ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ສາຂາ ທະນາຄານແຫ່ງ ສປປ ລາວ ພາກເໜືອ ແຂວງຫລວງພະບາງ ຮ່ວມກັບກົມພິມຈຳໜ່າຍ ເຜີຍແຜ່ວຽກງານວິຊາສະເພາະ ການຄຸ້ມຄອງທະນະບັດ ແລະ ເງິນສົດ ໃນຂອດຈໍລະຈອນ ຢູ່ແຂວງວຽງຈັນ ໃນວັນທີ 21 ມິຖຸນາ 2024 ໂດຍການເປັນປະທານຂອງທ່ານ ບຸນທະວີ ສຸກດາວົງ ຫົວໜ້າກົມພິມຈຳໜ່າຍ ທະນາຄານແຫ່ງ ສປປ ລາວ, ມີທ່ານ ສັງທອງ ຄູນຄຳ ຮອງຫົວໜ້າສາຂາທະນາຄານແຫ່ງ ສປປ ລາວ ພາກເໜືອ ແຂວງຫລວງພະບາງ, ພ້ອມດ້ວຍບັນດາພະນັກງານທະນາຄານ ພາກລັດ-ເອກະຊົນ ແລະ ພະແນກການທີ່ກ່ຽວຂ້ອງເຂົ້າຮ່ວມ.
ທ່ານ ບຸນທະວີ ສຸກດາວົງ ໄດ້ເຜີຍແຜ່ເອກະສານວ່າດ້ວຍການຄຸ້ມຄອງ ແລະ ສະກັດກັ້ນການປອມແປງທະນະບັດ ໂດຍຍົກໃຫ້ເຫັນເຖິງຄວາມໝາຍຂອງທະນະບັດ, ວິວັດທະນາການຂອງທະນະບັດ, ການຄຸ້ມຄອງທະນະບັດ, ວົງຈອນ ແລະຄວາມຕ້ອງການຂອງທະນະບັດ ໃນລະບົບເສດຖະກິດ, ຄຸນລັກສະນະຂອງທະນະບັດ ທີ່ສາມາດແລກປ່ຽນໄດ້ ແລະ ບໍ່ໄດ້, ວິທີສັງເກດທະນະບັດແທ້-ທະນະບັດປອມ ພ້ອມຂໍ້ຫ້າມ ແລະ ມາດຕະການຕໍ່ຜູ້ລະເມີດ.
ນອກຈາກນີ້, ຜູ້ເຂົ້າຮ່ວມຍັງໄດ້ຮັບຟັງການເຜີຍແຜ່ແນະນຳ ວິທີການສັງເກດ ເງິນແທ້- ເງິນປອມ ສະກຸນເງິນຕາຕ່າງປະເທດ ນຳອີກ ພ້ອມທັງປຶກສາຫາລືແລກປ່ຽນຄຳຄິດຄຳເຫັນກ່ຽວກັບຫົວຂໍ້ດັ່ງກ່າວ.
ທີ່ມາ: ຂປລ