ພິທີເປີດການແຂ່ງຂັນກິລາເທຄວັນໂດ ທົ່ວປະເທດ ຊີງຂັນເຈົ້າຄອງນະຄອນຫຼວງວຽງຈັນ (ນວ) ຄັ້ງທີ 6 ປະຈຳປີ 2024 ຈັດຂຶ້ນໃນຕອນບ່າຍວັນທີ 15 ມິຖຸນາ 2024 ທີ່ສະໂມສອນກິລາໃນຮົ່ມສູນບູໂດເຊັນເຕີ. ນະຄອນຫລວງວຽງຈັນ ໂດຍມີ ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ ທັງເປັນຮອງປະທານຄະນະກຳມະການໂອແລມປິກແຫ່ງຊາດລາວ, ທ່ານ ສຸຣິອຸດົງ ສູນດາລາ ຮອງລັດຖະມົນຕີ ກະຊວງສຶກສາທິ ການ ແລະ ກິລາ ພ້ອມດ້ວຍ ບັນດາພາກສ່ວນຜູ້ສະໜັບສະໜູນ ຕະຫຼອດຮອດຄູຝຶກ, ນັກກີລາຈາກ 22 ສະໂມສອນ ເຂົ້າຮ່ວມ.
ລາຍການດັ່ງກ່າວ ແຂ່ງຂັນເປັນເວລາ 2 ວັນ (15-16 ມິຖຸນາ 2024) ມີນັກກິລາທັງໝົດ 300 ກວ່າຄົນເຂົ້າຮ່ວມ. ມີການຊີງ ໄຊທັງໝົດ 153 ຫຼຽນຄຳ, 153 ຫຼຽນເງິນ ແລະ 306 ຫຼຽນທອງ, ໃນນັ້ນ ປະເພດຕໍ່ສູ້ ມີ 66 ລາຍການ ແລະ ປະເພດປຸ້ມເຊ້ 57 ລາຍການ. ພາຍໃນງານຍັງມີຫລາຍກິດຈະກໍາເປັນຕົ້ນແມ່ນງານຕະຫຼາດນັດ ແລະ ອີກຫຼາຍເທສະການ.
ການແຂ່ງຂັນຄັ້ງນີ້ ໄດ້ຮັບການສະໜັບສະໜູນຫຼັກຈາກບໍລິສັດ ໂອໂຕລາວ ຈຳກັດ, ບໍລິສັດ ເບຍລາວ ຈຳກັດ, ບໍລິສັດ ອີຊີຟິດ, ບໍລິສັດ ຊໍາຊຸງ, ບໍລິສັດ ເບດເທເລຄອມ, ບໍລິສັດ ເຊເມີ-ບີ ແລະ ບໍລິສັດ ເອັກສເຜີ້ງ ລວມມູນຄ່າ 250 ລ້ານກີບ.
