ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ເປີດນໍາໃຊ້ຫໍວາງສະແດງມູນເຊື້ອແຂວງບໍ່ແກ້ວ

ວັນທີ 24 ກັນຍາ 2020 ແຂວງບໍ່ແກ້ວ ຈັດພິທີເປີດການນຳໃຊ້ຫໍວາງສະແດງມູນເຊື້ອຂອງແຂວງຢ່າງເປັນທາງ ການ ເພື່ອເປັນການອະນຸລັກ, ປົກປັກຮັກສາ ແລະ ເສີມຂະ ຫຍາຍວັດຖຸພັນໃຫ້ຄົນຮຸ່ນຫຼັງໄດ້ສຶກສາຄົ້ນຄວ້າກ່ຽວ ກັບປະຫວັດຄວາມເປັນມາຂອງແຂວງເປັນຕົ້ນ: ທາງປະຫວັດ ສາດ, ມູນເຊື້ອຂອງແຂວງ, ຮີດຄອງປະເພນີວັດທະນະທໍາບັນດາເຜົ່າເປັນບ່ອນສຶກສາຮໍ່າຮຽນ, ເຮັດໃຫ້ຄົນຮຸ່ນຫຼັງໄດ້ສຶກສາຮໍ່າຮຽນ ແລະ ເອົາຂໍ້ມູນຕ່າງໆມາຂຽນບົດກ່ຽວກັບປະຫວັດຄວາມເປັນມາຂອງແຂວງໄດ້ຢ່າງເລິກເຊິ່ງ.

ວັດຖຸພັນທີ່ນໍາມາວາງສະແດງມີຫ້ອງວາງສະແດງການປົກຄອງຂອງແຂວງແຕ່ລະໄລຍະ, ພະພຸດທະຮູບຫຼໍ່ທອງ, ຄ້ອງບັ້ງ, ຄ່ອງຈູມ, ໄຫເຈືອງຖ້ວຍເຈືອງ, ເຫຼົ້າໄຫບູຮານ, ຫ້ອງຂໍ້ມູນການທ່ອງທ່ຽວ, ເຄື່ອງມືການຜະລິດ, ອາວຸດລ່າເນື້ອອາວຸດເສິກ, ຫີນສີລາຈາລຶກ, ຮູບພາບວິຖີຊີວິດຮີດຄອງປະເພນີ ( ຮີດ 12 ຄອງ 14 ) ເຄື່ອງນຸ່ງຫົ່ມ, ເຄື່ອງດົນຕີລາວເດີມ, ຊື່ອາຫານອີນທີ່ເປັນເອກະລັກຂອງບັນດາເຜົ່າພາຍໃນແຂວງບໍ່ແກ້ວ.

ທ່ານ ບົວຄົງ ນາມມະວົງ ເຈົ້າແຂວງບໍ່ແກ້ວ ໄດ້ມີຄໍາເຫັນເນັ້ນໜັກໃຫ້ຄະນະພັກ-ຄະນະພະແນກ ແລະ ພະນັກ ງານວິຊາການທຸກຄົນ ຈົ່ງເອົາໃຈໃສເປັນເຈົ້າການໃນການປົກປັກຮັກສາ ແລະ ຄຸ້ມຄອງວັດຖຸພັນດັ່ງກ່າວນີ້ໃຫ້ມີຄວາມໝັ້ນຄົງ ແລະ ປອດໄພ ເພື່ອເສີມຂະຫຍາຍມູນເຊື້ອອັນດີງາມຂອງແຂວງ ທີ່ສ່ອງແສງໃຫ້ເຫັນເຖິງວິຖີຊີວິດການເປັນຢູ່ຂອງປະຊາຊົນບັນດາເຜົ່າ ທັງເປັນບ່ອນໃຫ້ຂໍ້ ມູນກ່ຽວກັບມູນເຊື່ອແລະ ປະຫວັດຄວາມເປັນມາຂອງແຂວງ ໃຫ້ແກ່ນັກສຶກສາແລະນັກທ່ອງທ່ຽວທີ່ເຂົ້າມາທ່ຽວແຂວງບໍ່ແກ້ວໄດ້ຢ່າງກວ້າງຂວາງ.

Cr: ບຸນເພັດ ໄຊຍະວົງ