ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ເທສະການໝາກຂາມຫວານ ຕິດພັນກັບການເປີດທ່ອງ ທ່ຽວລາວ 2024 ທີ່ເມືອງຊະນະຄາມ ແຂວງວຽງຈັນ ຈັດຂຶ້ນ ໃນວັນ 3 ກຸມພາ 2024.
ທ່ານ ແກ້ວ ພິມມະວົງ ເຈົ້າເມືອງຊະນະຄາມ ໃຫ້ຮູ້ວ່າ: ການຈັດເທສະການໝາກຂາມຫວານ ທີ່ເມືອງຊະນະຄາມ ເລີ່ມມາແຕ່ ວັນທີ 27 ມັງກອນ ຫາ 4 ກຸມພາ 2024, ໃນປີນີ້ແມ່ນມີຄວາມພິເສດຫລາຍ ເພາະນອກຈາກເປັນການ ອະນຸລັກຮັກສາ ວັດທະ ນະທຳ, ຮີດຄອງປະເພນີອັນດີງາມຂອງຊາດ ແລະ ຂອງເຜົ່າຕ່າງໆແລ້ວ ຍັງເຕິດພັນກັບການສ້າງກິດຈະກຳຕ້ອນຮັບປີທ່ອງ ທ່ຽວລາວ2024 ອີກ. ຊະນະຄາມ ເປັນເມືອງໜຶ່ງທີ່ພົ້ນເດັ່ນໃນການຜະລິດເປັນສິນຄ້າ ໂດຍສະເພາະ ແມ່ນການປູກໝາກຂາມຫວານ ໄດ້ກາຍເປັນສິນຄ້າທີ່ເປັນເອກະລັກຂອງເມືອງຊະນະຄາມ ເຊິ່ງເປັນຂອງຕ້ອນຂອງຝາກຂອງແຂກຄົນທີ່ມາຢ້ຽມຢາມເມືອງຊະນະຄາມ.
ໝາກຂາມຫວານເມືອງຊະນະຄາມ ມີ 5 ແນວພັນ ຄື: ພັນສີ ທອງ, ສີຊົມພູ, ປະກາຍທອງ, ອິນທະຜາລຳ ແລະ ພັນຂັນຕີ. ໃນນີ້ໄດ້ຮັບຄວາມນິຍົທຫລາຍກວ່າຫມູ່ແມ່ນພັນສີທອວ. ປະຈຸບັນທົ່ວເມືອງມີເນື້ອທີ່ປູກໝາກຂາມຫວານທັງໝົດ 275 ເຮັກຕາ, ມີ 27.000 ຕົ້ນ, ເນື້ອທີ່ໃຫ້ຜົນຜະລິດແລ້ວ 180 ເຮັກຕາ, ຜົນຜະລິດຈໍາໜ່າຍເປັນສິນຄ້າໄດ້ 389 ໂຕນ/ປີ, ຄິດໄລ່ເປັນມູນຄ່າ 9.725 ລ້ານກີບ/ປີ, ເນື້ອທີ່ປູກໃໝ່ທີ່ບໍ່ທັນໄດ້ເກັບຜົນຜະລິດມີ 95 ເຮັກຕາ.
ສຳລັບກິດຈະກຳພາຍໃນງານມີ: ງານຕະຫລາດນັດ ຜະລິດຕະ ພັນສິນຄ້າກະສິກໍາຂອງເມືອງ, ວາງສະແດງສິນຄ້າໂອດັອບ, ປະ ກວດນາງສາວໝາກຂາມຫວານ ແລະ ການສະແດງສິນລະປະວັນນະຄະດີ ແລະ ອື່ນໆ.
Cr: ຂ່າວອອນລາຍ, ວສລ
May be an image of 8 people and text