ແຂວງຈຳປາສັກ ຈັດພິທີເປີດປ້າຍຫໍຫລັກເມືອງນະຄອນປາກເຊ ຢ່າງເປັນທາງການ ໃນວັນທີ 5 ເມສາ 2024 ໂດຍການໃຫ້ກຽດເຂົ້າຮ່ວມຂອງ ທ່ານສອນໄຊ ສີພັນດອນ ນາຍົກລັດຖະມົນຕີ.
ທ່ານ ບົວລີ ເພັດສົງຄາມ ເຈົ້ານະຄອນປາກເຊ ໄດ້ລາຍງານປະຫວັດຄວາມເປັນມາ ແລະ ການກໍ່ສ້າງຫໍຫັກເມືອງນະຄອນປາກເຊໃຫ້ຮູ້ວ່າ: ໂຄງການນີ້ເປັນໂຄງການຂອງແຂວງຮັບຜິດຊອບໂດຍກົງ, ມີທີ່ຕັ້ງຢູ່ໜ້າວັດຫຼວງບ້ານຫຼັກເມືອງ, ເຊິ່ງໄດ້ເກັບກໍາຂໍໍ້ມູນສຶກສາອອກແບບ ແລະ ແຕ່ງຕັ້ງຄະນະຮັບຜິດຊອບມາແຕ່ປີ 2011 – 2012 ເປັນຕົົ້ນມາ ແລະໄດ້ຕົກລົງກໍ່ສ້າງ ຫໍຫຼັກເມືອງເພື່ອເປັນການຢັ້ງຢືນເຖິງຄວາມເປັນມາໃນການຕັ້ງຖິ່ນຖານພູມ ລຳເນົາຂອງຊາວເມືອງ ແລະ ຢັ້ງຢືນເຖິງການສືບສານ, ສືບທອດມູນເຊື້ອອັນດີງານຂອງຊາດ, ຂອງທ້ອງຖີີ່ນແລະສົ່ງເສີມສີລະປະວັດທະນະທຳ ທີ່ມີເອກະລັກຂອງຊາດ, ຂອງທ້ອງຖິ່ນລາວໃຕ້.
ໂຄງການດັ່ງກ່າວ ໄດ້ເລີ່ມວາງສີລາຈາລຶກດຳເນີນການກໍ່ສ້າງໃນວັນທີ 29 ພຶດສະພາ 2015 ແລະ ສຳເລັດລົງຕາມແຜນການ. ຫໍຫຼັກເມືອງນະຄອນປາກເຊກາຍເປັນສະຖານທີ່ສັກກາລະບູຊາ ແລະ ເປັນຕົວແທນຂອງອົງການປົກຄອງໃນການປຸກສ້າງບ້ານເມືອງຕະຫຼອດໄລຍະທີ່ຜ່ານມາ.
Cr: ຫ້ອງການຖວທ ນະຄອນປາກເຊ
