ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ເປີດງານວັດທະນະທໍາ ແລະ ທ່ອງທ່ຽວປ່າຝົນເຂດຮ້ອນ
ງານວັດທະນະທໍາ ແລະ ທ່ອງທ່ຽວປ່າຝົນເຂດຮ້ອນ ເນື່ອງໂອກາດງານແລກປ່ຽນວັດທະນະທໍາ ລະຫວ່າງປະຊາຊົນຢູ່ຕາມຊາຍແດນ ລາວ-ຈີນ ປະຈໍາປີ 2024 ຈັດຂຶ້ນວັນທີ 21 ມິຖຸນາ 2024 ຢູ່ສະໜາມຫຼວງວັດທະນະທໍາເມືອງຫຼ້າ ກິ່ງແຂວງສິບສອງພັນນາ ແຂວງຢຸນນານ ສປ ຈີນ ເຊິ່ງຝ່າຍລາວ ມີ ທ່ານ ທອງພັດ ວົງມະນີ ຮອງລັດຖະມົນຕີກະຊວງກະສິກຳ ແລະ ປ່າໄມ້ ທ່ານ ປອງດອງ ປະຊາພັກດີ ກົງສຸນໃຫຍ່ ສປປ ລາວ ປະຈຳນະຄອນຄຸນໝິງ ພ້ອມດ້ວຍການນຳຈາກແຂວງຜົ້ງສາລີ ບໍ່ແກ້ວ ຫຼວງນໍ້າທາ ຫຼວງພະບາງ ແລະ ອຸດົມໄຊ ຝ່າຍຈີນ ມີທ່ານ ຢຽນໝິງເຕົ້າ ຮອງຫົວ ໜ້າສະມາຄົມມິດຕະ ພາບກັບຕ່າງປະເທດ ແຂວງຢຸນນານ ທ່ານ ຊຸນລູ້ ຮອງເຈົ້າກິ່ງແຂວງສິບສອງພັນນາ ທ່ານ ຮວນເລີຍ ຮອງເລາຂາຄະນະ ພັກ ເຈົ້າເມືອງຫຼ້າ ພ້ອມດ້ວຍພາກ ສ່ວນກ່ຽວຂ້ອງ ເຂົ້າຮ່ວມ.
ທ່ານ ຈ່າງຊີຢຶງ ເລຂາຄະນະພັກເມືອງຫຼ້າ ກ່າວວ່າ: ປະ ເທດຈີນ ກັບປະເທດລາວ ມີພູຮ່ວມສາຍ ແມ່ນ້ຳຮ່ວມຍອດ ສິ່ງແວດລ້ອມນິເວດເພິ່ງພາອາໄສກັນ “ປ່າຝົນເຂດ ຮ້ອນ” ແມ່ນເຮືອນຊານບ້ານສີຂຽວຂອງພວກເຮົາ ໃນເດືອນຕຸລາ 2023 ທ່ານ ສີ ຈິ້ນຜິງ ເລຂາທິການໃຫຍ່ ປະ ທານປະ ເທດ ສປ ຈີນ ແລະ ທ່ານ ທອງລຸນ ສີສຸດລິດ ເລຂາທິການໃຫຍ່ ປະທານປະເທດ ສປປ ລາວ ໄດ້ຮ່ວມ ກັນລົງນາມ “ແຜນແມ່ບົດວ່າດ້ວຍການສ້າງຄູ່ຮ່ວມຊາຕາ ກຳ ລາວ-ຈີນ” ອັນໃໝ່ ສອງຝ່າຍໄດ້ບັນລຸຄວາມເຫັນເປັນເອກະພາບກ່ຽວກັບການກໍ່ສ້າງສີວິໄລນິເວດ ແລະ ເອົາການຮ່ວມມືດ້ານສິ່ງແວດລ້ອມນິເວດ ເພື່ອສົ່ງເສີມຊີວິດການເປັນຢູ່ຂອງປະຊາຊົນທັງ ສອງປະເທດ.
ຈຸດປະສົງການຈັດງານວັດທະນະທຳ ແລະ ທ່ອງທ່ຽວປ່າໄມ້ຝົນເຂດຮ້ອນ ຄັ້ງທຳອິດນີ້ ເພື່ອປະຕິບັດຕາມຄວາມເປັນເອກະພາບກັນ ລະຫວ່າງຜູ້ນຳສູງສຸດຂອງສອງປະເທດ ໃຫ້ເຂົ້າສູ່ລວງເລິກ ຫັນຊັບພະຍາກອນປ່າຝົນເຂດຮ້ອນ ແລະ ທ່າແຮງດ້ານວັດທະນະ ທຳ ເຮັດໃຫ້ການແລກປ່ຽນ ແລະ ໄປ-ມາຫາສູ່ກັນລະຫວ່າງປະຊາຊົນບັນດາເຜົ່າ ຕາມຊາຍ ແດນ ລາວ- ຈີນ ເພີ່ມທະວີໄປອີກກ້າວໜຶ່ງ ຊຸກຍູ້-ສົ່ງເສີມການຮ່ວມມືດ້ານການຄ້າ ການທ່ອງທ່ຽວຂ້າມຊາຍແດນ ແລະ ອື່ນໆ ລະຫວ່າງຊາຍແດນ ລາວ-ຈີນ ເຮົດວຽກງານປ່າຝົນເຂດ ຮ້ອນ ໃຫ້ດີ ເພື່ອປະຕິບັດການພັດທະນາຕ່າງຝ່າຍຕ່າງມີຜົນປະໂຫຍດໃຫ້ປະກົດຜົນເປັນຈິງ.
ເມືອງຫຼ້າ ເມືອງທີ່ບໍ່ມີຄວາມກັງວົນ ແລະ ບ່ອນປ່າຝົນເລິກລັບ ການຄົ້ນພົບກົກ ໄມ້ໃຫຍ່ສູງທຽມຟ້າ ໃນປີ 1974 ເຮັດໃຫ້ຄຳເວົ້າ “ປະເທດຈີນ ບໍ່ມີປ່າຝົນເຂດ ຮ້ອນ” ສິ້ນ ສຸດລົງ ເຮັດໃຫ້ປະເທດຈີນ ເປັນປະເທດທີ່ມີປະເພດປ່າໄມ້ຢ່າງສົມບູນຢູ່ໃນໂລກ ປ່າຝົນເຂດຮ້ອນ ເປັນຂອງ ຂວັນອັນປະເສີດຈາກທຳມະຊາດຂອງເມືອງຫຼ້າ ທີ່ນີ້ພູຜາ ແມ່ນ້ຳສວຍ ງາມ ທ້ອງໄຟ້ສີໄຟ້ ແມ່ນ້ຳໃສ ມີລະບົບນິເວດຄົບຖ້ວນ ແນວພັນຊີວະສັດອຸດົມສົມບູນ ອັດ ຕາປົກຄຸມຂອງປ່າໄມ້ ກວມ 88% ລູກຫຼານປະຊາຊົນບັນດາເຜົ່າຂອງເມືອງຫຼ້າ ໄດ້ສືບທອດຮັກສາປ່າຝົນ ໃຫ້ກາຍເປັນວັດທະ ນະທຳ “ປ່າຝົນເຂດຮ້ອນ” ຢ່າງພິເສດ ທີ່ນີ້ມີທຳມະຊາດເຕັມໄປດ້ວຍເຄັດລັບມະຫັດສະຈັນ ເຊັນ: ກົກໄມ້ຂຽວທຽມຟ້າ ສວນດອກໄມ້ທ້ອງໄຟ ເກີດດອກໄມ້ທີ່ລຳໄມ້ ແລະ ອື່ນໆ ມີວັດທະນະທຳສືບທອດເປັນປີພັນປາຍ ພູຊາພັນປີພູເອີມີ 6 ແຫ່ງ ແຕ່ມີ 5 ແຫ່ງຢູ່ເມືອງຫຼ້າ ມີບຸນມະຫາກຳຂອງຊົນເຜົ່າ ທີ່ສາມາດດຶງດູດໃຈ ການດຊາລົງຊີວິດ ຮີດຄອງພື້ນເມືອງທີ່ອຸດົມສົມບູນຫຼາຍຢ່າງ.
ໃນໄລຍະະຜ່ານມາ ເມືອງຫຼ້າ ສ້າງຈິດສຳນຶກ “ພູຂຽວ ນ້ຳໃສ ກໍແມ່ນບໍ່ຄຳບໍ່ເງິນ” ກ້າຄົ້ນຄວ້າ ດຳເນີນພາກປະຕິບັດຕົວຈິງຢ່າງດຸໝັ່ນ ອາໄສຊັບພະຍາກອນ ວັດທະ ນະທຳ ແລະ ຊັບພະຍາກອນປ່າໄມ້ນິເວດທີ່ອຸດົມສົມບູນ ສ້າງການທ່ອງທ່ຽວທົ່ວຂົງເຂດປະສົມປະມງສານດ້ວຍການພັດທະ ນາກະສິກຳ ວັດທະນາທຳ ທ່ອງທ່ຽວ ແລະ ການຄ້າ ອອກ ແຮງພັດທະນາຕົວແບບເສດຖະກິດກະສິກຳນິເວດ ການ ກໍ່ສ້າງສວນຢາງພາລາທີ່ມີສິ່ງແວດ ລ້ອມສົດໃສ ສີ່ແສນຫ້າສິບສອງພັນມູ້ ແລະ ສວນຊາຊີວະພາບແສນຫົກພັນມູ້ ການປູກຕົ້ນໄມ້ຫາຍາກ ສອງລ້ານເຈັດສິບເຈັດພັນຕົ້ນ ຊຸກ ຍູ້ການສ້າງແບບໃໝ່ອຸດສະຫະກຳອຸດົມສົມບູນ ແລະ ປະ ຊາຊົນຮັ່ງມີ ສ້າງເປັນເມືອງສວນຕົ້ນໄມ້ລະດັບຊາດ ກໍ່ສ້າງເມືອງເຂດທົດ ລອງແບບບຳລຸງຮັກສາຮ່າງກາຍໃນທົ່ວຂົງ ເຂດປ່າໄມ້ລະດັບຊາດ ແລະ ເມືອງສີຂຽວງົດງາມ ເມືອງແບບຢ່າງການກໍ່ສ້າງສີວິໄລນິເວດ ລະດັບແຂວງ.
ໃນວັນດຽວກັນນີ້ຄະນະຜູ້ແທນລາວ ແລະ ຈີນ ຍັງໄດ້ໄປຢ້ຽມຊົມຕະຫຼາດນັດບ້ານແຫຼ້ ຕາແສງເມືອງມ່ານ ດ່ານເມືອງມ່ານ ແລະ ຊົມການແຂ່ງຂັນບານເຕະລະຫວ່າງແຂວງຫຼວງນໍ້າທາ ແລະ ເມືອຫຼ້າ ຢູ່ສະໜາມກີລາຊົນເຜົ່າເມືອງຫຼ້າ ຕື່ມອີກ.