ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ນັກກິລາບານສົ່ງຈາກ 14 ສະໂມສອນ, ໃນນີ້ ມີຊາຍ 8 ສະໂມສອນ ແລະ ຍິງ 6 ສະໂມສອນ ເຂົ້າຮ່ວມການແຂ່ງຂັນບານສົ່ງໃນຮົ່ມ ເບຍ ແຊ້ມປ້ຽນຊິບ (Beerlao Volleyball Championship 2023) ທີ່ແຂ່ງຂັນຢູ່ສະໂມ ສອນກິລາບານສົ່ງໃນຮົ່ມ ກອງທັບ (ຫຼັກ 5) ເມືອງໄຊເຊດຖາ ນະຄອນຫຼວງວຽງຈັນ ໃນລະຫວ່າງວັນທີ 4 ພະຈິກ-10 2023 ໂດຍໄດ້ຮັບການອຸປະຖໍາຈາກ ບໍລິສັດ ເບຍລາວ ຈໍາກັດ ມູນຄ່າ 350 ລ້ານກີບ.
ການແຂ່ງຂັນທັງປະເພດຊາຍ ແລະ ຍິງ ແມ່ນແຂ່ງແບບພົບກັນໝົດ. ທີມໃດໄດ້ຄະແນນຫລາຍກວ່າໄດ້ແຊ້ມໄປຄອງ. ໃນນີ້ ສໍາລບປະເພດຊາຍ ຊະນະເລີດຈະໄດ້ຂັນພ້ອມເງິນລາງວັນ 25 ລ້ານກີບ. ສ່ວນປະເພດຍິງ ຊະນະຈະໄດ້ຂັນແຊ້ມ ພ້ອມເງິນລາງວັນ 15 ລ້ານກີບ. ນອກຈາກນີ້ ຍັງມີລາງວັນອື່ນໆອີກ ຊຶ່ງທຸກສະໂມສອນທັງຊາຍ ແລະ ຍິງທີ່ເຂົ້າຮ່ວມແຂ່ງຂັນແມ່ນຈະມີລາງວັນໃຫ້ໝົດແຕ່ລາງວັນຈະຫລຸດລົງຕາມລໍາດັບ.
ສໍາລັບພິທີເປີດການແຂ່ງຂັນລາງການດັ່ງກ່າວຢ່າງເປັນທາງການຈັດຂຶ້ນໃນຕອນບ່າຍວັນທີ 10 ພະຈິກ 2023 ໂດຍການໃຫ້ດຽດເຂົ້າຮ່ວມຂອງ ທ່ານ ກິ່ງມະໂນ ພົມມະຫາໄຊ, ຮອງລັດຖະມົນຕີ ກະຊວງສຶກສາທິການ ແລະ ກິລາ, ພ້ອມດ້ວຍບັນດາຄະນະບໍລິຫານງານຄະນະກຳມະການໂອແລມປິກແຫ່ງຊາດລາວ, ສະຫະພັນບານສົ່ງແຫ່ງຊາດລາວ, ຕາງໜ້າບໍລິສັດ ເບຍລາວ ຈຳກັດ ແລະ ແຂກຖືກເຊີນ, ຄະນະນຳ, ຄູຝຶກ ແລະ ນັກກິລາ ຕະຫຼອດຮອດກອງເຊຍເຂົ້າຮ່ວມ.