ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

   ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຕົວຈິງ

ເປີດຊຸດສຳມະນາຫົວຂໍ້ສະເພາະຂອງພະນັກງານການນຳຕົ້ນຕໍລະດັບແຂວງແລະລັດຖະມົນຕີ

ຕອນເຊົ້າວັນທີ 11 ມັງກອນນີ້, ຊຸດສຳມະນາຫົວຂໍ້ສະເພາະຂອງພະນັກງານການນຳຕົ້ນຕໍລະດັບແຂວງແລະລັດຖະມົນຕີໄດ້ເປີດຂຶ້ນຢູ່ໂຮງຮຽນພັກສູນກາງຂອງຈີນ. ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ, ປະທານປະເທດຈີນ ໄດ້ກ່າວຄຳປາໄສໃນພິທີເປີດ ໂດຍກ່າວເນັ້ນວ່າ: ຕ້ອງຮັບຮູ້ແລະນຳໃຊ້ບົດຮຽນປະຫວັດສາດໃນການບຸກບືນສູ້ຊົນຮ້ອຍປີຂອງພັກກອມມູນິດຈີນໃຫ້ດີ, ເສີມຂະຫຍາຍຈິດໃຈສ້າງຕັ້ງພັກທີ່ຍິ່ງໃຫຍ່, ເພີ່ມຄວາມໝັ້ນໃຈດ້ານປະຫວັດສາດຂອງຕົນ, ເພີ່ມທະວີຄວາມສາມັກຄີແລະຄວາມເປັນເອກະພາບກັນ, ເພີ່ມທະວີຈິດໃຈບຸກບືນສູ້ຊົນ, ພະຍາຍາມສູ້ຊົນຢ່າງບໍ່ລົດລະເພື່ອບັນລຸເປົ້າ ໝາຍການສູ້ຊົນຄົບຮອບ 100 ປີເຫດການທີສອງ.
ທ່ານສີຈິ້ນຜິງກ່າວເນັ້ນວ່າ: ໃນຂະບວນການສູ້ຊົນຮອບຮ້ອຍປີຜ່ານມາ, ພັກກອມມູນິດຈີນໄດ້ຜ່ານຜ່າຟ້າຝົນລົມແດງແຕ່ຍັງມີຄວາມຂະຫຍັນຫ້າວຫັນ ທັງໄດ້ຮັບການສະໜັບສະໜູນຈາກປະ ຊາຊົນ, ນີ້ແມ່ນຍ້ອນວ່າ ພັກກອມ ມູນິດຈີນກ້າຜະເຊີນໜ້າກັບບັນ ຫາຂອງຕົນ, ກ້າດຳເນີນການປະຕິວັດດ້ວຍຕົນເອງ. ໃນບັນຫາພື້ນຖານທີ່ວ່າ: ກຳອຳນາດເພື່ອໃຜ, ໃຊ້ອຳນາດເພື່ອໃຜ ແລະສ້າງຜົນປະໂຫຍດເພື່ອໃຜ, ພວກເຮົາຕ້ອງມີຄວາມຮັບຮູ້ຢ່າງກະຈ່າງແຈ້ງ, ມີຫຼັກໝັ້ນທີ່ເດັດດ່ຽວໜຽວແໜ້ນເປັນພິເສດ. ບັນດາສະຫາຍທົ່ວພັກກໍຕ້ອງເປັນຄົນທີ່ປອດໄສຂາວສະອາດ, ເຮັດວຽກຢ່າງບໍລິສຸດຜຸດຜ່ອງ ແລະຮັກສາຮາກເຫງົ້າທາງການເມືອງທີ່ບໍລິສຸດຜຸດຜ່ອງ. ການກໍ່ສ້າງແບບ ແຜນທີ່ດີຂອງພັກແລະການບໍລິຫານລັດທີ່ປອດໄສຂາວສະ ອາດ ພ້ອມດ້ວຍການຕໍ່ສູ້ຕ້ານການສໍ້ລາດບັງຫຼວງແມ່ນວຽກ ງານທີ່ຕ້ອງດຳເນີນໄປຢ່າງຕໍ່ເນື່ອງ ໂດຍບໍ່ມີວັນສິ້ນສຸດລົງ, ບໍ່ວ່າຜູ້ໃດທີ່ໄດ້ລະເມີດລະບຽບວິໄນຂອງພັກແລະກົດໝາຍຂອງປະເທດ, ກໍຕ້ອງຖືກປັບໄໝແລະລົງໂທດຢ່າງແນ່ນອນ.