງທົ່ວໄປ 8 ທີມ, ປະສົມທົ່ວໄປ 9 ທີມ, ເຍົາວະຊົນຊາຍ 13 ທີມ, ເຍົາວະຊົນປະສົມ 5 ທີມ ແລະ ອາວຸໂສຊາຍ 6 ທີມ.
Loading...