ສະຫະພາບເອີຣົບ ປະຈຳ ສປປ ລາວ (EU) ຈັດງານວາງສະແດງຮູບແຕ້ມ EU-ASEAN ໃນລະຫວ່າງວັນທີ 19-24 ກໍລະກົດ 2024 ທີ່ສູນການຄ້າລາວ ວຽງຈັນເຊັນເຕີ, ນະຄອນຫລວງວຽງຈັນ.
ງານດັ່ງກ່າວໄດ້ສະແດງໃຫ້ເຫັນເຖິງຄວາມສາມາດທີ່ສ້າງສັນຂອງນັກຮຽນຊັ້ນມັດທະຍົມຈາກທົ່ວອາຊຽນ ໂດຍໄດ້ນໍາສະເໜີໃຫ້ເຫັນທັດສະນະທີ່ເປັນເອກະລັກສະເພາະພາຍໃຕ້ຫົວຂໍ້ “ເຮົາເຫັນ EU-ASEAN ແນວໃດ” ງານວາງສະແດງຈະເປີດໃຫ້ເຂົ້າຊົມໄດ້ເລີ່ມແຕ່ວັນທີ 19 ເຖິງ ວັນ ທີ 24 ເດືອນ ກໍລະກົດ ພ້ອມນີ້ຍັງເປັນການເສີມຂະຫຍາຍຄວາມເຂົ້າໃຈຂ້າມວັດທະນະທຳ ຄວາມຄິດທີ່ສ້າງສັນ ແລະ ການສະແດງອອກທາງສິລະປະ ເຊິ່ງສະຫະພາບເອີຣົບ ປະຈຳ ສປປ ລາວ ໄດ້ເລີ່ມຈັດງານແຂ່ງຂັນແຕ້ມຮູບ EU-ASEAN ພາຍໃຕ້ຫົວຂໍ້ “ເຮົາເຫັນ EU-ASEAN ແນວໃດ”
ການແຂ່ງຂັນຄັ້ງນີ້ມີຈຸດປະສົງ ເພື່ອໃຫ້ໄວໜຸ່ມໄດ້ມີພື້ນທີ່ໃນການນໍາສະເໜີມູມມອງຂອງເຂົາເຈົ້າຕໍ່ກັບສະຫະພາບເອີຣົບ ໃນຂົງເຂດຂອງພາກພື້ນອາຊຽນ ພ້ອມທັງສົ່ງເສີມການສະແດງອອກທາງດ້ານສິລະປະ ເສີມສ້າງແນວຄວາມຄິດສ້າງສັນແລະພັດທະນາທັກສະຂອງນັກຮຽນຊັ້ນມັດທະຍົມໃນຂອບເຂດອາຊຽນ.
ພາຍໃນງານຄັ້ງນີ້ ໄດ້ຈັດສະແດງຜົນງານທີ່ດີ 50 ສິລະປະທີ່ ແລະ ຖືເປັນການສະເຫຼີມສະຫຼອງທີ່ສ້າງແຮງບັນດານໃຈ ຂອງຄວາມເຂົ້າໃຈຂ້າມວັດທະນະທໍາ ແລະ ການ ສະແດງອອກທາງດ້ານສິລະປະ ຂໍ້ລິເລີ່ມນີ້ສະແດງໃຫ້ເຫັນເຖິງຄວາມສຳຄັນຂອງການສະແດງສິລະປະ ເພື່ອແນໃສ່ການເພີ່ມທະວີຄວາມເຂົ້າໃຈເຊິ່ງກັນ ແລະ ກັນ ຊຸກຍູ້ຄວາມຄິດສ້າງສັນ ສ້າງການພົວພັນທີ່ຍືນຍົງລະຫວ່າງສະຫະພາບ ເອີຣົບ ແລະ ອາຊຽນ.
ທີ່ມາ: ວຽງຈັນໃໝ່/VientianeMai
