ງານວາງສະແດງສິລະປະສາກົນສາມຫຼ່ຽມຄໍາແຫ່ງສັນຕິພາບ ເປີດຂຶ້ນໃນວັນທີ 26 ມັງກອນນີ້, ທີ່ເຂດເສດຖະ ກິດສາມຫຼ່ຽມຄຳ ເມືອງຕົ້ນເຜິ້ງ ແຂວງບໍ່ແກ້ວ ໂດຍການເຂົ້າຮ່ວມຂອງ ທ່ານ ກິແກ້ວ ໄຂຄຳພິທູນ, ຮອງນາຍົກລັດຖະ ມົນຕີ, ມີ ທ່ານສົມສະຫວາດ ເລັ່ງສະຫວັດ ອາດີດຮອງນາຍົກລັດຖະມົນຕີ, ທ່ານ ຈ້າວເຫວີຍ ປະທານສະພາບໍລິຫານເຂດເສດຖະກິດພິເສດ ສາມຫຼ່ຽມຄໍາ, ແຂກຖືກເຊີນ ພ້ອມດ້ວຍພາກສ່ວນກ່ຽວຂ້ອງ.
ທ່ານ ຈ້າວເຫວີຍ ກ່າວວ່າ: ງານວາງສະແດງໃນຄັ້ງນີ້ ແມ່ນການໃຊ້ຮູບແຕ້ມເປັນຄືນົກສັນຕິພາບທີ່ບິນໄປທົ່ວໂລກ, ພວກເຮົາຕ້ອງຮັກສາສັນຕິພາບ ແລະ ປົກປັນຮັກສາໂລກ. ເມື່ອເບິ່ງໂລກຈາກຄວາມກວ້າງໃຫຍ່ຂອງອາວະກາດກໍເປັນດວງດາວທີ່ມີສີສັນສວຍງາມທີ່ໄຮຂອບເຂດ, ເປັນເຮືອນທີ່ສວຍງາມສຳລັບທຸກສັບພະສິ່ງມະນຸດເຮົາໄດ້ມີການພັດທະນາໃຫ້ມີຄວາມຈະເລີນຮຸ່ງເຮືອງມາເປັນເວລາຫຼາຍພັນປີ, ສົງຄາມນັບບໍ່ຖ້ວນໄດ້ເກີດຂຶ້ນມີດາບ ແລະ ອາວຸດຢູ່ທົ່ວທຸກຫົນແຫ່ງສົ່ງຜົນໃຫ້ເກີດມີການທໍາລາຍລ້າງສິ່ງທີ່ມີຊີວິດ. ໃນໄລຍະຫຼາຍກວ່າ 5.000 ປີ ນັບຕັ້ງແຕ່ການເກີດມີອາລະຍະທໍາເທິງໂລກມະນຸດຊາດໄດ້ຜ່ານສົງຄາມມາຫຼາຍຄັ້ງ ລວມທັງແມ່ຍິງ, ເດັກນ້ອຍ ແລະ ຜູ້ບໍລິສຸດຈໍານວນຫຼາຍ, ຜູ້ເຖົ້າຜູ້ແກ່ ແລະ ມະນຸດບໍ່ມີທີ່ຢູ່ອາໄສນັບບໍ່ຖ້ວນ.ໃນລະຫວ່າງ 5.000 ປີນີ້ ມະນຸດໄດ້ດໍາລົງຊີວິດຢູ່ໃນສະພາບແວດລ້ອມທີ່ສະຫງົບສຸກ. ໃນນັ້ນ, ເປັນເວລາ 300 ກວ່າປີໂລກຕ້ອງການຄວາມປອງດອງ, ຕ້ອງການສັນຕິພາບ ເພື່ອສະໜັບສະໜູນສິ່ງເຫຼົ່ານັ້ນສັງຄົມມະນຸດຕ້ອງມີຄວາມຍຸຕິທໍາ, ຕ້ອງການມິດຕະພາບ.
ງານວາງສະແດງດັ່ງກ່າວ ຈັດຂຶ້ນໃນທຸກໆປີ ຊຶ່ງເປັນກິດຈະກຳໜຶ່ງທີ່ຈັດຂຶ້ນໃນໂອກາດເປີດງານເທສະການດອກງີ້ວບານ. ສຳລັບຜົນງານສີລະປະໃນຄັ້ງນີ້ປະກອບມີຫຼາຍຮ້ອຍລາຍການທັງຮູບແຕ້ມແບບສີລະປະຂອງຈີນ, ຮູບແຕ້ມສີນ້ຳມັນໂປສເຕີ ແລະ ອື່ນໆ ໂດຍມີເນື້ອຫາກ່ຽວກັບພູເຂົາ ແລະ ແມ່ນໍ້າທີ່ສວຍງາມ. ການດຳລົງຊີວິດປະສົມກົມກຽວກັບສິ່ງແວດລ້ອມ, ນົກ ແລະ ສັດນາໆພັນ ຕະຫຼອດຮອດຮູບແຕ້ມ ແລະ ສິລະປະຂອງຈີນໃນສະໄໝບູຮານ,ເປັບພາບທີ່ງຽບສະຫງົບ ແລະ ເປັນສູນລວມຂອງຄວາມຮັ່ງມີທີ່ຍິ່ງໃຫຍ່.
ຂ່າວ: ດວງສະຫັວນ ຂັນທະວົງສາ
