ກະຊວງສາທາລະນະສຸກ ເປີດກອງປະຊຸມເຜີຍແຜ່ ຂໍ້ຕົກລົງຂອງ ທ່ານ ນາຍົກລັດຖະມົນຕີ ສະບັບເລກທີ 169/ນຍ ລົງວັນທີ 28 ທັນວາ 2023 ວ່າດ້ວຍການສະສາງລົດຂອງລັດ ໂດຍການເປັນປະທານຮ່ວມຂອງ ທ່ານ ຮສ ປອ ສົມກຽດ ພະສີ ຮອງລັດຖະມົນຕີ, ຮອງຫົວໜ້າຫ້ອງວ່າການສຳນັກນາຍົກລັດຖະມົນຕີ ແລະ ທ່ານ ດຣ ໄພວັນ ແກ້ວປະເສີດ ຮອງລັດຖະມົນຕີ ກະຊວງສາທາລະນະສຸກ.
ກອງປະຊຸມໄດ້ຮັບຟັງການເຜີຍແຜ່ຂໍ້ຕົກລົງວ່າດ້ວຍການສະສາງລົດຂອງລັດ ແລະ ນິຕິກຳທີ່ກ່ຽວຂ້ອງ, ເອກະສານກ່ຽວຂ້ອງດັ່ງກ່າວແມ່ນຕິດພັນກັບວາລະແຫ່ງຊາດ ເປັນຕົ້ນແມ່ນເປັນການຜັນຂະຫຍາຍ ມາດຕາ 20 ຂອງດຳລັດວ່າດ້ວຍລົດຂອງລັດສະບັບເລກທີ 599/ລບ ເຊິ່ງເປັນເອກະສານທີ່ສຳຄັນທີ່ພົວພັນເຖິງບັນດາພະນັກງານບຳນານ, ພະນັກງານປະຈຳການ ທີ່ນຳໃຊ້ລົງຂອງລັດໃນໄລຍະຜ່ານມາ ການສະສາງລົດຂອງລັດໃຫ້ສຳເລັດໃນທ້າຍປີ 2024 ແລະ ມີຄວາມສະດວກ ແລະ ໂປ່ງໃສ ກຳນົດວັນເວລາໃນການສະສາງບໍ່ໃຫ້ເກີນ 3 ເດືອນ ຫຼັງຈາກໄດ້ຮັບການຕົກລົງຫັນກຳມະສິດລົດຂອງລັດແລ້ວ.
ກອງປະຊຸມດັ່ງກ່າວຈັດຂຶ້ນໃນວັນທີ 14 ມີຖຸນາ 2024 ທີ່ ຫ້ອງສະໂມສອນໂຮງໝໍມິດຕະພາບ, ນະຄອນຫລວງວຽງຈັນ.
